સલમાન ખાનને તાજેતરમાં ગેંગસ્ટર લોરેન્સ બિશ્નોઈએ આપેલી ધમકી બાદ તેનો કોલકત્તાનો શો પાછો ઠેલાયો છે. પોલીસે સલમાનને જાહેરમાં દેખા દેવાનું ઓછું કરવા આપેલી સૂચનાને પગલે આ શો ઠેલાયો હોવાનું મનાય છે.
જોકે, શોના આયોજકોના દાવા અનુસાર શોમાં અભિનેત્રી જેક્લિન ફર્નાન્ડિઝ પણ સામેલ થવાની છે. પરંતુ, તેની તારીખોનો મેળ નહીં પડયો હોવાથી એપ્રિલને બદલે હવે જુનમાં આ શો યોજાશે.
તાજેતરમાં ગેન્ગસ્ટર લોરેન્સ બિશ્નોઇઅને તેના સાગરિત ગોલ્ડી બરાડે સલમાન ખાનની હત્યા કરવાની ધમકી આપી હતી. તે પછી પોલીસે સલમાનને જાહેરમાં દેખા દેવાનું ઓછું કરવા સલાહ આપી છે. તેને બાન્દ્રા ખાતેના તેના નિવાસસ્થાને ચાહકોને ઝલક આપવા બહાર આવવાનું પણ ટાળવા જણાવાયું છે.
સલમાન પહેલા જાન્યુઆરીમાં કોલાકાતમાં પરફોર્મ કરવાનો હતો. પરંતુ આયોજન સ્થળ અને આયોજકો સાથે અમુક મુદ્દે વિવાદ થતાં છેલ્લી ઘડીએ આ શોને રદ કરવામાં આવ્યો હતો.