GSTV
Gujarat Government Advertisement

સપ્તાહનાં ત્રીજા કારોબારી દિવસે શેરબજારમાં મોટો કડાકો, સેન્સેક્સ 1000 પોઈન્ટ તૂટ્યો, તો નિફ્ટી 14 હજારની નીચે

Last Updated on January 27, 2021 by Pravin Makwana

ઘરેલું શેરબજારમાં બુધવારના રોજ જબરદસ્ત હરાજી જોવા મળી છે. બોમ્બે સ્ટૉક એક્સચેન્જ (BSE) ના 30 શેરવાળા ઇન્ડેક્સ એટલે કે સેન્સેક્સમાં માત્ર સ્ટૉક્સ જ લીલા નિશાન પર વેચાણ કરી રહ્યાં છે. બપોરના 2:30 વાગ્યા સુધી ભારે હરાજીની વચ્ચે સેન્સેક્સ 1000 અંક એટલે કે 2.16 ટકાથી વધારે નીચે જઇ 47,301ના સ્તર પર વેપાર કરતો જોવા મળ્યો. નિફ્ટી પણ અંદાજે 300 અંક એટલે કે, 2.10 ટકા તૂટીને 13,940ની આસપાસ ટ્રેન્ડ કરી રહ્યો છે. આ પહેલાં શરૂઆતના વેપારમાં જ સેન્સેક્સ 48,000 ની નીચે જતો રહ્યો હતો. આ વર્ષે પ્રથમ વાર એવો મોકો રહ્યો છે કે, જ્યારે સેન્સેક્સ 48,000 ની નીચે ટ્રેન્ડ કરતો જોવા મળ્યો છે. ગેલ ઇન્ડીયા, એક્સિસ બેંક, ડૉ. રેડ્ડીઝ લેબોરેટરી, હિંડાલ્કો ઇન્ડસ્ટ્રીઝ, ટાઇટન કંપની, ઇન્ડસઇન્ડ બેંક, HDFC બેંક અને સન ફાર્માના સ્ટોકમાં વધારે ઘટાડો જોવા મળ્યો છે.

તમામ સેક્ટર્સ લાલ નિશાન પર

આજે ભારે હરાજીનું કારણ એ છે કે, તમામ સેક્ટર્સ લાલ નિશાન પર વેપાર કરી રહ્યાં છે. સૌથી વધારે ઘટાડો બેંકિંગ અને મેટલ સેક્ટર્સમાં જોવા મળી રહ્યો છે. ફાર્મા સેન્ટરમાં પણ દબાણ જોવા મળી રહ્યું છે. બ્રૉડર માર્કેટની જો વાત કરીએ તો BSE સ્મૉલકેપ અને મિડ-કેપ ઇન્ડેક્સમાં પણ ઘટાડો જોવા મળી રહ્યો છે. CNX મિડકેપ પણ 300થી વધારે પોઇન્ટ્સ્થી પણ વધારે ઘટાડા સાથે વેપાર કરી રહ્યો છે.

મળતાઝુલતા વૈશ્વિક સંકેતોની વચ્ચે આજે ઘરેલુ શેરબજારની શરૂઆત ઘટાડા સાથે થઇ હતી. નેશનલ સ્ટૉક એક્સચેન્જ (NSE) પર નિફ્ટી 50 આજે 14,200ની નીચે ખુલ્યો. સવારના 9:15 વાગ્યે BSE નો મુખ્ય ઇન્ડેક્સ સેન્સેક્સ 281 અંક એટલે કે 0.58 ટકાના ઘટાડા સાથે 48,066 ના સ્તરે ખુલ્યો. જ્યારે નિફ્ટી 81 અંક એટલે કે 0.57 ટકાએ લટકી 14,158 ના સ્તરે ખુલ્યો. Sensex 50,000 ના જાદુઉ આંકડાઓ પર પહોંચ્યા બાદ સતત ત્રણ સત્રથી બજારમાં હરાજી જોવા મળી રહી છે. એશિયાઇ બજારમાં આજે મળતોઝુલતો વેપાર જોવા મળી રહ્યો હતો. બ્રૉડર માર્કેટમાં આજે સામાન્ય વધારા સાથે વેપાર થતો જોવા મળી રહ્યો છે. BSE મિડ કેપ અને સ્મોલકેપ ઇન્ડેક્સ લીલા નિશાને વેપાર કરી રહ્યાં હતાં.

રોકાણકારોના 2.66 લાખ કરોડ રૂપિયા ડૂબ્યા

આમ, આ રીતે માત્ર આજના જ વેપારી સત્રમાં રોકાણકારોને રૂપિયા 2.66 લાખ કરોડ વેપારનું નુકસાન થયું છે. બુધવારના રોજ સેન્સેક્સના 1,000 પોઇન્ટના ઘટાડા બાદ બીએસઈની કુલ માર્કેટ કેપ 1,89,59,516.52 રૂપિયા પર આવી ગઈ. આ પહેલાં સોમવારના રોજ વેપારી સત્ર બાદ તે 1,92,26,221.53 કરોડ રૂપિયા પર હતી. મંગળવારના રોજ ગણતંત્ર દિવસના ઉપલક્ષ્ય પર ઘરેલુ શેર બજાર બંધ હતું.

આજે 50 કંપનીઓના ત્રિમાસિક પરિણામ જાહેર કરવામાં આવશે

આજે Axis Bank, હિંદુસ્તાન યુનિલીવર લિમિટેડ, ICICI પ્રુડેંશિયલ લાઇફ, મૈરિકો, બેંક ઑફ બરોડા, કેનરા બેંક, PNB હાઉસિંગ સહિત કુલ 50 કંપનીઓ આજે ઓક્ટોબર ત્રિમાસિકના પરિણામ રજૂ કરવાની છે.

એશિયન માર્કેટમાં મિશ્ર વ્યવસાય

અમેરિકી બજાર સામાન્ય નબળાઇ સાથે બંધ થયો હતો. એશિયાઇ બજારો દ્વારા મિશ્ર સંકેત જોવા મળી રહ્યાં છે. SGX NIFTY માં 100 અંકથી પણ વધારે મજબૂતી જોવા મળી રહી છે. બાઇડેન સરકાર પર રાહત પેકેજને મંજૂર કરવાનો દબાવ થયેલો છે. 1.9 ટ્રિલિયન ડૉલરના રાહત પેકેજને મંજૂર કરવાનો દબાવ છે. IMF નું અનુમાન આ વર્ષે ગ્લોબલ ગ્રોથ 5.5% રહી શકે છે. Apple, TESLA, Facebook ના પરિણામોની રાહ જોવાશે.

READ ALSO :

Gujarat Government Advertisement

Related posts

લંપટ ગુરૂ/ એક જ પરિવારની 3 સહિત 4 મહિલાઓ પર બળાત્કાર, આ કારણે આધ્યાત્મિક ગુરૂનો ભેદ ખૂલ્યો

Dhruv Brahmbhatt

ભરૂચ/ વેલ્ફેર કોવિડ હોસ્પિટલમાં આગનો મામલો, નિવૃત જસ્ટિસ ડી એ મહેતાના તપાસ પંચની રચના

pratik shah

વિદ્યાર્થીઓ માટે ખુશખબર / કોલેજમાં પસંદગીના વિષય તરીકે UGCએ NCC લેવાની મંજૂરી આપી

Dhruv Brahmbhatt
Do NOT follow this link or you will be banned from the site!