VIDEO: જે રાફેલને લઈને રાજકારણીઓ બુમાબુમ કરતા હતા એ આસમાનમાં ઉડાન ભરી ચૂક્યું છે

Aero India 2019માં રાફેલે બુધવારે આસમાનમાં ઉડાન ભરી હતી. એરો ઇન્ડિયા શો દરમિયાન ભારતીય હવાઇ દળના અધિકારીઓએ રાફેલને ઉડાવ્યું હતું. એરો ઇન્ડિયા 2019માં ભાગ લેવા માટે રાફેલના ત્રણ વિમાન 13 ફેબ્રુઆરીએ બેંગલુરુ પહોંચ્યા હતા. એરો ઇન્ડિયા શો બેંગલોરમાં 20થી 24 ફેબ્રુઆરી સુધી યોજવામાં આવે છે, જેમાં 57 વિમાન ભાગ લેશે.

આ હવાઈ શોમાં રાફેલે વિંગ કમાન્ડર સાહિલ ગાંધીને શ્રદ્ધાંજલિ આપવા માટે ધીમી ગતિએ તેમની પ્રથમ ફ્લાઇટ ભરી હતી. 20મી ફેબ્રુઆરીથી શરૂ થતા ‘એરો ઇન્ડિયા 2019’ શોમાં 9 સૂર્ય કિરણ વિમાનનું પ્રદર્શન કરવાના હતા એમાં સાહિલ ગાંધીનું અવસાન થયું હતું. તે સમયે બે વિમાનો અથડાઈ ગયા હતા.

બુધવારે સંરક્ષણ પ્રધાન નિર્મલા સીધારામેને એરો ઇન્ડિયા 2019 નું ઉદ્ઘાટન કર્યું. આ દરમિયાન તેમણે સંરક્ષણ ઉત્પાદન ક્ષેત્રના રોકાણકારોને આમંત્રણ આપ્યું હતું તેમણે જણાવ્યું હતું કે ચાલુ નાણાકીય વર્ષ સાથે પાછલા ચાર વર્ષમાં આશરે રૂ. 1,27,500 કરોડના 150 કોન્ટ્રેક્ટ પર હસ્તાક્ષર કર્યા છે.

રાફેલ સાથે સાથે એરો ઇન્ડિયા 2019માં સુખોઈ એસયુ -20, એફ -16, એફ / એ 119 સુપર હોર્નેટ સહિતના ઘણા અન્ય એરક્રાફ્ટ પોતાનો જલવો બતાવશે. સાથે સાથે, તેજસ, એચટીટી -40 (બેઝિક ટ્રેનર એરક્રાફ્ટ), પ્રથમ સ્વદેશી અપગ્રેડ હોક એમ 1132-હોક-આઇ, સિવિલ ડુ -228, એડવાન્સ લાઇટ હેલિકોપ્ટર (રુદ્ર), લાઇટ યુટિલિટી હેલિકોપ્ટર (એલયુએચ), લાઇટ કોમ્બેટ હેલિકોપ્ટર ( એલચી)) શોમાં જોવા મળશે.

READ ALSO

ADVERTISEMENT
GSTVના લેટેસ્ટ News અને Videos માટે લાઈક કરો Youtube Twitter