GSTV
Home » News » જે દેશમાં ક્રિકેટનું ચલણ જ નથી ત્યાંના ખેલાડીએ સચિનનો રેકોર્ડ તોડી નાખ્યો

જે દેશમાં ક્રિકેટનું ચલણ જ નથી ત્યાંના ખેલાડીએ સચિનનો રેકોર્ડ તોડી નાખ્યો

નેપાળના ક્રિકેટર રોહિત પાઉડેલે આંતરરાષ્ટ્રીય ક્રિકેટ (પુરુષો)માં સૌથી નાની ઉંમરમાં અડધી સદી ફટકારવાનો રેકોર્ડ બનાવ્યો છે. રોહિતે સંયુક્ત અરબ અમીરાત સામે 55 રનની ઇનિંગ્સ રમી આ રેકોર્ડ બનાવ્યો હતો. તેણે 16 વર્ષ 146 દિવસની ઉંમરમાં આ સિદ્ધિ મેળવી છે. તેણે સચિન તેંડુલકરનો રેકોર્ડ તોડ્યો હતો.

નેપાળના રોહિતે સાતમાં નંબરે બેટિંગ કરતા 58 બોલમાં 55 રન બનાવ્યા હતા. તેણે ઇનિંગ્સમાં 7 ફોર ફટકારી હતી. તેની આ ઇનિંગ્સની મદદથી નેપાળે 50 ઓવરમાં 9 વિકેટે 242 રન બનાવ્યા હતા. જવાબમાં યુએઈની ટીમ 97 રનમાં ઓલઆઉટ થઈ ગઈ હતી અને નેપાળે 145 રને વિજય મેળવ્યો હતો.

પુરુષ ક્રિકેટમાં સૌથી નાની ઉંમરમાં આંતરરાષ્ટ્રીય ક્રિકેટમાં અડધી સદી ફટકારવાની વાત કરવામાં આવે તો આ રેકોર્ડ સચિન તેંડુલકરના નામે હતો. સચિને 16 વર્ષ 213 દિવસની ઉંમરમાં પાકિસ્તાન સામે 59 રનની ઇનિંગ્સ રમી હતી. આ મેચ 23 નવેમ્બર 1989માં પાકિસ્તાનના ફૈસલાબાદમાં રમાઈ હતી.

રોહિતે પાકિસ્તાનના શાહિદ આફ્રિદીનો રેકોર્ડ પણ તોડ્યો છે. આફ્રિદીએ 23 વર્ષ પહેલા 16 વર્ષ 217ની ઉંમરમાં વન-ડેમાં અડધી સદી ફટકારી હતી. તેણે તે મેચમાં 102 રનની ઇનિંગ્સ રમી હતી. 1996માં રમાયેલ તે મેચમાં આફ્રિદીએ 36 બોલમાં સદી ફટકારી રેકોર્ડ બનાવ્યો હતો.

આંતરરાષ્ટ્રીય ક્રિકેટમાં સૌથી નાની ઉંમરમાં અડધી સદી ફટકારવાનો રેકોર્ડ દક્ષિણ આફ્રિકાની મહિલા ક્રિકેટર જોહમરી લોગટેનબર્ગના નામે છે. તેણે 14 વર્ષની ઉંમરમાં અડધી સદી ફટકારી હતી.

Read Also

Related posts

ભાવનગરમાં કોંગ્રેસના આગેવાન પર હુમલો, સારવાર માટે હોસ્પિટલે ખસેડાયા

Nilesh Jethva

પીવી સિંધુએ રચ્યો ઈતિહાસ, વર્લ્ડ ચેમ્પિયનશિપમાં ગોલ્ડ જીતનારી પ્રથમ ભારતીય ખેલાડી બની

Mansi Patel

રાનુ મંડલ જ નહીં આ 7 સેલિબ્રિટીઓ એક જ વીડિયોથી ઈન્ટરનેટ પર સુપરસ્ટાર બની ગયા

Riyaz Parmar
Do NOT follow this link or you will be banned from the site!