GSTV
Gujarat Government Advertisement

ફેડરરે સાત મેચ પોઈન્ટ બચાવીને સેન્ડગ્રેનને હરાવ્યો : હવે સેમિફાઈનલમાં યોકોવિચ સામે ટક્કર

Last Updated on January 29, 2020 by Mayur

ત્રીજો ક્રમાંક ધરાવતા સ્વિત્ઝર્લેન્ડના લેજન્ડરી સુપરસ્ટાર ફેડરરે સાત મેચ પોઈન્ટ બચાવતા ૧૦૦માં ક્રમાંકિત અમેરિકી ખેલાડી સેન્ડગ્રેનને ક્વાર્ટર ફાઈનલમાં ૬-૩, ૨-૬, ૨-૬, ૭-૬(૧૦-૮), ૬-૩થી પરાજીત કર્યો હતો. ૩૮ વર્ષીય ફેડરરે આ સાથે ૧૫મી વખત ઓસ્ટ્રેલિયન ઓપનની સેમિ ફાઈનલમાં એન્ટ્રી મેળવી હતી. હવે તેનો મુકાબલો સર્બિયાના ડિફેન્ડિંગ ચેમ્પિયન અને બીજો સીડ ધરાવતા યોકોવિચ સામે થશે. સર્બિયન સ્ટાર યોકોવિચે ૩૨માં ક્રમાંકિત કેનેડિયન ખેલાડી રાઓનિકની સામે ૬-૪, ૬-૩, ૭-૬ (૭-૧)થી આસાન જીત હાંસલ કરી હતી. યોકોવિચે આ સાથે રાઓનિક સામેની ૧૦મી મેચમાં ૧૦મો વિજય હાંસલ કર્યો હતો.

મેલબોર્ન પાર્કના રોડ લેવર એરિનામાં ખેલાયેલી મેન્સ સિંગલ્સની ક્વાર્ટર ફાઈનલમાં ફેડરર અને સેન્ડગ્રેન વચ્ચે ભારે સંઘર્ષમય મુકાબલો જોવા મળ્યો હતો. દિલધડક મુકાબલામાં ફેડરરે સાડા ત્રણ કલાકથી વધુના સંઘર્ષ બાદ આખરે જીત હાંસલ કરી હતી. ફેડરરે મેચ જીત્યા બાદ ટેનિસ કોર્ટના પરના ઈન્ટરવ્યૂમાં કહ્યું હતુ કે, ઘણી વખત સફળતા મેળવવા માટે ભાગ્યની જરુર પડે છે. હું ખુબ જ ખુશ છું કે, આજે ભાગ્ય મારી તરફેણમાં હતું. ફેડરરે ચાલુ વર્ષે બીજી વખત અને મેલબોર્નમાં છઠ્ઠી વખત પાંચ સેટમાં ખેંચાયેલા મુકાબલામાં જીત હાંસલ કરી હતી.

સર્બિયન ટેનિસ સ્ટાર યોકોવિચે રાઓનિક પરનું પ્રભુત્વ જાળવી રાખ્યું હતુ. યોકોવિચે બે કલાક અને ૪૯ મિનિટના મુકાબલા બાદ જીત મેળવતા મેલબોર્ન પાર્કમાં આઠમી સેમિ ફાઈનલમાં સ્થાન પ્રાપ્ત કર્યું હતુ. હવે સેમિફાઇનલમાં ફેડરર અને યોકોવિચ આમને-સામને હશે.

આજની ક્વાર્ટર ફાઈનલ

  • નડાલ (સ્પેન) વિ. થિયમ (ઓસ્ટ્રીયા)
  • ઝ્વેરેવ (જર્મની) વિ. વાવરિન્કા (સ્વિત્ઝર્લેન્ડ)

READ ALSO

Gujarat Government Advertisement

Related posts

Tokyo Olympic: ‘તૂ ઠાન લે, અબ જીત કો અંજામ દે’ ભારતનું ઓલમ્પિક થીમ સોંગ લોન્ચ થયું

Pravin Makwana

ગુજરાતનું ગૌરવ/ સ્વિમર માના પટેલ ઓલિમ્પિકના યુનિવર્સેલિટી સ્થાન માટે નોમિનેટ, રાજ્યની આ 2 ખેલાડીઓ લેશે ભાગ

Damini Patel

WTC Final / ટીમ ઈન્ડિયાનું વર્લ્ડ ચેમ્પિયન બનવાનું સપનુ તૂટ્યું, ન્યૂઝીલેન્ડે રચ્યો ઇતિહાસ

Zainul Ansari
Do NOT follow this link or you will be banned from the site!