GSTV
World

Cases
5058620
Active
6847690
Recoverd
560141
Death
INDIA

Cases
283407
Active
515386
Recoverd
22123
Death

SC-ST એક્ટ પરના ચુકાદા પર સ્ટે આપવાનો સુપ્રીમ કોર્ટનો ઈન્કાર

સમીક્ષા અરજી પર સુનાવણી કરતા 20મી માર્ચના એસસી-એસટી એક્ટ પરના પોતાના ચુકાદા પર સ્ટે આપવાનો સુપ્રીમ કોર્ટે ઈન્કાર કર્યો છે. સુનાવણી દરમિયાન કેન્દ્ર સરકારે સુપ્રીમ કોર્ટને જણાવ્યું હતુ કે તેમનો ચુકાદો અયોગ્ય છે. આ મામલે સુપ્રીમ કોર્ટે કેન્દ્ર સરકારને જણાવ્યું છે કે તેઓ એકસો ટકા અનુસૂચિત જાતિ અને અનુસૂચિત જનજાતિના લોકોના અધિકારોની સુરક્ષાની તરફેણ કરે છે અને જે લોકો એસસી-એસટી સામેની એટ્રોસિટીમાં દોષિત હોય તેમને સજા થવી જોઈએ.

20મી માર્ચના ચુકાદા સામેની સમીક્ષા અરજીની સુનાવણી દરમિયાન કેન્દ્ર સરકારે એસસી-એસટી એક્ટ અંતર્ગત આપોઆપ ધરપકડ પર રોક લગાવતા હુકમને ખોટો ગણાવીને તેના પર સ્ટે લગાવવાની માગણી કરી હતી. કેન્દ્ર સરકારે સમીક્ષા અરજીને લાર્જર બેન્ચને મોકલવાની વિનંતી પણ કરી છે. આ મામલે 16મી મેના રોજ સુપ્રીમ કોર્ટ વધુ સુનાવણી હાથ ધરશે. એસસી-એસટી એક્ટ પરના સુપ્રીમ કોર્ટના ચુકાદા મામલે કેન્દ્ર સરકાર સિવાય ચાર રાજ્યો દ્વારા પણ સમીક્ષા અરજી દાખલ કરવામાં આવી છે.

CRICKET.GSTV.IN

એસસી-એસટી એક્ટ હેઠળ તાત્કાલિક ધરપકડ પર રોકની જોગવાઈના આદેશ પર પુનર્વિચારણાની માગણી કરતા કેન્દ્ર સરકારે બીજી એપ્રિલે કોર્ટમાં અરજી દાખલ કરી હતી. આ મામલે અટોર્ની જનરલ કે. કે. વેણુગોપાલે લેખિત દસ્તાવેજ અદાલતમાં દાખલ કરવામાં આવ્યા છે. મહત્વપૂર્ણ છે કે 20મી માર્ચના પોતાના ચુકાદામાં સુપ્રીમ કોર્ટે એસસી-એસટી એક્ટ હેઠળ આરોપીની તાત્કાલિક ધરપકડ પર રોક લગાવી હતી અને આ મામલે દલિત સંગઠનો દ્વારા ભારત બંધનું એલાન આપવામાં આવ્યું હતું. જેમાં 10 રાજ્યોનું જનજીવન અસરગ્રસ્ત બન્યું હતું અને 14 જેટલા લોકોએ જીવ ગુમાવ્યા હતા.

Related posts

પાકિસ્તાન ક્રિકેટ બોર્ડ ખરાબ સમયમાંથી પસાર થઈ રહ્યું છે, ફેંકી દેવાના ભાવે લોગો વેચવા પડશે

Mansi Patel

ગાંધીનગરમાં આઈઆઈટીની ટોપની સ્કોલર છાત્રાએ કર્યો આપઘાત, સોશિયલ મીડિયામાં કેમ્પેઇન ચાલ્યું

Bansari

જીવ જોખમમાં મૂકીને શ્વેતા ‘મિર્ઝાપુર 2’ ના ડબિંગ માટે પહોંચી, ટૂંક સમયમાં જોવા મળશે ભૌકાલ

Ankita Trada
Do NOT follow this link or you will be banned from the site!