GSTV
Home » News » રણજી મેચમાં આ શખ્સ કાર લઇને મેદાનમાં ઘૂસી ગયો

રણજી મેચમાં આ શખ્સ કાર લઇને મેદાનમાં ઘૂસી ગયો

દિલ્હી અને ઉત્તર પ્રદેશની ટીમ વચ્ચે પાલમના એર ફોર્સ મેદાન પર રમાઇ રહેલી રણજી ટ્રોફી મેચ દરમિયાન સુરક્ષામાં એક મોટી ચૂક જોવા મળતા તમામ ખેલાડીઓ અને મેચ અધિકારીઓ હેરાન થઇ ગયા હતા. કારણ કે, મેચ દરમિયાન એક બહારના વ્યક્તિએ પોતાની કાર મેદાન પર લઇ આવ્યો હતો, અને કાર પિચ પર ચલાવી હતી. જો કે, બાદમાં પોલીસે કાર ચાલક આરોપીની અટકાયત કરી હતી અને તેની પૂછપરછ ચબાદ દિલ્હી પોલીસના હવાલે કર્યો હતો.

વાત જાણે એમ છે કે, રણજી મેચમાં દિવસની રમત પૂરી થવાના 20 મિનિટ પહેલા સાંજે લગભગ 4-40 કલાકે ગિરીશ શર્મા નામનો એક શખ્સ ગ્રે રંગની વેગન આર કાર લઇને મેદાનમાં ધૂસી આવ્યો હતો. એ સમયે ઉત્તર પ્રદેશની ટીમની બીજી ઇનિંગ્સ ચાલી રહી હતી. આ સમયે ગૌતમ ગંભીર, ઇશાંત શર્મા અને રિષભ પંત ઘણાં હેરાન થઇ ગયા હતા. જો કે, ઇશાંત શર્મા અને કેટલાક ખેલાડીઓએ મેદાની અમ્પાયરની સાથે તેને રોકવાનો પ્રયાસ કર્યો હતો, ત્યાં સુધી તો ગિરીશ બે વખત પિચ પર કાર ચલાવી ચૂક્યો હતો. બાદમાં મેચ રેફરીએ દિવસની રમત પૂરી થયેલી જાહેર કરી હતી.

ગિરીશે કહ્યું કે, તેણે મેદાનની બહાર કોઇપણ પ્રકારની સુરક્ષા વ્યવસ્થા જોઇ ન હતી, અને એ વાતનો પણ તેને ખ્યાલ ન હતો કે, અંદર આંતરરાષ્ટ્રીય ક્રિકેટરો રણજી મેચમાં રમી રહ્યાં છે. તેણે એમ પણ કહ્યું કે, તે રસ્તો ભૂલી ગયો હતો અને મેદાનની અંદર ઘૂસી આવ્યો હતો.

 

Related posts

રોહિત શર્મા બન્યા La Liga ના બ્રાન્ડ એમ્બેસેડર, સાથે જણાવ્યું, આ ક્રિકેટર છે ટીમનો બેસ્ટ ફૂટબૉલર

NIsha Patel

કેએલ રાહુલ તેના પરમમિત્રને ડ્રેસિંગ રૂમમાં કરે છે મીસ…, કહ્યું તારા વગર સૂનુસૂનું લાગે છે

Dharika Jansari

IPL 2020: હરાજીનું ‘ફાઈનલ લિસ્ટ’ તૈયાર, ફ્રેન્ચાઈઝીઓએ રસ ધરાવતા ખેલાડીઓની યાદી આપી

Bansari
Do NOT follow this link or you will be banned from the site!