GSTV
Home » News » બાપ રે આવી ઐયાશી, એક રાતમાં સીએમના ભાણેજે 8 કરોડ ઉડાવી દીધા

બાપ રે આવી ઐયાશી, એક રાતમાં સીએમના ભાણેજે 8 કરોડ ઉડાવી દીધા

મધ્યપ્રદેશના મુખ્યપ્રધાન કમલનાથના ભાણેજ રતુલ પુરીએ અમેરિકાની એક નાઇટક્લબમાં એક રાતમાં 7.8 કરોડ રૂપિયા ખર્ચ્યા હોવાની વિગત ઇ.ડી.(એન્ફોર્સમેન્ટ ડિરેક્ટરેટ)ની તપાસમાં બહાર આવ્યું છે. રતુલ પુરી સામે ચાલી રહેલા મની-લોન્ડરિંગ કેસમાં તેના નાણાંકીય વ્યવહારોની વિગતો તપાસતા આ વાત બહાર આવી છે અને ચાર્જશીટમાં પણ આ ઉલ્લેખ કરવામાં આવ્યો છે. ઇ.ડી.ની ચાર્જશીટમાં લખવામાં આવ્યું છે રતુલ પુરીના નાણાકીય વ્યવહારોની ચકાસણી કરતા બહાર આવ્યું છે કે ભારતની અને વિદેશની વૈભવી હોટેલોમાં રોકાવાના બિલ પેેટે જંગી રકમોના ટ્રાન્ઝેક્શન કરવામાં આવ્યા છે.

અમેરિકાના પ્રોવોકેટર નામના નાઇટ ક્લબમાં એક જ રાતમાં રતુલ પુરીએ 11 લાખ ડૉલર એટલે કે 7.8 કરોડ રૂપિયા ખર્ચી નાખ્યા હતા. ચાર્જશીટમાં તેના સાથીદારો ઉપરાંત તેની કંપની મોઝરબિયરનું પણ નામ છે. ઇ.ડી.નો દાવો છે કે રતુલ પુરીએ વર્ષ 2011થી  2016 દરમિયાન વૈભવી જીવન જીવવા અને ઠાઠમાઠ માટે રૂપિયા 45 લાખ ડૉલર એટલે કે 32 કરોડ રૂપિયા ખર્ચ્યા હતા.

ચાર્જશીટમાં કરવામાં આવેલા અંદાજ મુજબ રતુલ પુરીએ આશરે રૂપિયા આઠ હજાર કરોડનું મની લોન્ડરિંગ કર્યુ છે.  ઇ.ડી.નો એવો પણ આક્ષેપ છે કે મોઝરબિયર કંપનીને બેન્કો તરફથી મળેલી લોનની રકમ તેની સબસિડરી કંપનીઓમાં ટ્રાન્સફર કરવામાં આવી હતી. આ પ્રકારની ટ્રાન્સફર દ્વારા મની લોન્ડરિંગ થઇ શકે તેમાટે નકલી કંપનીઓ બનાવવામાં આવી હતી. ચાર્જશીટમાં 12 જેટલી નકલી કંપનીઓના નામ છે જેમાં લોનની રકમ ટ્રાન્સફર કરવામાં આવી હતી.

Read Also


Related posts

ગુજરાતીઓ આનંદો : મુંબઈ-અમદાવાદ વચ્ચે દોડશે હવે દેશની સૌથી ફાસ્ટ ટ્રેન, 2 જ સ્ટેશને રોકાશે

Mansi Patel

ઘક્કામુક્કી કરતા સિદ્ધાર્થ-અસીમ પર શા માટે નરમ પડ્યા બિગ બોસ? ચુપ્પી પર સવાલ

Kaushik Bavishi

દર 4 મિનિટે અકસ્માતમાં 1 વ્યક્તિનું મોત, ભારતમાં માર્ગો પર યમદૂતોનો પડાવ

Mansi Patel
Do NOT follow this link or you will be banned from the site!