રશિયા અને યુક્રેન વચ્ચે ચાલી રહેલું યુદ્ધ અટકવાનું નામ નથી લઇ રહ્યું. ત્યારે હવે ફરી એક વખત નાટો સંગઠન દ્વારા મહત્વપૂર્ણ બેઠક મળશે. યુરોપમાં વધી રહેલા તણાવ વચ્ચે યુએસ પ્રમુખ જો બિડેન ગઈકાલે વ્હાઇટ હાઉસથી યુરોપની ચાર દિવસની મુલાકાતે ગયા હતા અને હવે તેઓ બેલ્જિયમમાં છે, જ્યાં તેઓ યુક્રેનમાં રશિયન આક્રમણ અંગે ચર્ચા કરે તેવી અપેક્ષા છે. મુખ્ય સાથીદારો સાથે મુલાકાત કરશે. સાથે, નાટોની મહત્વપૂર્ણ બેઠકોમાં પણ ભાગ લેશે.
બેલ્જિયમની રાજધાની બ્રસેલ્સમાં યોજાનારી આ બેઠકમાં યુક્રેન પર રશિયાના હુમલા અને આ મુદ્દે ચીનની ભૂમિકા પર પણ ચર્ચા થશે. નાટોની બેઠક પહેલા મહાસચિવ જેન્સ સ્ટોલટેનબર્ગે આશા વ્યક્ત કરી કે બેઠકમાં કેટલાક મહત્વપૂર્ણ નિર્ણયો લેવાઇ શકે છે.
Thank you Prime Minister @alexanderdecroo for the warm welcome in Brussels. I'm looking forward to our work together — with all our Allies and partners — this week as we continue responding to Putin’s war of choice in Ukraine. pic.twitter.com/oDsANcaZOr
— President Biden (@POTUS) March 23, 2022
અમેરિકી રાષ્ટ્રપતિ જો બિડેન બેલ્જિયમની રાજધાની બ્રસેલ્સ પહોંચી ગયા છે. બ્રસેલ્સ પહોંચ્યા પછી, અમેરિકી રાષ્ટ્રપતિ કાર્યાલયે ટ્વિટર પર બિડેનને ટાંકીને કહ્યું, ‘બ્રસેલ્સમાં ઉષ્માભર્યું સ્વાગત કરવા બદલ વડા પ્રધાન એલેક્ઝાંડર ડી કોરોનો આભાર. હું આ અઠવાડિયે અમારા તમામ સાથીઓ અને ભાગીદારો સાથે કામ કરવા માટે આતુર છું કારણ કે અમે યુક્રેનમાં પુતિનની પસંદગીના યુદ્ધનો જવાબ આપવાનું ચાલુ રાખીશું.
Extraordinary Summit of NATO: કાર્યક્રમ
- 24 માર્ચ (ગુરુવાર) નાટો રાજ્ય અને સરકારના વડાઓની અસાધારણ શિખર સંમેલન, નાટો હેડક્વાર્ટર, બ્રસેલ્સ, બેલ્જિયમ.
- 12:15 PM નાટો સેક્રેટરી જનરલ દ્વારા ડોરસ્ટેપ સ્ટેટમેન્ટ
- 12:30 PM નાટોના રાજ્ય અને સરકારના વડાઓનું આગમન
- 2:15 PM પરિવારની તસવીર
- 2:30 PM નોર્થ એટલાન્ટિક કાઉન્સિલ (NATO) ની રાજ્ય અને સરકારના વડાઓના સ્તરે બેઠક; નાટો સેક્રેટરી જનરલનું ઉદ્ઘાટન ભાષણ.
- 5:45 PM નાટો સેક્રેટરી જનરલ દ્વારા પ્રેસ કોન્ફરન્સ.
નાટોની આ બેઠક વચ્ચે રશિયન બોર્ડર પર નાટો દેશોના લગભગ 30 હજાર સૈનિકો યુદ્ધાભ્યાસ કરી રહ્યા છે. આ યુદ્ધાભ્યાસમાં પરમાણુ સબમરિન પણ સામેલ છે. ત્યારે સવાલ એ છે કે શું નાટો દેશ રશિયા પર કોઇ મોટી કાર્યવાહીની તૈયારીઓ કરી રહ્યા છે. મહત્વનું છે કે એક ઇન્ટરવ્યુમાં યુક્રેનના રાષ્ટ્રપતિ જેલેન્સ્કીએ જણાવ્યું હતું કે નાટોએ હવે તેમને જણાવી દેવું જોઇએ કે તેઓ અમારો સ્વીકાર કરી રહ્યા છે કે નહીં. અથવા તો નાટો સ્પષ્ટપણે કહી દે કે તેઓ અમને નથી સ્વીકારી રહ્યા. નાટો દેશો રશિયાથી ડરી રહ્યા છે. જે એક સત્ય છે.
Read Also
- દાહોદમાં લૂંટના ઈરાદે હત્યા : ઝાલોદમાં બાઈકસવાર દંપતી પર લૂંટારૂઓએ હુમલો કરતા મહિલાનું મોત, પોલીસે તપાસ હાથ ધરી
- કેરળમાં હજી ચોમાસું પહોંચ્યું નથી, હવામાન વિભાગે કહ્યું- 3-4 દિવસનો થઈ શકે છે વિલંબ
- ઓડિશા ટ્રેન દુર્ઘટનાઃ મમતાએ મૃત્યુના આંકડા પર ઉઠાવ્યા સવાલ, રાહુલે માંગ્યું રેલવે મંત્રીનું રાજીનામું
- મહારાષ્ટ્ર : ચંદ્રપુરના કાનપા ગામ પાસે ખાનગી બસ અને કાર વચ્ચે ગમખ્વાર અકસ્માતમાં 5 લોકોના મોત
- 5 જૂન સોમવારનું પંચાંગ, જાણો દિવસ-રાતના શુભ ચોઘડિયાં