GSTV

રાજ્યભરમાં ઠંડીના પ્રમાણમાં સતત વધારો, અમદાવાદમાં ૧૨ ડિગ્રીની તાપમાન

Last Updated on June 24, 2019 by Mayur Vora

રાજ્યભરમાં શિયાળો બરાબર જામી રહ્યો છે અને ઠંડીના પ્રમાણમાં સતત વધારો થઈ રહ્યો છે. અમદાવાદમાં પણ આજે વહેલી સવારે ઠંડીનું પ્રમાણ વધુ જોવા મળ્યુ હતુ. અમદાવાદમાં સામાન્ય કરતા વધુ તીવ્ર ગતિએ પવન ફૂંકાઈ રહ્યા છે. ઠંડા પવનના કારણે પણ ઠંડીમાં વધારો અનુભવાઈ રહ્યો છે. નલિયા, ડીસા અને ગાંધીનગરમાં પણ તાપમાનનો પારો સતત ગગડી રહ્યો છે.

આગામી ચાર દિવસ અમદાવાદમાં ૧૨ ડિગ્રીની આસપાસ ઠંડી રહેશે. હવામાન વિભાગના મતે, ઉત્તરપૂર્વથી પૂર્વ દિશાનો પવન હાલમાં છે અને જેના લીધે ઠંડીમાં વધારો નોંધાયો છે. આગામી દિવસોમાં પણ ઠંડીનું જોર યથાવત્ રહેશે. હિલસ્ટેશન માઉન્ટ આબુમાં ઠંડીનો પારો ૨.૪ ડિગ્રી નોંધાયો હતો અને આગામી ૩ દિવસમાં ૧ ડિગ્રી સરેરાશ લઘુત્તમ તાપમાન નોંધાઇ શકે છે. વધતી ઠંડીથી બચવા લોકો તાપણાનો સહારો લઈ રહ્યા છે. તો બીજીતરફ, લોકો ચાની ચુસ્કી લગાવતા નજરે પડી રહ્યા છે.

શિયાળો જામી રહ્યો છે ત્યારે વસાણા, ગુંદર પાક ખાઈને પણ લોકો શરીરની ખાસ કાળજી રાખી રહ્યા છે. તો શિયાળાની શરૂઆત સાથે જ લોકો સ્વાસ્થ્યને લઈને સજાગ બન્યા છે. ઘર પાસે આવેલા મેદાન, બગીચામાં પહોંચીને વ્યાયામ, સૂર્ય નમસ્કાર અને મોર્નિંગ વોક કરતા જોવા મળે છે.

Related posts

મતદારયાદી સુધારણા-૨૦૨૨ માટેનો કાર્યક્રમ જાહેર, સુરત જિલ્લા કલેક્ટરે જાહેર કર્યો એક્શન પ્લાન

Pritesh Mehta

100 દિવસ સેવા સંકલ્પ / AMCએ શરૂ કરી જોરદાર સ્કીમ, વગર સિક્યોરિટીએ વેન્ડરોને મળશે લોન

Pritesh Mehta

રાજસ્થાન સ્કુલ બાદ હવે હોસ્પિટલના નામને લઈને પણ શરૂ થયો વિવાદ, એકતા-સંસ્કાર પેનલ આમને સામને

Pritesh Mehta
Do NOT follow this link or you will be banned from the site!