GSTV
Home » News » સેકન્ડમાં જ આખા શહેરનો ખાત્મો બોલાવી શકતી સબમરીનનું નિર્માણ કર્યું આ દેશે

સેકન્ડમાં જ આખા શહેરનો ખાત્મો બોલાવી શકતી સબમરીનનું નિર્માણ કર્યું આ દેશે

belgorod submarine

રશિયા પોતાની લશ્કરી તાકાતમાં સતત વધારો કરી રહયો છે. તાજેતરમાં જ રશિયાએ વિશ્વની સૌથી લાંબી સબમરીન બેલગોરોડને તેના નૌસેના કાફલામાં સામેલ કરી છે. આ સબમરીનની તાકાતનો એના પરથી અંદાજ લગાવી શકાય કે તે એક જ ક્ષણમાં મોટા શહેરને રાખના ઢગલામાં ફેરવી શકે છે. તો આવો જાણીએ આ સબમરીનની કેટલીક મહત્વની વાતો. બેલગોરો સબમરીનનું સૈન્ય પરીક્ષણ તો ગત સાલ જ શરૃ કરવામાં આવ્યું હતું જો કે તેનો ઉપયોગ ર૦ર૧ થી શરૃ કરાશે.

અત્રે એ જણાવીએ કે વિશ્વમાં રશિયા અને અમેરિકા જ સૌથી વધારે સબમરીનનો ઉપયોગ કરે છે.ભારત પણ રશિયાની અકૂલા કલાસની સબમરીનનો ઉપયોગ કરે છે. આ ઉપરાંત થોડા સમયમાં જ રશિયા પાસેથી પરમાણુ તાકાત ધરાવતી સબમરીન ખરીદવાની યોજના પણ છે. દૂનિયાની સૌથી લાંબી સબમરીન બેલગોરોડની લંબાઇ ૬૦૪ ફૂટ છે અને તે છ પરમાણુ ટોરપીડોથી સજજ છે.

આ સમમરીન આવતા રશિયાની સૈન્ય તાકાતમાં ઘણો મોટો વધારો થશે. આ સબમરીન ગુપ્ત રીતે પોતાના લક્ષ્યને અંજામ આપી શકે છે એટલે રશિયાની અંડરવોટર ઇન્ટેલીજન્સ એજન્સી નામ પણ આપવામાં આવ્યું છે. બેલગોરોડ સબમરીનના કેપ્ટન સીધો રાષ્ટપતિ પુટીનને જ રિપોર્ટ કરશે. વિશેષજ્ઞોએ એવી પણ સંભાવના વ્યકત કરી છે કે આ પરમાણુ ટોરપીડોમાંથી કોઇ એકનો જ ઉપયોગ કરવામાં આવે તો પણ દરિયામાં રેડિયોએકટીવ સુનામી આવી શકે છે.

આ સબમરીન સમુદૃમાં રાખવામાં આવે તો અમેરિકા સહિત કેટલાય દેશો માટે ખતરો બની શકે તેમ છે.તેમાં લગાવાયેલા ટોરપીડો પોતાની સાથે બે મેગાટન પરમાણુ હથિયાર લઇ જવા સક્ષમ છે અને તેની ક્ષમતા અમેરિકાએ હીરોશીમા ઉપર નાખેલા પરમાણુ બોમ્બથી ૧૩૦ ગણી વધારે છે.

સોવિયેત સંઘના વિભાજન બાદ રશિયા નબળો પડયો છે અને અમેરિકા તથા તેના સહયોગી દેશોના પ્રતિબંધોથી રશિયાની અર્થવ્યવસ્થાને બહુ નુકસાન થયું છે.રશિયા કેટલાય દેશોને યુધ્ધ હથિયારો વેચીને કમાણી કરી રહયો છે. બેલગોરેડ સબમરીન સમુદૃની સપાટી અંદર ૧૭૦૦ ફૂટ ઉંડે સુધી જઇ શકે છે અને તેની ઝડપ પ્રતિ કલાક ૮૦ માઇલ છે. તેને સોનાર (અલ્ટા સાઉન્ડ વેવ્ઝ)થી શોધવી પણ બહુ મુશ્કેલ છે.

READ ALSO

Related posts

પૂર્વ સૈનિકોની હેલ્થ સ્કીમમાં ગોટાળા, એક વર્ષમાં 500 કરોડ રૂપિયાના ખોટા બિલો બન્યા

Arohi

ઐશ્વર્યા-અભિષેક-સલમાનને લઇને વિવાદિત ટ્વિટ કરીને ફસાયો વિવેક ઓબેરોય, મહારાષ્ટ્ર મહિલા આયોગ કરશે કાર્યવાહી

Bansari

આજે રાજીવ ગાંધીની પૂણ્યતિથી, પ્રાર્થનાસભામાં હાજર રહ્યા કોંગ્રેસના આ વરિષ્ઠ નેતાઓ

Arohi
Do NOT follow this link or you will be banned from the site!