ગુજરાતમાં છેલ્લા ઘણા દિવસોથી અચાનક હાર્ટેએટેક આવવાની ઘટનામાં ઓંચિતો વધારો થતા ચોંકાવનારા સવાલો ઉભા તો થઈ જ રહ્યા છે, તો બીજી તરફ આ અંતર્ગત ચિંતાનજનક રિપોર્ટ્સ પણ સામે આવી રહ્યા છે. આ હાર્ટએટકેના કિસ્સાઓમાં મોત નિપજવાના કિસ્સાઓ પણ વધી રહ્યા છે. ત્યારે આવીજ એક ચોંકાવનારી ઘટના રાજ્યના રાજકોટમાંથી સામે આવી છે. મળતા અહેવાલ પ્રમાણે ક્રિકેટ રમતા મોતની વધુ એક ઘટના બની છે. રાજકોટમાં આ પહેલા પણ ક્રિકેટ રમીને ઘરે પરત ગયા બાદ 4 યુવકોના હાર્ટએટેક આવતા તેનુ મોત નિપજ્યુ હતું. આ ઉપરાંત સુરત, અમદાવાદમાં પણ આવી જ ઘટના બની હતી.
રાજકોટમાં વધુ એક ઘટના બની
રાજકોટમાં આજે વધુ એક વ્યક્તિને ક્રિકેટ રમતા સમયે અચાનક હાર્ટએટેક આવતા તે ગ્રાઉન્ડ પર જ ઢળી પડ્યો હતો. યુવકને તાત્કાલિક સારવાર અર્થે સિવિલ હોસ્પિટલ લઈ જવામાં આવ્યો હતો. જો કે તેને સારવાર મળે તે પહેલા જ ડોકટરે તેને મૃત જાહેર કર્યો હતો. રાજકોટના રેસકોર્ષ ગ્રાઉન્ડ પર આ ઘટના બની હતી. આ પહેલા શહેરમાં ક્રિકેટ રમતા હાર્ટએટેકથી 4 યુવકોના મોત થયા હતા. મૃતક વ્યક્તિનું નામ મયુર મકવાણા જાણવા મળ્યુ હતું અને તેની ઉમર આશરે 45 વર્ષ હતી.
ગઈકાલે પંચમહાલમાં યુવકને હાર્ટએટેક આવ્યો હતો
રાજકોટમાં આજે ફરી એકવાર ક્રિકેટ રમતા વ્યક્તિનું મોત થયુ હતું. આ સાથે રાજકોટમાં આ પાંચમી ઘટના બની હતી જ્યારે રાજ્યમાં દોઢ મહિનાના ગાળામાં આ આઠમી ઘટના બની હતી. ગુજરાતમાં યુવકોમાં હાર્ટએટેકના બનાવ દિવસેને દિવસે વધી રહ્યા છે. હજુ ગઈકાલે પંચમહાલમાં એક યુવક લગ્ન પ્રસંગમાં નાચી રહ્યો હતો ત્યારે અચાનક હાર્ટએટેક આવતા ઢળી પડ્યો હતો જેને સારવાર અર્થે હોસ્પિટલમાં ખસેડવામાં આવ્યો હતો. જો કે તેને સારવાર મળે તે પહેલા જ રસ્તામાં મોત નિપજ્યુ હતું.
READ ALSO
- PAK vs AUS : પાકિસ્તાનની ટીમ ડૉક્ટર વિના ઓસ્ટ્રેલિયા પહોંચી, અંડર-19 ટીમ પાસે મેનેજર નથી
- AMRELI / લગ્નમાં દાદા-દાદીની ખોટ વર્તાતા યુવકે બંનેની પ્રતિમા બનાવડાવી, પ્રસંગમાં સાક્ષાત હાજર રહ્યાં હોય એવું વાતાવરણ સર્જાયું
- બિહાર : પટનામાં 26મી પૂર્વ ક્ષેત્રીય પરિષદની બેઠક શરૂ, દોઢ વર્ષ બાદ નીતિશ કુમાર અને અમિત શાહ મળ્યા
- Chanakya Niti: આ 5 લોકો પાસે ક્યારેય નથી ટકતા પૈસા, જીવનભર રહે છે પરેશાન
- “ધીરજ સાહુ ભાજપમાં જોડાય તો ક્લીનચીટ ન આપી દેતા”, સાંસદ પ્રિયંકા ચતુર્વેદીના ચાબખા