GSTV
Home » News » ગુજરાતમાં 10 ટકા રેક્ટર સ્કેલનો અનામત ભૂકંપઃ જુઓ કોણ શું કહે છે

ગુજરાતમાં 10 ટકા રેક્ટર સ્કેલનો અનામત ભૂકંપઃ જુઓ કોણ શું કહે છે

લોકસભા ચૂંટણી પહેલા કેન્દ્રની મોદી સરકારે માસ્ટરસ્ટ્રોક માર્યો છે. અને આર્થિક રીતે કમજોર વર્ગને 10 ટકા અનામતની જાહેરાત કરવામાં આવી છે. તેમજ આવતીકાલે સંસદમાં સંશોધિત બિલ રજૂ કરાશે. આજે કેન્દ્રિય કેબિનેટની બેઠક મળી હતી. જેમાં આર્થિક રીતે નબળા વર્ગને શૈક્ષણિક સંસ્થાઓ અને સરકારી નોકરીમાં 10 ટકા અનામતનો નિર્ણય કરવામાં આવ્યો. ઉલ્લેખનિય છે કે વર્ષ 2018માં એસસી-એસટી એક્ટને લઈને મોદી સરકાર સુપ્રીમ કોર્ટના ચુકાદાને પલટી દીધો હતો. જે બાદ સવર્ણ વર્ગ ઘણો નારાજ જોવા મળ્યો હતો.

ત્યારે આજે કેન્દ્રીય કેબિનેટમાં આર્થિક રીતે પછાત વર્ગને નોકરીમાં 10 ટકા અનામતનો નિર્ણય કર્યો છે. અને આવતીકાલે મોદી સરકાર સંસદમાં સંશોધન બિલ પ્રસ્તાવ રજૂ કરશે. ઉલ્લેખનિય છે કે, મંગળવારે સંસદના શિયાળુ સત્રનો અંતિમ દિવસ છે.

કેન્દ્રીય કેબિનેટે સવર્ણોને 10 ટકા અનામત આપવાની જાહેરાત કરતા કોંગ્રેસના ધારાસભ્ય લલિત વસોયાએ જણાવ્યું કે, ભાજપ સરકાર ચાડા ચાર વર્ષ સુધી ક્યા ગઈ હતી. ચૂંટણી આવી એટલે ભાજપને સવર્ણોની યાદ આવી છે. ભાજપે રામ મંદિર, કાળુ નાણુ પરત લાવવા અને બેંક ખાતામાં 15 લાખ રૂપિયા જમા કરાવવાનો વાયદો કર્યો હતો. ભાજપ હમેશા પ્રજાને લોલીપોપ આપ્યો છે. અને હવે ફરીવાર લોલીપોપ આપવાનો પ્રયાસ કરવામાં આવ્યો છે.

ભાજપે સવર્ણોને અનામતની જાહેરાતને આવકારી છે. ભાજપના નેતા આઈ.કે. જાડેજાએ કહ્યું છે કે સરકારના આ નિર્ણયથી આર્થિક રીતે પછાત વર્ગને લાભ થશે. દેશમાં સામાજિક સમરસતા વધશે.

તો કોંગ્રેસે સવર્ણોને અનામતની જાહેરાતને ચૂંટણીલક્ષી ગણાવી છે. ભરતસિંહ સોલંકીએ કહ્યું છે કે ચૂંટણી આવતા ભાજપને ઈબીસી અનામતની યાદ આવી છે. સરકાર આપેલા વચનો નિભાવે તો સારું.

ભાજપના નેતા વરૂણ પટેલે અનામતની જાહેરાત અંગે જણાવ્યું હતું કે, અનામત અંગે સરકારે ઐતિહાસિક નિર્ણય લીધો છે. આ નિર્ણયથી સવર્ણનો ફાયદો થવાનો છે. આ ચૂંટણીલક્ષી નિર્ણય નથી. સરકારે હમેશા તમામ વર્ગના નાગરિકોની ચિંતા કરી છે. જેથી તમામ રાજકીય પાર્ટીઓએ કેન્દ્ર સરકારના નિર્ણને આવકારવો જોઈએ.

તો આ તરફ અલ્પેશ ઠાકોર પણ અનામતના મુદ્દે સામે આવી ગયા છે. તેમણે કહ્યું કે ગરીબોને કંઈ મળતું હોઈ તો અમને વાંધો નથી. પરંતુ જે સમાજને અનામત મળ્યું છે તેનું પહેલા યોગ્ય અમલીકરણ થવું જોઈએ.

Related posts

નર્મદા ડેમની જળ સપાટી 138.68 મીટરે પહોચી, 17 સપ્ટેમ્બરે પીએમ મોદીની હાજરીમાં ભવ્ય ઉજવણી

Nilesh Jethva

રાજ્યમાં નવા ટ્રાફિક નિયમો કાલથી લાગુ, નિયમોના ભંગ બદલ દંડ વસૂલવા ટ્રાફિક પોલીસ સજ્જ

Nilesh Jethva

બનાસકાંઠાના સાંસદ પરબત પટેલના આ નિવેદનથી બ્રહ્મ સમાજમાં ઉગ્ર રોષ, વીડિયો વાયરલ

Nilesh Jethva
Do NOT follow this link or you will be banned from the site!