GSTV
Others Sports Trending

રોનાલ્ડો બે મેચ માટે કરાયો સસ્પેન્ડ, ફેનના હાથમાંથી ફોન આંચકી લેવો પડ્યો ભારે

ફૂટબોલ જાયન્ટ્સ અને માન્ચેસ્ટર યુનાઈટેડના ભૂતપૂર્વ ખેલાડી ક્રિસ્ટિયાનો રોનાલ્ડોને તેના ફેન્સનો ફોન તોડવો મોંઘો પડ્યો છે. તેણે આ વર્ષની એવર્ટનમાં એક ચાહક પાસેથી મોબાઈલ ફોન આંચકી લીધો અને તોડી નાખ્યો. આ મામલે ફૂટબોલ એસોસિએશને કાર્યવાહી કરતા તેના પર 50,000 પાઉન્ડનો દંડ ફટકાર્યો છે. આ સિવાય તેના પર બે મેચનો પ્રતિબંધ પણ લગાવવામાં આવ્યો છે. રોનાલ્ડોએ તાજેતરમાં માન્ચેસ્ટર યુનાઈટેડ સાથેનો કરાર સમાપ્ત કર્યો. આ માહિતી આપતાં ક્લબે જણાવ્યું હતું કે, બંને પક્ષોએ પરસ્પર સંમતિ બાદ કરાર સમય પહેલા જ ખતમ કરી દીધો છે.

શું છે આખો મામલો?

આ વર્ષે 9 એપ્રિલના રોજ, રોનાલ્ડોની ટીમ એવર્ટન સામે ગુડીસન પાર્ક ખાતે 1-0થી હારી હતી. આ પછી જ્યારે રોનાલ્ડો મેદાનની બહાર આવ્યો ત્યારે એક ફેન તેનો વીડિયો બનાવી રહ્યો હતો. ટીમની હારથી નારાજ રોનાલ્ડોને તે ના ગમ્યું. તેઓએ ફેનનો મોબાઈલ આંચકી લીધો અને તોડી નાખ્યો. વિવાદને પગલે એફએ દ્વારા તેના પર અયોગ્ય વર્તનનો આરોપ પણ મૂકવામાં આવ્યો છે. સ્વતંત્ર પેનલે તેને બે મેચ માટે સસ્પેન્ડ કર્યો હતો અને દંડ પણ ફટકાર્યો હતો. આ બાબતે મર્સીસાઇડ પોલીસ દ્વારા તેને એલર્ટ કરવામાં આવ્યો હતો. રોનાલ્ડોએ પણ સ્વીકાર્યું કે તેનું વર્તન અયોગ્ય હતું. આ પ્રતિબંધ વર્લ્ડ કપ પર લાગુ થશે નહીં અને જ્યારે તે કોઈ ક્લબમાં જોડાશે તો તેને ટ્રાન્સફર કરવામાં આવશે, પછી તે કોઈ પણ દેશમાં કેમ ન હોય.

આ ઘટના બાદ રોનાલ્ડોએ સોશિયલ મીડિયા પર માફી માગતા કહ્યું, “અમે જે મુશ્કેલ ક્ષણોનો સામનો કરી રહ્યા છીએ તેમાં લાગણીઓનો સામનો કરવો ક્યારેય સરળ નથી. તેમ છતાં, આપણે હંમેશા તે તમામ યુવાનો માટે આદર, ધૈર્ય અને દયાળુ બનવું જોઈએ” અને તેણે રમતને પ્રેમ કરતા તમામ યુવાનો માટે એક ઉદાહરણ બેસાડવું પડશે. હું મારા આક્રોશ માટે માફી માંગવા માંગુ છું અને, જો શક્ય હોય તો, હું આ સમર્થકને નિષ્પક્ષ રમત અને ખેલદિલીની ભાવનાના સંકેતના રૂપમાં ઓલ્ડ ટ્રેફોર્ડ ખાતે મેચ જોવા માટે આમંત્રિત કરું છું.

Related posts

GUJARAT ELECTION / ગુજરાતમાં પ્રથમ તબક્કાની ૮૯ બેઠકો પર આજે મતદાન, પીએમ મોદીએ ટ્વિટ કરી યુવાનોને કહી ખાસ વાત

Kaushal Pancholi

ફિફા વર્લ્ડકપ/ ઓસ્ટ્રેલિયાએ ડેનમાર્કના વર્લ્ડકપ ડ્રીમનો અંત આણ્યો

Padma Patel

ડીફોલ્ટર્સને પણ કંપની પરનું નિયંત્રણ ગુમાવી દેવાનો ભય રહે છે : આઈબીસી

Padma Patel
GSTV