GSTV

સોનૂ સુદે બર્થડે પર કર્યુ મોટુ એલાન: 3 લાખ લોકોને આપશે નોકરી, આ દિગ્ગજ કંપનીઓ સાથે કર્યો કરાર

સોનૂ

એક્ટર સોનુ સૂદ કોરોના કાળમાં જે રીતે દરેક જરૂરિયાતમંદની વ્હારે આવ્યો છે, તેણે જે રીતે મુશ્કેલીના સમયમાં દેવદૂત બની લોકોને સંભાળ્યા છે, લોકો તેના વખાણ કરતાં થાકી નથી રહ્યા. ભરપૂર પ્રશંસા મેળવ્યા બાદ સોનૂ સુદ થંભી ગયો હોય એવુ નથી બન્યુ. તેણે પોતાની મદદનો વ્યાપ વધુને વધુ વિસ્તાર્યો છે. પહેલા જ સોનૂ સુદ ફક્ત લોકોને એક જગ્યાએથી બીજી જગ્યાએ જવામાં મદદ કરી રહ્યો હતો, હવે તે ખેડૂતોને ટ્રેક્ટર આપવાથી લઇને નોકરીઓ આપવા સુધી જેવા કામ કરવા લાગ્યો છે.

પ્રવાસીઓને નોકરીઓ અપાવશે સોનૂ સુદ

30 જુલાઇએ સોનૂ સુદ પોતાનો 47મો બર્થડે સેલિબ્રેટ કરી રહ્યો છે. તે પોતાના બર્થડે પર શાનદાર બોલીવુડ પાર્ટી નથી આપી રહ્યો પરંતુ તેણે આ અવસરે પણ લોકોની મદદ કરીને પુણ્ય કમાવાના પ્રયાસ કર્યા છે. સોનૂ સુદે સોશિયલ મીડિયા પર એલાન કર્યુ છે કે તે હવે પ્રવાસીઓને નોકરી અપાવવામાં મદદ કરશે. પૂરગ્રસ્ત બિહાર અને આસામમાં તે આ અભિયાનને ઝડપથી ચલાવવાનો છે.

એક્ટરે સોશિયલ મીડિયા પર જણાવ્યું કે, મારા જન્મદિવસના અવસર પર મારા પ્રવાસી ભાઇઓ માટે http://PravasiRojgar.comનો 3 લાખ નોકરીઓ માટે મારો કરાર. આ તમામ સારા વેતન PF,ESI અને અન્ય લાભ પ્રદાન કરે છે. ધન્યવાદ AEPC, CITI, Trident, Quess Corp, Amazon, Sodexo, Urban Co, Portea અને અન્ય બધાનો.

રોજગાર માટે સોનૂએ શરૂ કર્યુ નવુ અભિયાન

જી હા, સોનૂ સુદે પ્રવાસી રોજગારના નામે નવુ અભિયાન શરૂ કર્યુ છે. તેણે અનેક મોટી કંપનીઓ સાથે કરાર પણ કર્યો છે. પૂરના કારણે આસામ અને બિહારમાં લાખો લોકો પ્રભાવિત છે અને અનેક લોકોએ પોતાની નોકરી ગુમાવી છે, હવે આ તમામની મદદ માટે સોનૂ સુદ આગળ આવ્યો છે. સોનૂની આ પહેલ તે તમામ લોકો માટે એક નવી આશાની કિરણ લઇને આવી છે જેમણે આ પૂરમાં પોતાનુ સર્વસ્વ ગુમાવ્યુ છે.

સોનૂ સૂદ

તેની પહેલા સોનૂ સુદે અલગ-અલગ રીતે લોકોની મદદ કરી છે. તાજેતરમાં જ તેણે એક ખેડૂતને બે બળદ આપ્યા હતાં જેથી તેને ખેતી કરવામાં મદદ મળી શકે. સોનૂએ એક ખેડૂતને ટ્રેક્ટરની પણ ભેટ આપી હતી. સોનૂ સુદનું આ સ્વરૂપ લોકોને ખૂબ જ પસંદ આવી રહ્યું છે. તે સૌકોઇની નજરમાં આજે રિયલ લાઇફ હીરો બની ગયો છે.

Read Also

Related posts

Post Officeની આ સ્કીમમાં પૈસા ડબલ થવાની ગેરંટી, જલ્દીથી ઉઠાવો ફાયદો

Dilip Patel

Aadhaar Cardમાં ડોક્યૂમેન્ટ વગર મોબાઈલ નંબર કરો અપડેટ, અહીંયા જાણો સરળ રીત

Dilip Patel

દિવાળી પહેલા Flipkart થકી પ્રથમ 3 દિવસમાં 70 લોકો બન્યા કરોડપતિ, Sale થી થયો મોટો ફાયદો

Dilip Patel
Do NOT follow this link or you will be banned from the site!