Last Updated on November 30, 2021 by GSTV Web Desk
ફરી એકવખત ગુજરાતમાં ચિંતાના વાદળો રૂપી માવઠાનો માહોલ સર્જાઇ ગયો છે. રાજ્યમાં આજથી કમોસમી વરસાદ પડે તેવી શકયતા સેવાઇ રહી છે. અમદાવાદ સહિતના 16 જિલ્લામાં કમોસમી વરસાદની હવામાન વિભાગ દ્વારા આગાહી કરવામાં આવી છે. 1લી ડિસેમ્બરે ભારેથી અતિભારે વરસાદ થશે. જ્યારે 2 ડિસેમ્બરના ભારે વરસાદની આગાહી કરવામાં આવી છે. માછીમારોને દરિયો ન ખેડવા અને ખેડૂતોને પાક સુરક્ષિત જગ્યાએ મૂકવાની સુચના અપાઇ છે.
અરબી સમુદ્રમાં બની રહેલ લો પ્રેશરના કારણે વેસ્ટર્ન ડિસ્ટર્બન્સની અસરથી વરસાદની આગાહી કરાઇ છે. આ સાથે દક્ષિણ, ઉત્તર ગુજરાત અને સૌરાષ્ટ્રમા ભારે વરસાદની આગાહી કરાઇ છે. આ ઉપરાંત આણંદ, દાહોદ, પંચમહાલ, છોટા ઉદેપુર, સુરત, તાપી, ડાંગ, ભરૂચ, નવસારી, વલસાડ, અમરેલી, બોટાદ, જૂનાગઢ, ગીર સોમનાથ, ભાવનગરમાં ભારે વરસાદની આગાહી કરવામા આવી છે.
વરસાદની અગાહીને લઈ તંત્ર એલર્ટ થઈ ગયું છે. યાર્ડમાં બહાર પડેલ અનાજ ને ઢાંકવા માટેની કામગીરી શરૂ કરી દેવામાં આવી છે. તેમજ ખેડૂતો દ્વારા પણ કૃષિ પાકને સલામત જગ્યા પર મુકવાની કામગીરી શરૂ કરી દીધી છે.
જૂનાગઢ માર્કેટિંગ યાર્ડમાં માવઠાની આગાહીને લઈ જણસીઓની આવક બંધ કરવાની જાહેરાત કરવામાં આવી
જૂનાગઢ માર્કેટિંગ યાર્ડમાં માવઠાની આગાહીને લઈ જણસીઓની આવક બંધ કરવાની જાહેરાત કરવામાં આવી. જિલ્લા કલેક્ટરના આદેશ મુજબ યાર્ડમાં મગફળી, ખેડૂતો કે વેપારીઓનો પાક બગડે નહીં તે માટે માર્કેટિગ યાર્ડ દ્વારા આ નિર્ણય લેવામાં આવ્યો છે. કમોસમી માવઠાની આગાહીનો સમય પૂર્ણ થયા બાદ માલની આવક શરૂ કરવાની જાહેરાત કરવામા આવશે. જામનગર હાપા માર્કેટિંગ યાર્ડમાં 3 દિવસ જણસની આવક બંધ કરાઈ છે. માવઠાની આગાહીના પગલે જણસીની આવક બંધ કરાઈ હતી. મગફળી, મરચાં અને ડુંગળી લઇને માર્કેટમાં આવતા ખેડૂતોને મનાઇ કરવામાં હતી.
રાજકોટના ખેડૂતોની હાલત બની શકે છે કફોડી
રાજકોટમાં ખેડૂતોની હાલત કફોડી બની શકે છે. તો બીજી તરફ માર્કેટિંગ યાર્ડમાં કપાસ અને મગફળી ખુલ્લા મેદાનમાં રાખવામાં આવ્યા છે. જો વરસાદ આવે તો કપાસ અને મગફળી પલળે તેવી સ્થિતિ છે. અમરેલી જિલ્લાના યાર્ડને એલર્ટ કરવામાં આવ્યા છે. ત્યારે અમરેલી માર્કેટિંગ યાર્ડમાં મગફળીની આવક બંધ કરવામાં આવી. યાર્ડ દ્વારા ખેડૂતોને પોતાનો પાક તાડપત્રી અને પ્લાસ્ટીક ઢાંકી લાવવાની સૂચના આપવામાં આવી છે. યાર્ડમાં શેડની અંદર પાકની હરાજી કરવાની સૂચના આપવામાં આવી છે.
ડીસા માર્કેટમાં રહેલી મગફળી શેડની અંદર ખસેડવાની તંત્ર દ્વારા સુચના આપવામાં આવી
બનાસકાંઠાના ડીસા માર્કેટમાં રહેલી મગફળી શેડની અંદર ખસેડવાની તંત્ર દ્વારા સુચના આપવામાં આવી છે. ડીસા માર્કેટયાર્ડના સેક્રેટરી અમૃતલાલ જોશીએ માર્કેટયાર્ડમાં તમામ વેપારી તેમજ ખેડૂતોને વરસાદથી તમામ પોતાનો માલ સેડની અંદર ખસેડવાની સુચના આપી છે. છતાં વેપારીઓનો માલ ખુલ્લી જગ્યામાં જોવા મળ્યો હતો. ઉત્તર ગુજરાતના બીજા નંબરનું સ્થાન ધરાવતું ડીસા માર્કેટયાર્ડ જેમાં મોટા પ્રમાણમાં મગફળીની આવક થઈ રહી છે. જો કમોસમી વરસાદ થશે તો ફરી ડીસા માર્કેટયાડમાં મોટું નુકસાન થવાની સંભાવના સેવાઇ રહી છે.
Read Also
- કેન્દ્રીય બજેટ / બજેટમાં બેંકોમાં મૂડી ઠાલવવા અંગે જાહેરાતની સંભાવના ઓછી, ગયા વર્ષે NPAમાં થયો ઘટાડો
- મહિન્દ્રાએ હીરો ઈલેક્ટ્રિક સાથે કરી ભાગીદારી, એક વર્ષમાં કરશે 10 લાખથી વધુ ઇલેક્ટ્રિક વાહનોનું ઉત્પાદન
- સુરત / છેલ્લા 15 દિવસમાં કોરોનાના કેસોમાં આવ્યો મોટો ઉછાળો, વિદ્યાર્થીઓ પણ મોટી સંખ્યા થઈ રહ્યા છે સંક્રમિત
- મોટા સમાચાર/ ખુલ્લા બજારમાં મળતી થશે કોવેક્સિન અને કોવિશિલ્ડ, સરકારની એક્સપર્ટ કમિટીની ભલામણ
- વિધાનસભા ચૂંટણીની તૈયારી / ગુજરાત યુથ કોંગ્રેસે જનરલ સેક્રેટરીઓને સોંપી મહત્વપૂર્ણ જવાબદારી, જુઓ કોણ ક્યા કરશે સંગઠન માટે કામ