GSTV

INDvENG : સાઉથમ્પટન ટેસ્ટમાં શ્રેણી સરભર કરવાના ઈરાદા સાથે ઉતરશે વિરાટ સેના

શરૂઆતની બે ટેસ્ટ મેચમાં હાર બાદ શાનદાર વાપસી કરનારી ભારતીય ટીમ ગુરૂવારથી અહીં શરૂ થઈ રહેલી ચોથી ટેસ્ટમાં પણ જીતની લય જાળવી રાખવા બરાબરી કરવાના ઈરાદા સાથે ઉતરશે. એજબેસ્ટનમાં 31 રન અને લોર્ડસમાં ઈનિંગના અંતરથી હાર બાદ વિરાટ કોહલીની ટીમે શાનદાર પ્રદર્શન કરતા નોટિંઘમમાં ત્રીજી ટેસ્ટ 203 રને જીતી હતી. ભારતીય ટીમ હજુપણ પાંચ મેચોની શ્રેણીમાં 1-2થી પાછળ છે.

આ મેદાન પર અત્યાર સુધી ત્રણ ટેસ્ટ મેચ રમાઇ છે. ઈંગ્લેન્ડે શ્રીલંકા (2011) અને ભારત (2014) વિરુદ્ધ અહીં રમ્યું હતું અને ભારતને 266 રને હરાવ્યું હતું. ભારતીય ટીમ અહીં પોતાના છેલ્લા પ્રદર્શનમાંથી પ્રેરણા લઈ શકે છે. ભારતીય ફાસ્ટ બોલરોએ ઈંગ્લેન્ડના ટોપ ઓર્ડરની નબળાઇ ઉજાગર કરી દીધી છે. આ સિવાય કોહલી શાનદાર ફોર્મમાં છે અને ભારત માટે સોનુ સાબિત થયો છે. અત્યાર સુધી આ શ્રેણીમાં 46માંથી 38 વિકેટ ફાસ્ટ બોલરોએ ઝડપી છે.ચોથી ટેસ્ટમાં ભારતને ગ્રીન ટોપ પિચ મળી શકે છે જે ફાસ્ટ બોલરોને મદદ કરી શકે છે. બેટિંગમાં પણ પ્રદર્શન સારૂ રહ્યું છે જેથી અંતિમ ઈલેવનમાં ફેરફારની કોઈ શક્યતા નથી. તેનાથી સંભવતઃ છેલ્લા 45 મેચોથી દરેક મેચમાં ફેરફારના સિલસિલા પર પણ પ્રતિબંધ લાગી શકે છે. તેની શરૂઆત 2014માં સાઉથમ્પટનમથી થઈ હતી. કોહલીએ 45માંથી 28 મેચમાં દર વખતે ફેરફાર કર્યા છે. ભારતીય ફાસ્ટ બોલરોએ મંગળવારે લાંબી બોલિંગ પ્રેક્ટિસ કરી પરંતુ બુમરાહ પ્રેક્ટિસમાં ન આવ્યો. ઉમેશ યાદવ, ઈશાંત શર્મા અને મોહમ્મદ શમીએ બેટિંગની પ્રેક્ટિસ કરી. નોટિંઘમની પિચ સુકી હતી જેના પર બુમરાહને ઝડપ મળી શકી પરતું અહીં વિકેટ લીલી છે જે ઉમેશને પસંદ આવી શકે છે.

જોવાનું તે છે કે ભારતીય ટીમ ફેરફાર કરે છે કે નહીં કારણ કે અશ્વિનની ફિટનેસને લઈને ચિંતા છે. તેણે સોમવારે બોલિંગ ન કરી પરંતુ મંગળવારે પ્રેક્ટિસ કરી હતી. જાડેજાએ બોલિંગ અને બેટિંગની પ્રેક્ટિસ કરી હતી. અશ્વિન ફિટ નહીં હોય તો જાડેજાને અંતિમ ઈલેવનમાં સ્થાન મળી શકે છે. ટીમ મેનેજમેન્ટે હજુ સુધી કોઈ જાણકારી આપી નથી. જો અશ્વિન ન રમે તો ટીમ મેનેજમેન્ટ વધારાના બેટ્સમેનને ઉતારી શકે છે. કરૂણ નાયરે પણ બેટિંગનો અભ્યાસ કર્યો હતો.

 

Related posts

રાજકારણ/ જીતુ વાધાણી સહિતના આ નેતાઓ ભાજપમાં થયા સાઈડલાઈન : આ 3 નેતાઓની લડાઈમાં અન્ય ફાવી ગયા, આમનો વધ્યો દબદબો

Mansi Patel

સત્તા પરથી હટતા જ ચીને લીધો ટ્રંપ સામે બદલો, બાઈડેનના શપથ બાદ ઉઠાવ્યું આ મોટું પગલું

Ankita Trada

ડોક્ટર્સ અને મેડિકલ સ્ટાફ બાદ મેડિકલ એસોસિએશનના હોદ્દેદારોએ પણ લીધી રસી

Pravin Makwana
Do NOT follow this link or you will be banned from the site!