GSTV

ટ્રમ્પના એરપોર્ટ આગમન સમયે જ વાંદરાઓ રનવે પર આવી આબરૂના લીરેલીરા ન કરે આ માટે કરાઈ વિશિષ્ટ તૈયારીઓ

અમેરિકાના પ્રેસિડેન્ટ ડોનાલ્ડ ટ્રમ્પ આગામી 24 ફેબુ્રઆરીએ અમદાવાદના અતિથિ બનવાના છે. જેના પગલે અમદાવાદ એરપોર્ટ ખાતે એક વિશિષ્ટ તૈયારી શરૂ કરી દેવામાં આવી છે. અમદાવાદના સરદાર વલ્લભભાઇ પટેલ ઇન્ટરનેશનલ એરપોર્ટ ખાતે વાંદરા ઘુસી જવાની સમસ્યા એરપોર્ટ ઓથોરિટી માટે માથાના દુ:ખાવા સમાન બની ગઇ છે.

તાજેતરમાં જ 50થી વધુ વાંદરાના ટોળાએ રન-વેમાં તોફાન મચાવતા બે ફ્લાઇટને 25 મિનિટ સુધી અટકાવવાની ફરજ પડી હતી. હવે ‘સુપર પાવર’ અમેરિકાના રાષ્ટ્રપતિ તેમજ તેમની સાથેના અન્ય વીવીઆઇપીના આગમન વખતે વાંદરા ઘુસી જવાથી ફજેતી ના થાય તેના માટે વિશિષ્ટ તૈયારીઓ શરૂ કરાઇ છે. જેના ભાગરૂપે વન્ય વિભાગ દ્વારા અમદાવાદ એરપોર્ટ ખાતેથી આજના એક દિવસમાં 50થી વધુ વાંદરા પકડવામાં આવ્યા હતા.

હાલમાં ડોનાલ્ડ ટ્રમ્પની સિક્યુરિટી ટીમ પણ અમદાવાદ આવી પહોંચી છે. તેમની સામે એરપોર્ટમાં વાંદરા જોવા મળે નહીં તેના માટે પણ અમદાવાદ એરપોર્ટ ખાતે એરપોર્ટ ઓથોરિટી દ્વારા ‘વોચ’ વધારી દેવામાં આવી છે. હજુ આગામી દિવસોમાં પણ વાંદરા પકડવાની આ ઝૂંબેશ જારી રહેશે.

READ ALSO

Related posts

રાજ્ય સરકારે જાહેર કરેલા રાહત પેકેજની ભાજપના જ ધારાસભ્યો પોલ ખોલી

Nilesh Jethva

કોંગ્રેસ નેતા હાર્દિક પટેલ ફરી કોર્ટના શરણે, સરકારે ફરી કર્યો આ અરજીનો વિરોધ

Nilesh Jethva

7100 રૂપિયાની નોકરી કરવાવાળા ટીઆરબી જવાનોને ડિપોઝીટ પેટે 20 હજાર રૂપિયા જમા કરાવવાનો પરિપત્ર બહાર પાડવામાં આવતા વિવાદ

Nilesh Jethva
Do NOT follow this link or you will be banned from the site!