GSTV
Gujarat Government Advertisement

મારી થાળી કોઇએ તૈયાર કરીને પીરસેલી નથી, મારી થાળી મેં જાતે રાંધી, રવિ કિશને આપ્યો જયાને વળતો જવાબ

રવિ

Last Updated on September 16, 2020 by pratik shah

ભોજપુરી ફિલ્મોના સુપર સ્ટાર અને ભાજપના સાંસદ રવિ કિશને પીઢ અભિનેત્રી કમ સાંસદ જયા બચ્ચનના એક વિધાનનો જડબાતોડ જવાબ આપતાં કહ્યું હતું કે મારી થાળી કોઇએ તૈયાર કરીને પીરસેલી નથી, મારી થાળી મેં જાતે રાંધી હતી. શિવસેના અને કંગના રનૌત વચ્ચે ચાલી રહેલી લમણાફોડના સંદર્ભમાં રાજ્યસભાના સાંસદ જયા બચ્ચને આજે સવારે કહ્યું હતું કે જે લોકોને બોલિવૂડે નામ આપ્યું છે એ લોકો આજે બોલિવૂડને ગટર કહે છે. જે થાળીમાં જમ્યાં એ થાળીમાં ગંદકી કરે છે.

જયા બચ્ચન પર ભડક્યો રવિ કિશન

આ શબ્દો સાંભળીને રવિ કિશન ઊકળી ઊઠ્યો હતો. એણે કહ્યું કે હું જયાજી પાસે આવી આશા રાખતો નહોતો. હું સેન્ટ્રલ હોલમાં જયાજી સામા મળે ત્યારે એમના ચરણ સ્પર્શ કરું છું. મને એમ કે મારી વાતને એ સમર્થન આપશે. મેં  ફક્ત એટલી માગણી કરી હતી કે બોલિવૂડમાં ડ્રગના કનેક્શન હોય તો એની વિગતવાર તપાસ થવી ઘટે છે કારણ તે ડ્રગ યુવા પેઢીને બરબાદ કરી રહી હતી.

દુનિયાભરની સૌથી મોટી ફિલ્મ ઇન્ડસ્ટ્રીને એક સુનિશ્ચિત યોજના દ્વારા ખતમ કરવામાં આવી રહી હતી. જયાજીએ મારું વક્તવ્ય સાંભળ્યું નથી. મારો હેતુ ફિલ્મોદ્યોગને બચાવવાનો છે. મેં જે અવાજ ઊઠાવ્યો એમાં અમને સિનિયર સ્ટાર્સના સાથ સહકારની જરૂર હતી. ભલે જયાજીનો પક્ષ અમારા પક્ષ કરતાં જુદો હોય, ભલે એમના પક્ષના નીતિનિયમો અને વિચારો જુદાં હોય, દેશના યુવાનોને ડ્રગના સેવન દ્વારા ખોખલા ન કરી શકીએ.  ભલે મારી જિંદગી જોખમમાં આવી પડે. હું દેશના યુવાનોને ખોખલા નહીં થવા દઉં.

રવિ કિશને વધુમાં કહ્યું કે ફિલ્મોદ્યોગ અબજો રૂપિયાનું ટર્ન ઓવર કરે છે. મેં ગઇ કાલે જે વાત કરી એમાં મને સિનિયર કલાકારોના સપોર્ટની જરૂર હતી. એને બદલે મને જલિલ કરવામાં આવ્યો. આજ સુધીમાં મેં પણ 650 ફિલ્મો કરી છે અને કોઇના સપોર્ટ વિના આ સ્થઆને પહોંચ્યો છું. હું પણ જબરદસ્ત સંઘર્ષ કરીને ટોચ પર પહોંચ્યો છું.

Read Also

Gujarat Government Advertisement

Related posts

હદ છે હોં/ મુંબઈની એક હોસ્પિટલમાં ICUમાં દાખલ દર્દીની આંખ ઉંદર કોતરી ગયા, હોસ્પિટલ તંત્ર પણ ચોંકી ગયું કે આ શું થઈ ગયું…..

pratik shah

‘હું ઊંઘી નથી શકતી રાત-દિવસ રડ્યા કરું છું મને પિતાથી આઝાદી જોઈએ’ Britney Spears એ કરી માંગ

Pritesh Mehta

હવે તો હદ થઈ/ મોબાઈલ વાપરતાં સનકી તાનાશાહ કિમ જોંગે 10 નાગરિકોને આપી મોતની સજા, દેશભરમાં પાડ્યા હતા દરોડા

Vishvesh Dave
Do NOT follow this link or you will be banned from the site!