GSTV
Gujarat Government Advertisement

રહી ના જતાં! અહીં ફક્ત 59 મિનિટમાં મળી રહી છે દરેક પ્રકારની લોન, ઉતાવળ રાખજો 60 હજાર કરોડની લ્હાણી કરી ચુકી છે સરકાર

લોન

Last Updated on March 23, 2021 by Bansari

પીએમ નરેન્દ્ર મોદીએ 2 નવેમ્બર 2018 ના રોજ 59 મિનિટમાં મળતી લોન સ્કીમ શરૂ કરી. આ અંતર્ગત બિઝનેસ લોન, મુદ્રા લોન, પર્સનલ લોન, હોમ લોન અને કાર લોન સરળતાથી મળી રહે છે. ખાસ કરીને તે નાના ઉદ્યોગકારો માટે શરૂ કરાઈ હતી. આ અંતર્ગત, MSMEsને સસ્તા દરે માત્ર 59 મિનિટમાં 1 લાખથી 5 કરોડ સુધીની લોન મળે છે.

આ સ્કીમ અંગે નાણાં રાજ્યમંત્રી અનુરાગ ઠાકુરે રાજ્યસભામાં કહ્યું કે અત્યાર સુધીમાં લગભગ 60 હજાર કરોડ રૂપિયાનું વિતરણ કરવામાં આવ્યું છે. ઠાકુરે કહ્યું કે આ સ્કીમ હજી પ્રારંભિક તબક્કે છે અને 60,000 કરોડ રૂપિયાની લોન નાના અને મધ્યમ ઉદ્યોગો માટે એક મોટી સુવિધા છે. નાના અને મધ્યમ ઉદ્યોગો માટે સરકારે 59 મિનિટમાં લોન આપવા માટેની યોજના શરૂ કરી છે અને તેના માટે એક પોર્ટલ (https://www.psbloansin59minutes.com/home) બનાવવામાં આવ્યું છે. કોઈપણ વ્યવસાયિક વ્યક્તિ આ યોજનાનો લાભ લઈ શકે છે. વ્યાજ દર 8.50 ટકાથી શરૂ થાય છે. તેની સૌથી મોટી વિશેષતા એ છે કે તેમાં ડોક્યુમેન્ટ વર્ક ખૂબ ઓછું છે.

10 કરોડ સુધીની હોમ લોન સુવિધા

આ સ્કીમ અંતર્ગત અનેક બેંકો માટે લોન અરજીઓ એકસાથે મૂકી શકાય છે. વ્યવસાયિક લોન સાથે, કરન્સી લોન, હોમ લોન, પર્સનલ લોન અને ઓટો લોન પણ PSB Loans in 59 minutesની વેબસાઇટની મુલાકાત લઈને મેળવી શકાય છે. 10 કરોડ સુધીની હોમ લોન, 20 લાખ સુધીની પર્સનલ લોન અને 1 કરોડ સુધીની ઓટો લોન મળી શકે છે.

લોન

બેંક એનપીએમાં ભારે ઘટાડો

અહીં ગૃહમાં અનુરાગ ઠાકુરે કહ્યું કે 2014 માં સત્તા પર આવ્યા પછી આ સરકારે બેન્કિંગ ક્ષેત્રે પારદર્શિતા પર ભાર મૂક્યો છે, જેનાથી છેતરપિંડી અને કૌભાંડોની સંખ્યામાં ઘટાડો થયો છે. તેમણે કહ્યું કે, 2014 પહેલા દેશમાં ‘ફોન બેન્કિંગ’ ચાલતી હતી, પરંતુ તેમની સરકારે ડિજિટલ બેંકિંગ પર ભાર મૂક્યો છે. ઠાકુરે કહ્યું કે સરકારે લીધેલા વિવિધ પગલાંને લીધે જાહેર બેંકોની નૉન-પરફોર્મિંગ એસેટ્સ (એનપીએ)માં ઘટાડો થયો છે, સાથે જ તેમની વસૂલીમાં પણ વધારો થયો છે. તેમણે કહ્યું કે 2013-14માં બેંકોની કુલ એનપીએ 8.96 લાખ કરોડ રૂપિયા હતી, જે ડિસેમ્બર 2020 માં ઘટીને 5.70 લાખ કરોડ રૂપિયા થઈ ગઈ છે.

લોન

બેંક ફ્રોડના કેસમાં નોંધપાત્ર ઘટાડો

તેમણે કહ્યું કે આ સમયગાળા દરમિયાન બેંકોની રિકવરી 2.74 હજાર કરોડ રૂપિયા છે. છેતરપિંડીમાં થયેલા ઘટાડાનો ઉલ્લેખ કરતા તેમણે જણાવ્યું હતું કે 2013-14માં દર 1.01 ટકા હતો જે હવે 0.23 ટકા પર આવી ગયો છે. ઠાકુરે કહ્યું કે સરકાર જાહેર ક્ષેત્રની બેંકોને સ્પર્ધાત્મક અને મજબૂત બનાવવા પર ભાર આપી રહી છે. આ માટે આ બેંકોમાં 4.38 લાખ કરોડ રૂપિયા ફરીથી મૂડીકરણ કરવામાં આવ્યું છે.

Read Also

Gujarat Government Advertisement

Related posts

ઉત્તર કોરિયા તબાહીના આરે: કોરોનાએ બરબાદ કર્યું અર્થતંત્ર, કિમ જોંગ ઉને કરી આ જાહેરાત

Pritesh Mehta

સુરેન્દ્રનગરના પરિવાર પર આભ ફાટ્યું, સ્વિમિંગ પુલમાં તરવા ગયેલ બાળકનું કમકમાટી ભર્યું મોત

Pritesh Mehta

પાલનપુરના યુવકે ભર્યું મોતનું પગલું, વિડીયો બનાવી કહ્યું કેમ કરે છે આપઘાત

Pritesh Mehta
Do NOT follow this link or you will be banned from the site!