GSTV
Crime Trending

રાજસ્થાનના જયપુરમાં કુવામાંથી મહિલા અને બાળકો સહિત પાંચ મૃતદેહ મળતા ચકચાર, કારણ જાણીને ચૌંકી જશો

રાજસ્થાનના જયપુરમાં શનિવારે એક જ પરિવારના પાંચ લોકોના મૃતદેહ કૂવામાંથી મળી આવતા ખળભળાટ મચી ગયો હતો. મૃતકોમાં ત્રણ મહિલાઓ અને બે બાળકોનો સમાવેશ થાય છે. દરેકની હત્યા કરવામાં આવી હતી. હવે આ મામલામાં જે સત્ય સામે આવ્યું છે તે જાણીને તમે ચોંકી જશો.

રિપોર્ટ અનુસાર, જે ત્રણ મહિલાઓની હત્યા કરવામાં આવી છે તે તમામ શિક્ષિત હતી જ્યારે તેમના પતિ અભણ હતા અને તેઓ દારૂપીતા હતા અને પત્નીને માર મારતા હતા. મૃતક મહિલાઓના બાળલગ્ન કરાવવામાં આવ્યા હોવાનું પણ સામે આવ્યું છે.

હકીકતમાં જયપુરના ડુડુ શહેરમાં ત્રણ બહેનો અને તેમના બે બાળકોના મોતની ઘટનાએ પોલીસ પ્રશાસનના પણ હોશ ઉડાવી દીધા હતા. તેનું મૃત્યુ જેટલું દુઃખદાયક હતું, તેટલા જ તેના માટેના કારણો શરમજનક છે.

ત્રણેય મહિલાઓના પતિઓ છે અભણ
ત્રણેય બહેનો અભ્યાસ કરીને પોતાનું ગુજરાન ચલાવવા માંગતી હતી, જ્યારે ત્રણેયના અભણ પતિઓ દારૂના નશામાં તેમને માર મારતા હતા. મળતી માહિતી અનુસાર મૃતક મહિલા કમલેશ જયપુરની મહારાણી કોલેજમાં અભ્યાસ કર્યા બાદ સેન્ટ્રલ યુનિવર્સિટીમાં પ્રવેશ મેળવ્યો હતો, જ્યારે તેનો આરોપી પતિ માત્ર ધોરણ 5 અને 6 સુધી જ અભ્યાસ કરતો હતો.

ત્રણેય બહેનો પતિના મારથી પરેશાન હતી. હવે કૂવામાંથી પાંચ મૃતદેહ મળી આવતાં પોલીસ તપાસ કરી રહી છે કે તેઓએ આત્મહત્યા કરી છે કે પછી તેમની હત્યા કરવામાં આવી છે.

વિસ્તારમાંથી ગુમ થયેલા 27 વર્ષીય કાલુ, 23 વર્ષીય મમતા અને 20 વર્ષીય કમલેશના મૃતદેહ ડુડુ શહેરથી બે કિલોમીટર દૂર ખેતરોમાં ઝાડીઓ વચ્ચેના કુવામાંથી પોલીસકર્મીઓને મળી આવ્યા હતા. કાલુના બે સગીર બાળકોના મૃતદેહ પણ કૂવામાંથી જ મળી આવ્યા હતા.

એક બહેનનું સિલેક્સન પોલીસ કોન્સ્ટેબલમાં થયું હતું
જણાવી દઈએ કે કાલુની બંને બહેનો મમતા અને કમલેશ ગર્ભવતી હતી, જેમની આ અઠવાડિયે ડિલિવરી થવાની હતી. પોલીસ કોન્સ્ટેબલની પરીક્ષામાં મમતાની પસંદગી થઈ હતી. મોટી બહેન કાલુ બી.એ.ના અંતિમ વર્ષમાં અભ્યાસ કરતી હતી અને નાનો કમલેશ સેન્ટ્રલ યુનિવર્સિટીમાં પ્રવેશ મેળવ્યો હતો. ત્રણેયના લગ્ન 2003માં થયા હતા જ્યારે તેઓ સગીર છોકરીઓ હતા.

બીજી તરફ મૃતક મહિલાના પતિ નરસી, ગોર્યો અને મુકેશની પોલીસે ધરપકડ કરી લીધી છે. આ ત્રણેય એકબીજાના ભાઈઓ છે અને તેમની પૂછપરછ કરવામાં આવી રહી છે. આ ત્રણેય મહિલાઓ અને બંને બાળકો 25 મેના રોજ બપોરે 2 વાગ્યાથી ગુમ હતા. આ પછી તેના પિતાએ ગુમ થવાનો કેસ દાખલ કર્યો હતો. આ અંગે મીના સમાજ વતી ધરણા પ્રદર્શન પણ કરવામાં આવ્યું હતું. આજે સવારે પોલીસની ટીમે આ વિસ્તારના કૂવામાંથી તેનો મૃતદેહ બહાર કાઢ્યો હતો.

જમીન વેંચીને જીવનનું ગુજરાન ચલાવતા હતા આરોપી
એડિશનલ એસપી દિનેશ શર્માએ જણાવ્યું કે મામલો ઘરેલું વિવાદનો છે. ભૂતકાળમાં પણ તેમના ઘરમાં ઝઘડો થયો છે પરંતુ મામલો ક્યારેય પોલીસ સુધી પહોંચ્યો નથી.

આ કેસમાં આરોપીઓની ધરપકડ કરવામાં આવી છે અને તપાસ ચાલુ છે. મૃતક મહિલાઓના પડોશીઓના જણાવ્યા અનુસાર તેમના પતિ દારૂના નશામાં અને પત્ની પર શંકા કરતા હતા. તેઓ વારસામાં મળેલી જમીન વેચીને જીવન પસાર કરતા હતા અને કોઈ કામ કરતા ન હતા.

Related posts

બરાબરીની ટક્કર: બૉલીવુડમાં આવતા જ નેપોટિઝ્મ પર બોલ્યા નાગા ચૈતન્ય, કરી આવી વાત

Damini Patel

ICICI બેંકના ગ્રાહકો માટે ખુશખબરી! બેંકે ફરીવાર વ્યાજ દરમાં વધારો કર્યો, હવે FD સ્કીમ પર મળશે વધુ વળતર

Binas Saiyed

SBIએ બદલ્યા ATMને લઇ નિયમો? 4થી વધુ ટ્રાન્ઝેક્શન પર લાગશે 173 રૂપિયાનો ચાર્જ

Damini Patel
GSTV