GSTV
Home » News » દારૂ અને હુક્કાની વાસણામાં ચાલતી બર્થ ડે પાર્ટીની મહેફિલમાં પોલીસના દરોડો, 15 છાત્રો ઝડપાયા

દારૂ અને હુક્કાની વાસણામાં ચાલતી બર્થ ડે પાર્ટીની મહેફિલમાં પોલીસના દરોડો, 15 છાત્રો ઝડપાયા

31 ડિસેમ્બરને પગલે પોલીસ એલર્ટ થઇ ગઇ છે. જેમાં વાસણા પોલીસે 23 ડિસેમ્બરની મોડી રાતે વાસણાની લાવણ્ય સોસાયટી ખાતે દારુ અને હુક્કાની મહેફિલમાં દરોડો પાડીને 15 જણાની ધરપકડ કરી હતી. 

નવાઇની વાત એ છે કે બર્થડે પાર્ટીમાં હુક્કા પીરસવા માટે સ્પેશિયલ માણસો બોલાવવામાં આવ્યાં હતાં. વાસણા પોલીસ મોડી રાતે પેટ્રોલિંગમાં નીકળી ત્યારે મ્યુઝિકનો મોટો અવાજ સાંભળીને રેડ પાડી હતી. પોલીસે જોયું કે વિદ્યાર્થીઓ દારુ અને હુક્કાની મહેફિલ માણી રહ્યાં હતાં. પોલીસે તપાસ આદરતા આરોપીઓએ પોલીસ સાથે પણ ઝપાઝપી કરી હતી. ઝડપાયેલા નબીરાઓ MBA, મેડિકલ, BCAનો અભ્યાસ કરી રહ્યાં હોવાનું જાણવા મળે છે. 

પોલીસ સૂત્રોના જણાવ્યા અનુસાર લાવણ્ય સોસાયટી ખાતે અંકુર શાહના બંગલામાં આ મહેફિલ ચાલી રહી હતી. મુકેશ શાહના પુત્ર નીલાંશ શાહની બર્થડે પાર્ટી હતી. પોલીસે 11 વિદ્યાર્થીઓ, 3 હુક્કો પીરસનારા અને 3 સગીર વયના આરોપીઓ સામે ગુનો નોંધ્યો છે. આરોપીઓમાં નીલાંશ શાહ રહે. વાસણા, નીલ પરીખ રહે. સેટેલાઇટ, સૂર્યવીર બન્ના રહે. થલતેજ, યશ પરીખ રહે. એલીસબ્રિજ, સનપ ચોખાની રહે. બોડકદેવ, હર્ષ શર્મા રહે. બોપલ, મીત સંઘવી રહે. નવરંગપુરા, અંકુર શાહ રહે. વાસણાનો સમાવેશ થાય છે. પોલીસે તમામ આરોપીઓને મેડિકલ ટેસ્ટ માટે મોકલી આપ્યાં છે.

Related posts

કર્મચારીએ લાત મારી ઝુ માંથી ભાગ્યો ચિમ્પૅન્ઝી, વીડિયો થયો વાયરલ

Kaushik Bavishi

વડોદરામાં તંત્રની ઉંઘ ઉડી, હેલ્મેટ કે સલામતીના સાધનો વિના કર્યું રાઈડનું ચેકિંગ

Nilesh Jethva

ગૂરૂપૂર્ણિમા એટલે ગુરૂના દર્શનનો દિવસ, સુપ્રસિદ્ધ ગુરુ આશ્રમ બગદાણા ધામ ખાતે લાખોની સંખ્યામાં ભાવિકો ઉમટશે

Path Shah
Do NOT follow this link or you will be banned from the site!