યુક્રેન સાથે લાંબા સમયથી ચાલેલા યુદ્ધે રશિયાના રાષ્ટ્રપતિ વ્લાદિમીર પુતિનને પરેશાન કરી દીધા છે. એવી આશંકા વ્યક્ત કરવામાં આવી રહી છે કે તે કોઈ મોટું પગલું પણ ભરી શકે છે. પુતિને ઘણી વખત પરમાણુ હુમલાની ધમકી આપી છે અને તાજેતરમાં જ પુતિન ગુપ્ત પરમાણુ બ્રીફકેસ સાથે જોવા મળ્યા હતા. રશિયન રાષ્ટ્રપતિની એક તસવીર પણ સામે આવી છે, જેમાં તેમની પાછળ આવનાર વ્યક્તિએ હાથમાં કાળી બ્રીફકેસ પકડી છે, જેને પરમાણુ બ્રીફકેસ ગણાવવામાં આવી રહી છે.
પુતિનના જૂના મિત્રનું અવસાન
રશિયાના રાષ્ટ્રપતિ વ્લાદિમીર પુતિન મોસ્કોના ક્રાઈસ્ટ ધ સેવિયર કેથેડ્રલ ખાતે અંતિમ સંસ્કારમાં ભાગ લેવા પહોંચ્યા હતા. આ દરમિયાન ગુપ્ત પરમાણુ બ્રીફકેસ પણ તેમની સાથે હતી. અહીં પુતિને રાષ્ટ્રવાદી વ્લાદિમીર ઝિરીનોવસ્કીને શ્રદ્ધાંજલિ આપી. ઝિરીનોવ્સ્કી અને પુતિન વચ્ચે લાંબા સંબંધો હતા. એવું માનવામાં આવે છે કે ઝિરીનોવસ્કી કોરોનાને કારણે બીમાર હતા.
વિશ્વને સંદેશ આપવાનો પ્રયાસ કરી રહ્યો છે
એવું માનવામાં આવે છે કે પુતિન પરમાણુ બ્રીફકેસ બતાવીને દુનિયાને સંદેશ આપવા માંગે છે કે તેઓ ગમે ત્યારે કંઇક મોટું કરી શકે છે. આ પહેલા પણ તે ઘણી વખત પરમાણુ હુમલાની ધમકી આપી ચુક્યા છે. પુતિનની આ તસવીર સામે આવ્યા બાદ ફરી એકવાર ત્રીજા વિશ્વ યુદ્ધનો ભય વધી ગયો છે. તે જ સમયે, યુક્રેનના રાષ્ટ્રપતિ વોલોડીમિર ઝેલેન્સકીએ રશિયન સેના પર ઇરાદાપૂર્વક નાગરિકોને નિશાન બનાવવાનો આરોપ લગાવ્યો છે. ઝેલેન્સકીએ એક નિવેદનમાં જણાવ્યું હતું કે આ એક દુષ્ટ છે જે કોઈ સીમાને જાણતું નથી અને જો તેને સજા નહીં કરવામાં આવે તો તે ક્યારેય બંધ નહિ થાય.
રશિયનોએ 6 લાખ લોકોને પકડી લીધા!
યુક્રેનના માનવાધિકાર કમિશનર લ્યુડમિલા ડેનિસોવાએ દાવો કર્યો છે કે રશિયન સૈનિકોએ એક લાખ 21 હજાર બાળકો સહિત છ લાખ યુક્રેનિયન નાગરિકોને અહીંથી બળજબરીથી દેશનિકાલ કર્યા છે. તેમણે ફેસબુક પોસ્ટમાં લખ્યું છે કે ખાર્કિવ ક્ષેત્રના ઇઝ્યુમ શહેરમાંથી નાગરિકોને બળજબરીથી રશિયા લઈ જવામાં આવી રહ્યા છે. ડેનિસોવાએ કહ્યું કે આ પહેલીવાર નથી કે જ્યારે રશિયન સેનાએ આવું કૃત્ય કર્યું હોય.
READ ALSO:
- કરુણ/ બૂચા નરસંહારની કંપારી છોડાવી દે એવી તસવીરો સામે આવી, ચર્ચ પાસે સામૂહિક કબ્રસ્તાનમાં મળ્યાં 67 મૃતદેહ
- ૧૮ વર્ષથી વધુ ઉંમરની વ્યકિતઓ માટે પ્રિકોશનરી ડોઝની શરૂઆત 10મી એપ્રિલથી, જાણો કેવી રીતે આપવામાં આવશે રસી
- લાંચિયા અધિકારીઓ પર ACBએ કસ્યો સકંજો, પ્લોટ માપણી માટે અધિકારીઓએ માંગી હતી મોટી રકમ
- રાજકીય ઘમાસાણ / ઇમરાન સરકાર વિરુદ્ધ આજે અવિશ્વાસના પ્રસ્તાવ પર મતદાન, વિપક્ષ કાઢશે રેલીઓ
- મહારાષ્ટ્રમાં ગરમીનો હાહાકાર: રાજ્યમાં તાપમાન 44 અંશ સેલ્સિયરને પાર, અસહ્ય ગરમીથી 15 દિવસમાં સાતના મોત