GSTV
World

Cases
5058620
Active
6847690
Recoverd
560141
Death
INDIA

Cases
283407
Active
515386
Recoverd
22123
Death

પાકવીમામાં ખેડૂતો નહીં કંપનીઓ કમાઈ રહી છે, અમે માફ કર્યા છે ખેડૂતોનાં દેવાં

લોકસભા ચૂંટણીમાં ઝંઝાવતી પ્રચાર કરવા માટે રાહુલ ગાંધી આજે ગુજરાતના મહુવા ખાતે પહોંચ્યા. અહીંથી તેમણે સૌરાષ્ટ્રમાં ચૂંટણી પ્રચારના શ્રીગણેશ કર્યા. અહીં કોંગ્રેસના ઉમેદવાર પરેશ ધાનાણી, અમિત ચાવડા અને પ્રભારી રાજીવ સાતમે સંબોધન કર્યું હતું. ત્યારબાદ રાહુલ ગાંધીએ પોતાના પ્રવચનમાં નરેન્દ્ર મોદીનો ઉલ્લેખ કરતાં કહ્યું કે, દેશની જનતાએ નરેન્દ્ર મોદીને પુરો ભરોસો કરી પ્રધાનમંત્રી બનાવ્યા. ખાસ ગુજરાતની જનતાએ 26માંથી 26 બેઠકો જીતાવી પ્રધાનમંત્રી બનાવ્યા. જનતાને વિશ્વાસ હતો કે મોદી કંઈક કરીને બતાવશે પણ એવું કંઈ થયું નહીં. તેમણે ઉદ્યોગપતિની વાત કરી પીએમ પર પ્રહાર કરતા કહ્યું કે, રોજ સાંભળીએ છીએ કે ઉદ્યોગપતિઓનો કર્ઝ માફ થઈ ગયો. રોજ આવા સમાચાર આવે છે.

તેમણે પીએમ નરેન્દ્ર મોદીના 15 લાખ રૂપિયાનો ઉલ્લેખ કરતા કહ્યું કે, 15 લાખ આપવાનો મોદીનો આઈડિયા સારો હતો પણ ખોટો હતો. વધુમાં તેમણે નોટબંધી અને GSTને ગબ્બરસિંહ ટેક્સ સાથે સરખાવી આલોચના કરી હતી.

તેમણે ન્યાય યોજનાની વાત કરતા કહ્યું કે, 72,000 રૂપિયાની નવી યોજના અને 5 કરોડ પરિવારના ખાતામાં ડાયરેક્ટ જમા થશે. અમે 72 હજાર આપીશું એટલે જાદુ શરૂ થઈ જશે. ન્યાય યોજના બાદ કોઈની આવક 12,000થી ઓછી નહીં હોય.

તેમણે ભારતમાં પોતાની સરકાર આવશે તો ઈન્કમટેક્સ નહીં વધારે તેવું જણાવ્યું હતું. દેશમાં અનેક ધંધાઓ બંધ પડ્યા છે. તેમણે પોતાની નવનિર્વાચિત સરકાર છત્તીસગઢ, મધ્યપ્રદેશ અને રાજસ્થાનમાં ખેડૂતોનું કર્ઝ માફી કર્યું હોવાનું કહ્યું હતું.

તેમણે મેહુલ ચોક્સી, નિરવ મોદી અને વિજય માલ્યાનો ઉલ્લેખ કરી કહ્યું હતું કે આ તમામ ભાગેડુઓ જેલમાં નથી. બેંકથી લોન લીધી આમ છતાં તેઓ જેલ નથી જતા, પણ હિન્દુસ્તાન અને ભારતનો ખેડૂત 30,000ની લોન લે અને પરત ન કરી શકે તો તેને જેલમાં મોકલવામાં આવે છે. કોંગ્રેસની સરકાર બનશે તો ખેડૂતો માટે અલગ બજેટ હશે. ખેડૂતોને બોનસ મળશે. તેમણે પાકવીમાનો ઉલ્લેખ કરતાં કહ્યું કે, પાકવીમાના નામે વીમા કંપનીઓને ફાયદો છે.

રાહુલ ગાંધીએ આ સિવાય રફાલ મુદ્દાને લઈ પીએમ નરેન્દ્ર મોદી પર નિશાન સાધ્યું હતું. તેમણે કહ્યું કે મોદી બે જાતના હિન્દુસ્તાન ઈચ્છે છે. તેમણે વડાપ્રધાન પર પ્રહાર કરતા કહ્યું કે, આ અદાણી અંબાણીના ચોકીદાર છે.

READ ALSO

Related posts

ભારે ઉકળાટ બાદ રાજ્યના અનેક વિસ્તારમાં વરસાદની એન્ટ્રી, ગીરના ગામોમાં 2 ઈંચ વરસાદ ખાબક્યો

Nilesh Jethva

રાજસ્થાનમાં ધારાસભ્યને ખરીદવા 10 કરોડ એડવાન્સ અને 15 કરોડ સરકાર પડી ગયા બાદ ભાજપે ઓફર કર્યા

Dilip Patel

રાજ્યમાં CORONA બન્યો બેકાબૂ, છેલ્લાં 24 કલાકમાં 872 પોઝીટીવ દર્દીઓ સાથે 10 લોકોનાં મોત

Mansi Patel
Do NOT follow this link or you will be banned from the site!