રિલાયન્સ Jio તેના યુઝર્સ માટે અવારનવાર જોરદાર ઑફર્સ લઇને આવે છે. ફરી એકવાર Jio એક દમદાર ઑફર લઈને આવ્યું છે, અમે તમને જણાવી દઈએ કે જો તમારો Jio મોબાઈલ ડેટા કોઈ કારણસર પૂરો થઇ ગયો હોય, તો તમારે ગભરાવાની કોઈ જરૂર નથી, Jio તમારું કોઈ કામ અટકવા નહીં દે, એટલે કે, મોબાઈલ ડેટા ખતમ થઈ ગયા પછી, તમે Jioની ખાસ ઓફર, Jio ઈમરજન્સી ડેટા લોનનો લાભ લઈ શકો છો. ઇમરજન્સી ડેટા લોનની મદદથી તમે તમારું કોઈપણ કામ કરી શકો છો. એટલે કે ઈન્ટરનેટ સાથે જોડાયેલ તમારું કોઈપણ કામ અટકવાનું નથી.
હવે જો તમે તરત જ તમારો ફોન રિચાર્જ કરી શકતા નથી, તો તમે Jioની આ ઓફરનો લાભ લઈ શકો છો. કંપની તેના ગ્રાહકોને 1GB ઇમરજન્સી ડેટા લોન પેક ઓફર કરે છે. આ કંપનીની MyJio એપમાં જોઈ શકાય છે. ડેટાને એક્ટિવ કરવા માટે, તમારે ફક્ત હેમબર્ગર મેનૂ પર ટેપ કરવાનું છે અને “ઇમર્જન્સી ડેટા લોન” ટેબ પર જવું પડશે.
ઇમરજન્સી ડેટા લોન સુવિધા મૂળભૂત રીતે ગ્રાહકોને ‘રિચાર્જ નાઉ પે લેટર’ સુવિધા પૂરી પાડે છે, જેઓ તેમના ડેઇલી ડેટા ક્વોટામાંથી બહાર થઇ જાય છે અને તરત જ રિચાર્જ કરવામાં સક્ષમ નથી. સરળ શબ્દોમાં કહીએ તો, જો તમે ડેટા ખતમ કર્યા પછી પણ પેમેન્ટ કરી શકતા નથી, તો તમે તરત જ લોન મેળવી શકો છો અને પછીથી પેમેન્ટ કરી શકો છો.
જ્યારે તમે ઇચ્છો ત્યારે પૈસા ચૂકવો
માહિતી માટે, અમે તમને જણાવીએ કે ડેટા લોનની રકમ ચૂકવવા માટે કોઈ સમય મર્યાદા નથી અને તે સંપૂર્ણપણે Jio યુઝર્સ પર નિર્ભર છે કે તેઓ ક્યારે પેમેન્ટ કરવા માંગે છે. માહિતી અનુસાર, જે લોકો આ સુવિધાનો લાભ લે છે, તેમને કંપની દ્વારા રિમાઇન્ડ કરાવવામાં આવશે. રિલાયન્સ જિયો તેના પ્રીપેડ યુઝર્સને 1 જીબીના 5 ઈમરજન્સી ડેટા લોન પેક સુધી ઉધાર લેવાની મંજૂરી આપે છે. જણાવી દઇએ કે દરેક 1GB ડેટા પેકની કિંમત 11 રૂપિયા છે.
ઇમર્જન્સી ડેટા લોન માટે કેટલુ પેમેન્ટ
એક સમયે, તમે માત્ર 1GB ડેટા લોન લઈ શકો છો અને જો તમે 5GB સુધી ડેટા ઇચ્છતા હોવ, તો તમે ઇમરજન્સી ડેટા લોન લઈ શકો છો, તમે તેને ચાર વખત એક્ટિવ કરીને સુવિધાનો લાભ લઈ શકો છો. જો કોઈ ગ્રાહક 5GB ડેટા લે છે, તો કુલ ડેટા લોનની રકમ 55 રૂપિયા થશે. કંપનીની એપ અનુસાર, Jio ઇમરજન્સી ડેટા પેક તમારા વર્તમાન પ્લાનની જેમ જ કામ કરશે.
Jioની 5GB ડેટા લોન કેવી રીતે મેળવવી
5GB ડેટા પર્યાપ્ત કરતાં વધુ હોવો જોઈએ અને જેઓ કોઈ કારણસર તાત્કાલિક પેમેન્ટ કરી શકતા નથી તેમને રાહત આપશે. જણાવી દઇએ કે તમે રિલાયન્સ જિયો પાસેથી પેમેન્ટ કર્યા વિના 5GB સુધીનો ડેટા કેવી રીતે ઉધાર લઈ શકો છો. તમારા સ્માર્ટફોન પર MyJio એપ ખોલો અને પેજની ઉપર ડાબી બાજુએ આવેલા ‘મેનૂ’ પર જાઓ. મોબાઈલ સર્વિસિસ હેઠળ ‘ઇમર્જન્સી ડેટા લોન’ સિલેક્ટ કરો અને ઇમરજન્સી ડેટા લોન સિલેક્ટ કરો. ઇમરજન્સી ડેટા લોન બેનર પર ‘પ્રોસીડ’ પર ક્લિક કરો. . ‘Get Emergency Data Loan’ વિકલ્પ સિલેક્ટ કરો. ઇમરજન્સી લોનના લાભો મેળવવા માટે ‘Activate Now’ પર ક્લિક કરો.
Read Also
- Solar Highway / UPમાં બની રહ્યો છે પહેલો સોલર એક્સપ્રેસ વે, જાણો શું છે ખાસ વાત
- India Vs South Africa Series: ભારતીય ટીમના પ્રવાસથી ક્રિકેટ સાઉથ આફ્રિકા થશે માલામાલ
- તેલંગાણાના નવા સીએમ રેવંત રેડ્ડી KCRને મળવા હોસ્પિટલ પહોંચ્યા
- છત્તીસગઢના નવા મુખ્યમંત્રી પર લાખો રૂપિયાનું દેવું, જાણો તેમની પાસે કેટલી છે સંપત્તિ
- લખતરના ઢાંકી પમ્પીંગ સ્ટેશન પાસે માથું અને હાથ-પગ વગરનો કોહવાયેલો મૃતદેહ મળી આવ્યો