GSTV
Home » News » સચિન તેંડુલકરનો પરિવાર વધુ એક સિદ્ધિ સાથે જોડાયો, દિકરીઅે અપાવ્યું ગૌરવ

સચિન તેંડુલકરનો પરિવાર વધુ એક સિદ્ધિ સાથે જોડાયો, દિકરીઅે અપાવ્યું ગૌરવ

ભારતના મહાન ક્રિકેટર સચિન તેંડુલકરનો પરિવાર વધુ એક સિદ્ધિ સાથે જોડાયો છે. સચિન તેંડુલકરની પુત્રી સારા તેંડુલકરે ઇંગ્લેન્ડમાં યુનિવર્સિટી કોલેજ ઓફ લંડન (UCL)માંથી મેડીસીનમાં ગ્રેજ્યુએશનની ડિગ્રી હાંસલ કરી છે એટલે કે તે હવે ડૉક્ટર બની ગઈ છે. સારાની માતા અંજલિ તેંડુલકર પણ ડૉક્ટર છે. આમ સારા તેની માતાના પગલે ચાલી છે જ્યારે સચિનનો પુત્ર અર્જુન તેંડુલકર હાલમાં ભારતની અંડર-19 ક્રિકેટ ટીમમાં રમ્યો હોઈ તે પિતાના પગલે ક્રિકેટમાં પોતાની કારકિર્દી બનાવી રહ્યો છે.

ગુરુવારે સારા તેંડુલકરે તેના ગ્રેજ્યુએશન પદવીદાન સમારંભની તસવીરો ઇન્સ્ટાગ્રામ પર અપલોડ કરી હતી. જેમાં તેણે કોન્વોકેશનના રોબ સાથેની તસવીર અને માતાપિતા સાથેના ફોટોગ્રાફ પણ મૂક્યા હતા. સચિન તેંડુલકર અને અંજલિ તેંડુલકર આ પ્રસંગે લંડન પહોંચી ગયા હતા.સારા તેંડુલકર માટે આ દિવસ અત્યંત યાદગાર અને વિશેષ હતો જેમાં સહભાગી થવા માટે તેંડુલકર પરિવાર લંડનમાં હતો.

સારા તેંડુલકરે મુંબઈમાં ધીરૂભાઈ અંબાણી ઇન્ટરનેશનલ સ્કૂલમાંથી શિક્ષણ લીધું હતું અને ત્યાર બાદ તે તબીબીના અભ્યાસ માટે લંડન ગઈ હતી જ્યાં તેણે UCLમાં અભ્યાસ કર્યો હતો.પિતા પાસેથી કેટલાક પાઠ શીખ્યા હોય તે મુજબ સારા તેંડુલકરે પણ આ પ્રસંગને ધ્યાનમાં રાખીને પોતાની ગ્રેજ્યુએશન કિટ તૈયાર કરી હતી જેમાં તેના UCL વિદ્યાર્થીઓ માટેના ઓળખપત્ર, પાસપોર્ટ, ડ્રાઇવિંગ લાયસન્સ, કેમેરાથી લઈને તમામ ચીજો હતી.

ઉલ્લેખનીય છે કે હજી ગયા વર્ષે ઓક્ટોબરમાં સારા તેંડુલકરને મોડેલિંગ માટે ઓફર થઈ હતી. સારા તેંડુલકર હાલમાં ઇન્સ્ટાગ્રામમાં 2,25,000 ફોલોઓર ધરાવે છે.

Related posts

1947 પહેલા લાહોરમાં રહેતો હતો અરૂણ જેટલીનો પરિવાર, વિભાજન બાદ આ જગ્યાએ થયા હતા સ્થાયી

Mayur

આ TV કલાકારોના સંબંધી છે અરૂણ જેટલી, કઈક આવો છે પરિવાર સાથે સંબંધ

Nilesh Jethva

એક સમયે સ્ટેશનરીનો ધંધો કરનારા આ ખેડૂતે ખેતી ક્ષેત્રે કઈ રીતે ઉત્તમ આવક લીધી ?

Mayur
Do NOT follow this link or you will be banned from the site!