GSTV
Gujarat Government Advertisement

રાજ્યસભાનું રમખાણ : કોંગ્રેસ પોતાની ‘ભરત-શક્તિ’ સાથે જ મેદાને ઉતરશે

દિલ્હી

Last Updated on March 18, 2020 by Mayur

ગુજરાતની રાજ્યસભાની ચાર બેઠકોની ચૂંટણીમાં કોન્ગ્રેસે પોતાના બે ઉમેદવારોને મેદાનમાં ઉતારવાનો નિર્ણય કર્યો છે. મોડી રાત્રે કોંગ્રેસના મોવડી મંડળે શક્તિસિંહ ગોહિલ અને ભરતસિંહ સોલંકી બંનેને ચૂંટણી લડાવવાનો નિર્ણય લીધો છે. ભાજપમાં રહેલા પણ ભાજપની અવગણનાનો સામનો કરી રહેલા શંકરસિંહ વાઘેલાએ કોંગ્રેસને મદદ કરવાનો નિર્ણય કર્યો હોવાથી રાજ્યસભાની ચૂંટણીમાં બંને ઉમેદવારોને મેદાનમાં ઉતારવાનો કોંગ્રેસના મોભીઓએ ફાઈનલ કર્યું છે.

રાઉલજીને તોડવાનો પ્રયાસ

કોંગ્રેસ છોડીને ભાજપમાં ગયેલા પરંતુ અપેક્ષા ન સંતોષાતા નારાજ થયેલા સી.કે.રાઉલજીને શંકરસિંહ વાઘેલાના માધ્યમથી તોડવાનો પ્રયાસ કરવામાં આવી રહ્યો છે. આ પ્રયાસને સફળતા મળતી હોવાનો નિર્દેશ મળતા પક્ષના મોવડી મંડળનો હોંસલો વધ્યો હતો અને તેમણે શક્તિસિંહ ગોહિલ અને ભરતસિંહ સોલંકી બંનેને મેદાનમાં ઉતારવાનો નિર્ણય કર્યો હતો.

શા માટે એક જ ઉમેદવારનો નિર્ણય લીધો હતો ?

આ બંને ઉમેદવારોએ તેમના ફોર્મ તો આ અગાઉ જ ભરી દીધા હતા. પરંતુ ભાજપે કોંગ્રેસના પાંચ સભ્ય તોડી દેતા તેમના સભ્યોનું સંખ્યાબળ 73થી ઘટીને 68 થઈ જતાં તેમને જીતવા માટે 71 મત મળવાની સંભાવના ઓછી થઈ ગઈ હતી. પરિણામે વધુ એક હાર સહન કરવાને બદલ કોંગ્રેસે માત્ર એક જ ઉમેદવાર ઊભો રાખવાનો નિર્ણય કર્યો હતો. આ નિર્ણયને પરિણામે શક્તિસિંહ અને ભરતસિંહ બેમાંથી કોને પસંદ કરવા તેનો સવાલ ઊભો થયો હતો.

ભરત અને શક્તિ બંન્નેની હતી જરૂર

ભરતસિંહ માટે તેમની રાજકીય કારકીર્દી ચાલુ રહે તે માટે આ પસંદગીને ફાઈનલ કરાવવી જરૂરી હતી. તેમને જ ચૂંટણી લડવા માટેની તક ન મળે તો તેઓ તેમના સમર્થકોને શું ટિકીટ અપાવી શકશે તેવી વાત વહેતી થાય તો તેમના સમર્થકો તેને છોડીને ચાલ્યા જાય તેવી દહેશત હતી. બીજી તરફ શક્તિસિંહે છેલ્લા બેથી ત્રણ વર્ષ દરમિયાન ગુજરાત બહાર રહીને પક્ષ માટે કરેલી સરાહનીય કામગીરીને પરિણામે તેમને રાજ્યસભામાં લઈ જવા કોંગ્રેસનું મોવડી મંડળ ઉત્સુક હતું. આ સંજોગોમાં મોવડી મંડળની પહેલી પસંદગી શક્તિસિંહ ગોહિલ જ હતા. જો કે કોંગ્રેસ છોડી ભાજપમાં જોડાયેલાઓને તોડવાની વાત સામે આવતા બંનેને મેદાનમાં ઉતારવાનો નિર્ણય લેવામાં આવ્યો હતો.

READ ALSO

Gujarat Government Advertisement

Related posts

દુનિયાના સૌથી મોંઘા શહેરોની યાદી થઈ ગઈ જાહેર, ટોપ 10માં ભારત કે અમેરિકાનું એક પણ શહેર નહીં

Pravin Makwana

ફફડાટ/ બાળકો માટે કેટલો ખતરનાક સાબિત થઇ શકે છે કોરોનાનો ડેલ્ટા પ્લસ વેરિએન્ટ, જાણો શું કહે છે નિષ્ણાતો

Bansari

અણઘડ આયોજન / વગર વરસાદે અમદાવાદ પાસેની આ જગ્યાએ રેલમછેલ, હજારો લિટર પાણીનો વેડફાટ

Dhruv Brahmbhatt
Do NOT follow this link or you will be banned from the site!