GSTV
Auto & Tech Trending

પાસવર્ડ સેવ રાખવાની આદત હોય તો ચેતી જજો, ક્યાંક પસ્તાવાનો વારો ન આવે


કેટલાક લોકોને પાસવર્ડ સામાન્ય રીતે યાદ રહેતા નથી અને તેઓ પાસવર્ડ યાદ રાખવાની ઝંઝટમાંથી મુક્તિ મેળવવા માટે પાસવર્ડને ઓનલાઈન સેવ કરી લેતા હોય છે. આ ઉપરાંત લોકો પોતાની કેટલીક વિગતો પણ ઓનલાઈન સ્ટોર કરી લેતા હોય છે. આવું કરતાં લોકો જાણી લે કે આમ કરવાથી તેમની મહત્વની જાણકારી હેકર્સ સુધી સરળતાથી પહોંચી જાય છે. 

ઓનલાઈન અકાઉંટ યૂઝ કરતા લોકોની સંખ્યામાં સતત વધારો થઈ રહ્યો છે અને તેમના પર ડેટા ચોરી થવાનું જોખમ પણ વધી રહ્યું છે. એક રીપોર્ટ અનુસાર ઓનલાઈન અકાઉંટનો ઉપયોગ કરતાં લોકોમાંથી મોટાભાગના લોકો તેને ઓટો સેવ રાખે છે. આ ઉપરાંત કેટલાક લોકો એમેઝોન, ઈબે જેવી વેબસાઈટ પર પણ કાર્ડની વિગતો સેવ રાખે છે. આ ઉપરાંત કેટલાક વયસ્ક ઓટો ફિલ વિકલ્પ પર પણ વિશ્વાસ કરે છે. આ સર્વે 2 હજાર વયસ્કોના ટેબલેટ અને ફોન પર કરવામાં આવ્યો હતો. 

રીસર્ચના અંતે જાણવા મળ્યું કે 73 ટકા લોકોને પોતાના પાસવર્ડ યાદ રાખવામાં સંધર્ષ થાય છે તેના કારણે તેઓ ઓટો સેવ વિકલ્પ પસંદ કરે છે. જ્યારે 35 ટકા લોકો દરેક અકાઉન્ટ માટે અલગ અલગ પાસવર્ડનો ઉપયોગ કરે છે. 54 ટકા લોકો એવા આંકડાનો ઉપયોગ કરે છે કે જેના કારણે પાસવર્ડ ગુંચવણ ઊભી કરે. 

14 ટકા લોકો એવા છે જેમણે પાસવર્ડ એટલી વખત બદલ્યા છે તે તેમને પોતાને યાદ કરવામાં સમસ્યા થાય છે. 33 ટકા યૂઝર્સ પાસવર્ડ લખી અને રાખે છે જેથી તેઓ ભુલી જાય તો સમસ્યા ન થાય.

Read Also

Related posts

પહેલી વાર મિસ યુનિવર્સ સુષ્મિતા સેન દેખાશે કિન્નરના રોલમાં

GSTV Web Desk

વિવાદ વધુ વકર્યો / ઓમ રાઉતની અપકમિંગ ફિલ્મ આદિપુરુષના ડાયરેક્ટરને ફટકારાઈ નોટિસ, ફિલ્મમાં રામાયણનું ઈસ્લામીકરણ

Hardik Hingu

મતભેદ જાહેરમાં/ શિંદે ઠાકરે પરિવારમાં ફાટફૂટ પડાવવામાં સફળ, બે ભાઈઓ જુદા થયા

Hardik Hingu
GSTV