પંજાબમાં અમૃતસરની સરકારી મેડિકલ કોલેજમાં ભીષણ આગની ઘટના સામે આવી છે. આગ લાગતા જ હોસ્પિટલમાં અફરાતફરીનો માહોલ સર્જાયો હતો. ઘટનાસ્થળે બચાવકાર્યની કામગીરી ચાલુ છે. અત્યાર સુધી હોસ્પિટલમાંથી 650 લોકોને સુરક્ષિત બહાર કાઢી લેવાયા છે. આગ ક્યા કારણસર લાગી તેની માહિતી હજી પ્રાપ્ત થઈ નથી.
#WATCH | Fire broke out in the Guru Nanak Dev Hospital in Amritsar, Punjab. pic.twitter.com/p8ko100hRx
— ANI (@ANI) May 14, 2022
મળતી માહિતી મુજબ આગ એટલી ઝડપથી લાગી કે કોઈને બહાર નીકળવાની તક મળી ન હતી. હોસ્પિટલમાં અફરાતફરીનો માહોલ સર્જાયો છે. ફાયર બ્રિગેડની ટીમ ઘટનાસ્થળે પહોંચી ગઈ છે. ફાયર બ્રિગેડની ટીમ આગ પર કાબૂ મેળવવાનો પ્રયાસ કરી રહી છે.
હોસ્પિટલ પાછળ આવેલા ટ્રાન્સફોર્મરમાં અચાનક આગ ફાટી નીકળી હતી. પહેલા એક ટ્રાન્સફોર્મરમાં આગ લાગી, પછી બીજામાં અને જોત-જાતોમાં આગનો ધુમાડો આખી હોસ્પિટલમાં ફેલાઈ ગયો, જેના કારણે દર્દીઓમાં ફફડાટ વ્યાપી ગયો અને તેઓ તેમના સ્વજનો સાથે બહાર રોડ તરફ દોડી ગયા.
#UPDATE | Fire Officer Lovepreet Singh said, "Initially, the fire broke out in the transformers. Eight fire tenders reached on spot. The fire is under control. No injuries reported." pic.twitter.com/rknZg0qyvB
— ANI (@ANI) May 14, 2022
હોસ્પિટલના વિવિધ વોર્ડમાં મોટી સંખ્યામાં દર્દીઓ હતા, જેઓ બહાર દોડી આવ્યા હતા અને રસ્તા પર સૂઈ ગયા હતા. દર્દીઓના જણાવ્યા મુજબ આગના ધુમાડાને કારણે તેમને શ્વાસ લેવો મુશ્કેલ થઈ ગયો હતો, પરંતુ કોઈએ તેમની મદદ ન કરી અને તેમણે જાતે જ બહાર આવીને પોતાનો જીવ બચાવ્યો.
માહિતી બાદ ફાયર વિભાગ અને કેબિનેટ મંત્રી હરભજન સિંહ ઘટનાસ્થળે પહોંચી ગયા હતા. ફાયર વિભાગની 12 જેટલી ગાડીઓએ ભારે જહેમત બાદ આગ પર કાબુ મેળવ્યો હતો. ત્યાં સુધીમાં ઈમારત સંપૂર્ણપણે બળીને ખાક થઇ ગઈ હતી. કેબિનેટ મંત્રી હરભજન સિંહે જણાવ્યું કે મામલાની તપાસ કરવામાં આવી રહી છે.
દેશ દુનિયાના મહત્વપૂર્ણ સમાચારો, બિઝનેસ, ફાયનાન્સ, અજબગજબ, ઓટો અને ટેક્નોલોજી સહિતના સમાચાર વાંચો જીએસટીવીની વેબસાઈટ પર, સાથે જ ગુજરાત સમાચાર પર વાંચો રાજ્યના સૌથી વિશ્વસનીય સમાચાર.
READ ALSO
- WTC FINAL/ ઓસ્ટ્રેલિયન ખેલાડી ટ્રેવિસ હેડે રચ્યો ઇતિહાસ, 48 વર્ષ બાદ આવું પ્રથમ વખત બન્યું
- હવે તમે ચૂકવણી કરીને ખરીદી શકશો ઇન્સ્ટા-એફબી બ્લુ ટિક , તમારે ચૂકવવા પડશે આટલા પૈસા
- દીના સનિચર: આ હતો વાસ્તવિક જીવનનો મોગલી, 6 વર્ષની ઉંમર સુધી વરુઓ દ્વારા કરવામાં આવ્યો હતો તેનો ઉછેર
- RBI મોનેટરી પોલિસી: સેન્ટ્રલ બેંકે રેપો રેટને 6.5 ટકા પર યથાવત રાખ્યો
- ગીર સોમનાથના ટીમડી ગામની સરકારી જમીનના 11 પ્લોટની રાતોરાત હરાજી કરી કૌભાંડ આરોપ, સરપંચે રાતો રાત પ્લોટ ફાળવ્યા