GSTV

એરિક ટ્રેપિયર : દસૉ એવિએશન 2019થી ભારતને રફાલ ફાઈટર જેટ્સ આપવાનું કરશે શરૂ

દસૉ એવિએશન 2019થી ભારતને રફાલ ફાઈટર જેટ્સ આપવાનું શરૂ કરશે. આ જાણકારી કંપનીના સીઈઓ એરિક ટ્રેપિયરે ઓરલેન્ડોમાં સોમવારે આપી છે. ઓરલેન્ડોમાં વિશ્વના સૌથી મોટા બિઝનસ જેટ શૉ દરમિયાન ટ્રેપિયરે રફાલ પર ટીપ્પણી કરી હતી. આ પહેલા પણ ટ્રેપિયર, ભારતીય કંપનીઓ સાથે ભાગીદારી મામલે ટીપ્પણી કરી ચુક્યા છે.

ટ્રેપિયરે કહ્યુ હતુ કે અનિલ અંબાણીની કંપનીનું રફાલમાં માત્ર દશ ટકા ઓફસેટ રોકાણ છે. સીઈઓ એરિક ટ્રેપિયરે કહ્યુ છે કે કંપની એકસો જેટલી ભારતીય કંપનીઓ સાથે વાતચીત કરી રહી છે. ફ્રાંસની વેબસાઈટ મીડિયાપાર્ટે આ નિવેદન પ્રકાશિત કર્યું હતું.

વેબસાઈટ પર દસૉ મેનેજમેન્ટ અને તેના કર્મચારીઓના પ્રતિનિધિઓ વચ્ચે એક મીટિંગની નોટ્સને ટાંકવામાં આવી હતી. મહત્વપૂર્ણ છે કે ભારતની રાજનીતિમાં રફાલ ડીલ સામે કોંગ્રેસના સવાલોથી ભારે ગરમાગરમી જોવા મળી રહી છે. આ મામલે બુધવારે સુપ્રીમ કોર્ટમાં સુનાવણી થઈ હતી.

સુપ્રીમ કોર્ટે રફાલ ડીલ પર સુનાવણી કરતા કેન્દ્ર સરકારને કહ્યું હતું કે તેઓ યુદ્ધવિમાનની કિંમતો અને તકનીક સાથે જોડાયેલી જાણકારી ભલે જાહેર કરે નહીં. પરંતુ રફાલ ડીલની પ્રક્રિયાની કોર્ટને જાણકારી આપે. આના માટે સુપ્રીમ કોર્ટે 29 ઓક્ટોબર સુધીનો સમય આપ્યો છે અને બંધ કવરમાં ડીલની પ્રક્રિયાની જાણકારી આપવા માટે તાકીદ કરી છે. આ મામલે 31 ઓક્ટોબરે આગામી સુનાવણી હાથ ધરાવાની છે.

 

Related posts

IPL 2020: ચેન્નઈ સુપરકિંગ્સની સતત બીજી હાર, દિલ્હી કેપિટલ્સે 44 રનથી હરાવ્યું

Pravin Makwana

લદ્દાખ પર લડાઈ/ કાશ્મીરમાંથી અલગ કરી લદ્દાખ સાથે અન્યાય કરી રહી છે મોદી સરકાર, તમામ પાર્ટીઓએ ચૂંટણીનો કર્યો બહિષ્કાર

Pravin Makwana

RRTS ટ્રેનનો પહેલો લુક આવ્યો સામે, જાણો કેટલી હશે સ્પીડ અને ગુજરાતને શું થશે ફાયદો

Mansi Patel
Do NOT follow this link or you will be banned from the site!