GSTV

જરૂરી ખબર! SBIમાં ખાતુ હોય તો જલ્દી પતાવી લો તમારા કામ, નહીંતર ખાવા પડશે બેંકના ધરમધક્કા

sbi

Last Updated on March 11, 2021 by Bansari

દેશની સરકાર અને ગ્રામીણ બેંકોની હડતાલ 15 અને 16 માર્ચે છે. 2 દિવસીય દેશવ્યાપી બેંકની હડતાલને કારણે 15 અને 16 માર્ચે સ્ટેટ બેંક ઑફ ઇન્ડિયાના (SBI) કામકાજ પર અસર થવાની સંભાવના છે. જાહેર ક્ષેત્રની બેંકોના ખાનગીકરણના નિર્ણયના વિરોધમાં આ હડતાલની ઘોષણા કરવામાં આવી છે. જણાવી દઇએ કે આ વર્ષે બજેટમાં નાણાં પ્રધાન નિર્મલા સીતારમણે જાહેર ક્ષેત્રની બે બેંકો (PSBs) ના ખાનગીકરણની જાહેરાત કરી હતી.

SBI

SBIએ શું કહ્યું?

10 માર્ચે SBIએ એક એક્સચેંજ ફાઇલિંગમાં કહ્યું, … અમને ભારતીય બેંક્સ એસોસિએશન (આઈબીએ) દ્વારા સલાહ આપવામાં આવી છે કે યુનાઈટેડ ફોરમ ઑફ બેંક યુનિયન્સ (યુએફબીયુ) એ 15 અને 16 માર્ચ 2021ના રોજ બેંક કર્મચારીઓ દ્વારા એક મેમોરેન્ડમ બહાર પાડ્યું છે. જેમાં ભારતીય હડતાલની ઘોષણા કરવામાં આવી છે.

આ રિપોર્ટમાં એવું કહેવામાં આવ્યું છે કે, તમામ બેંકોએ આ સમયે તેમની શાખાઓના કામકાજ માટે ઘણી વ્યવસ્થા કરી છે, પરંતુ તે પછી પણ, બેંકિંગના કામકાજ પર અસર પડે તેવી સંભાવના છે. યુનાઇટેડ ફોરમ ઑફ બેંક યુનિયન્સના બેનર હેઠળ 9 યુનિયન દ્વારા 15 અને 16 માર્ચે દેશવ્યાપી હડતાલની ઘોષણા કરવામાં આવી છે.

સરકારે પહેલેથી જ આઈડીબીઆઈ બેંકનું ખાનગીકરણ 2019માં એલઆઈસીને તેનો મોટો હિસ્સો વેચીને કર્યું હતું. આ સાથે, તેણે છેલ્લા ચાર વર્ષમાં 14 જાહેર ક્ષેત્રની બેંકોને મર્જ કરી દીધી છે. 15 અને 16 માર્ચે બેંકની હડતાલ પછી બેંકિંગ સતત ચાર દિવસ માટે બંધ રહેશે, કારણ કે 14 માર્ચે રવિવાર છે અને 13 માર્ચે બીજો શનિવાર છે.

અત્યાર સુધીમાં 14 જાહેર બેન્કોનું વિલીનીકરણ કરવામાં આવ્યું

કેન્દ્ર સરકારે વર્ષ 2019માં જ એલઆઇસીમાં આઈડીબીઆઈ બેંકનો મોટો હિસ્સો વેચી દીધો છે. આ સાથે, છેલ્લા 4 વર્ષમાં 14 જાહેર બેન્કોનું વિલીનીકરણ કર્યું છે. હાલમાં દેશમાં 12 સરકારી બેંકો છે. તે પછી તેમની સંખ્યા ઘટીને 10 થઈ જશે. નાણાકીય વર્ષ 2021-22માં બે બેંકોનું ખાનગીકરણ કરવામાં આવશે.

6 માંથી 5 દિવસ બેંકો બંધ રહેશે

જણાવી દઈએ કે 11 માર્ચ ગુરુવારે મહાશિવરાત્રીને કારણે દેશના ઉત્તર પ્રદેશ અને બિહાર જેવા ઉત્તર ભારતીય રાજ્યોમાં બેંકો માટે રજા છે. આ ઉપરાંત 13 માર્ચ મહિનાનો બીજો શનિવાર છે, જેના કારણે બેંકોમાં કોઈ કામગીરી કરવામાં નહીં આવે. બેંકો રવિવાર એટલે કે 14 માર્ચે બંધ રહેશે. ત્યારે 15 અને 16 માર્ચે બેંકની હડતાલ છે, જેના કારણે બેંકો બંધ રહેશે. એટલે કે, બેંકો 5 દિવસ સુધી બંધ રહેશે.

બેંકો

હડતાલમાં કોણ સામેલ થશે?

યુએફબીયુના સભ્યોમાં ઓલ ઈન્ડિયા બેંક એમ્પ્લોઇઝ એસોસિએશન -એઇબીઇએ, ઓલ ઇન્ડિયા બેંક ઓફિસર કન્ફેડરેશન (ઓલ ઇન્ડિયા બેંક ઓફિસર કન્ફેડરેશન -એઆઈબીસી), બેંક કર્મચારીઓનું રાષ્ટ્રીય સંઘ – (એનસીબીઇ), ઓલ ઇન્ડિયા બેંક ઓફિસર એસોસિએશન -એઇબીઓએ અને બેંક એમ્પ્લોઇઝ કન્ફેડરેશન ઓફ ભારત -બીઇએફઆઈ.

Read Also

Related posts

ટ્રેઈની આઈપીએસ ઓફિસરો સાથે પીએમ મોદીએ કર્યો સંવાદ, દરેક કામગીરીમાં નેશન ફર્સ્ટ હોવાની ભાવના દેખાવવી જોઈએ

Pravin Makwana

Health Tips/ ઘી સ્વાથ્ય માટે ખુબ જ ફાયદાકારક! પરંતુ શું તમને ખબર છે વધુ માત્રામાં ઘી ખાવાના ઘેરફાયદા, જાણો…

Damini Patel

આને ભુવો કહેવો કે કુવો: રાજધાની દિલ્હીમાં રસ્તા પર એટલો મોટો ખાડો પડ્યો કે લોકો જોઈને ડરી ગયા, રસ્તો કર્યો બ્લોક

Pravin Makwana
Do NOT follow this link or you will be banned from the site!