GSTV

લોકડાઉનના કારણે સિઝનલ ધંધા સાથે જોડાયેલા લોકોના હાલ થયા બેહાલ, હજારોની રોજી રોટી છીનવાઈ

વૈશ્વિક મહામારી કોરોનાની સૌથી વધુ માઠી અસર સિઝનલ ધંધા સાથે સંકળાયેલા લોકોને થઈ છે. લગ્નપ્રસંગો કે કોઈ સામાજિક કે ધાર્મિક કાર્યક્રમો ન યોજાવાને કારણે મંડપ ડેકોરેશન સર્વિસ અને ઈવેન્ટ મેનેજમેન્ટના વેપારીઓને મોટો ફટકો પડ્યો છે. આ ધંધા સાથે સંકળાયેલા શ્રમિક વર્ગની પણ હાલાકી વધી છે.

  • સિઝનલ ધંધાર્થીઓ હાલાકીમાં
  • મંડપ ડેકોરેશનના ધંધાને મોટો ફટકો
  • ૧૮ ટકા જીએસટી ઘટાડી ૫ ટકા કરવા માગ

5,000 પરિવારો બેરોજગાર બન્યા

જામનગરમાં અંદાજે 150થી વધુ મંડપ સર્વિસ અને ઇવેન્ટ મેનજમેન્ટના ધંધાર્થી છે. આ વેપારીઓની આવકનો મુખ્ય સ્ત્રોત લગ્ન પ્રસંગો અને ધાર્મિક તેમજ સામાજિક સમારોહ છે. જ્યાં તેઓ મંડપ ડેકોરેશનના કામ કરીને આવક મેળવતા હોય છે. પરંતુ લોકડાઉનને કારણે લગ્ન પ્રસંગો, ધાર્મિક કાર્યક્રમો તેમજ અન્ય સમારોહ યોજાતા નથી. જેને કારણે મંડપ ડેકોરેશનના વેપારીઓ અને તેની સાથે સંકળાયેલા લોકોની હાલાકી વધી છે. તો આ ધંધા સાથે મજૂરો, કેટરિંગ વ્યવસાય, બેન્ડબાજાવાળા એમ અનેક વ્યવસાયો પરોક્ષ રીતે આની સાથે સંકળાયેલા છે. જામનગરમાં આવા સિઝનલ ધંધા સાથે સંકળાયેલા અંદાજે 5,000 પરિવારો બેરોજગાર બન્યા છે.

એમએસએમઇ એકમોને આપવામાં આવતા લાભો મળે જેથી તેમનો વ્યવસાય બેઠો કરી શકે

મંડપ સર્વિસના વ્યવસાય કરતા લોકોની માંગ છે કે સરકાર તેમના વ્યવસાયમાં લાગતા 18 ટકા જીએસટી દરમં ઘટાડો કરીને 5 ટકા કરે. જોકે હવે લગ્નની મોસમ પૂરી થઈ ગઈ છે. પરંતુ તેમના કારીગર વર્ગને સાચવી શકે તે માટે આવનારા સમયમાં તહેવારો ઉજવણીમાં થોડીક છૂટછાટ આપવામાં આવે તેવી માગ ઉઠી છે. જામનગર મંડપ એસોસિએશને રાજયમંત્રી, કલેકટર અને સાંસદને લેખિત પત્ર લખીને પણ રજૂઆત કરવામાં આવી છે કે તેમને પણ ધિરાણ આપવામાં આવે. અને એમએસએમઇ એકમોને આપવામાં આવતા લાભો મળે જેથી તેમનો વ્યવસાય બેઠો કરી શકે.

READ ALSO

Related posts

શું તમારા UIDAI અને PAN CARDમાંથી નથી લેવાઈ રહી નકલી બેન્ક લોન ? આ રીતે કરો તપાસ

Sejal Vibhani

આજથી શરૂ થશે રસીકરણ મહાઅભિયાન, 287 કેન્દ્રો પર અપાશે રસી, 161 કેન્દ્રો પર આરોગ્ય કર્મીઓને મળશે લાભ

Pritesh Mehta

આને કહેવાય સરકાર/ સરકારના એક મંત્રાલયની ભૂલ થતાં આખી કેબિનેટે રાજીનામું આપી દીધું, વડાપ્રધાન પણ પદ પરથી હટી ગયા

Pravin Makwana
Do NOT follow this link or you will be banned from the site!