GSTV
Gujarat Government Advertisement

પાક વીમાની યોજનાથી વીમા કંપનીઓ માલામાલ, ખેડૂતો પાયમાલ

Last Updated on November 17, 2018 by

ઘરના છોકરાં ઘંટી ચાટે અને ઉપાધ્યાયને આટો. આ કહેવત તો તમે સાંભળી હશે. પરંતુ ખેડૂતોને મળતા પાક વીમાની યોજનામાં આ કહેવત બરાબર બંધ બેસે છે. કેમ કે પાક વીમા કંપનીઓએ છેલ્લા 2 વર્ષમાં 3205 કરોડની કમાણી કરી છે. એટલે કે આ યોજના કંપનીઓના લાભ માટે છે કે ખેડૂતોના લાભ માટે છે એના પર સવાલો ઉઠ્યા છે.

વર્ષ 2016માં લાગુ કરાયેલી પ્રધાનમંત્રી ફસલ વીમા યોજના અંતર્ગત ખાનગી વીમા કંપનીઓ દ્વારા ખેડૂતોના પાકનો વીમો ઉતારવામાં આવે છે. પરંતુ આ યોજનાને કારણે ખેડૂતોને માઠી દશાનો ભોગ બનવું પડે છે. જ્યારે કે પાક વીમા કંપનીઓને ઘી-કેળાં મળી રહ્યાં છે. ગત 2 વર્ષમાં જ પાક વીમા કંપનીઓએ ગુજરાતમાંથી 3205.29 કરોડનો ચોખ્ખો નફો પોતાના ગજવા ભેગો કર્યો છે. કારણ કે રાજ્યના ખેડૂતોએ. રાજ્ય સરકારે તેમજ કેન્દ્ર સરકારે ભરેલા પ્રિમિયમની રકમ 5573.72 કરોડની છે. જેની સામે વર્ષ 2016 અને 2017માં વીમા કંપનીઓએ ચૂકવેલી ક્લેઇમની રકમ રૂ. 2298.97 કરોડ છે.

સુરેન્દ્રનગર જિલ્લાનાં અનેક ગામોના ખેડૂતોને બેન્કે લોન ભરવા અંગેની નોટિસ ફટકારી છે. જેને લઈને સુપ્રીમ કોર્ટના વકીલ હિમાંશુ ઠક્કરે 500થી વધુ ખેડૂતો વતી બેન્કને વળતી નોટિસ ફટકારી છે. આગામી દિવસોમાં કન્ઝ્યુમર ફોરમમાં તેમજ સુપ્રીમ કોર્ટમાં પણ પિટિશન કરવામાં આવશે.

વર્ષ 2016માં પાક વીમા ક્લેઈમની સ્થિતિ જોઇએ તો રવી અને ખરિફ સિઝનમાં કુલ મળીને રાજ્યના 19 લાખ 75 હજાર 139 ખેડૂતોએ પાક વીમો લીધો હતો. જે અંતર્ગત ખેડૂતોએ કુલ મળીને રૂ. 249.38 કરોડનું પ્રીમિયમ ભર્યું હતું. જેની સામે રાજ્ય સરકારે કૂલ મળીને રૂ. 1123.41 કરોડનું પ્રીમિયમ ભર્યું હતું તેમજ કેન્દ્ર સરકારે કૂલ મળીને રૂ. 987.89 કરોડનું પ્રીમિયમ ભર્યું હતું. જેનો કુલ સરવાળો રૂ. 2420.74 કરોડ થાય છે. જેની સામે પાક વીમા કંપનીઓએ 6 લાખ 78 હજાર 693 ખેડૂતોના જ વીમાનો ક્લેઈમ મંજૂર કરીને રૂ. 1261.29 કરોડ પાક વીમા પેટે ચૂકવ્યા હતા. જેથી કંપનીઓને રૂ. 1089.99 કરોડનો ચોખ્ખો નફો થયો હતો.

વર્ષ 2017માં પાક વીમા ક્લેઈમની સ્થિતિ જોઇએ તો ખરીફ સિઝનમાં કુલ મળીને રાજ્યના 14 લાખ 85 હજાર 340 ખેડૂતોએ પાક વીમો લીધો હતો. જે અંતર્ગત ખેડૂતોએ કુલ મળીને રૂ. 367.58 કરોડનું પ્રીમિયમ ભર્યું હતું. જેની સામે રાજ્ય સરકારે કૂલ મળીને રૂ. 1392.70 કરોડનું પ્રીમિયમ ભર્યું હતું તેમજ કેન્દ્ર સરકારે કૂલ મળીને રૂ. 1392.70 કરોડનું પ્રીમિયમ ભર્યું હતું. જેનો કુલ સરવાળો રૂ. 3152.98 કરોડ થાય છે. જેની સામે પાક વીમા કંપનીઓએ 4 લાખ 03 હજાર 572 ખેડૂતોનાજ વીમાનો ક્લેઈમ મંજૂર કરીને રૂ. 1037.68 કરોડ પાક વીમા પેટે ચૂકવ્યા હતા. જેથી કંપનીઓને રૂ. 2115.30 કરોડનો ચોખ્ખો નફો થયો હતો. આ આંકડા સ્વયં સ્પષ્ટ છે કે પાક વીમાના નામે ખેડૂતોની સાથે કેવી છેતરપિંડી થઇ રહી છે.

Gujarat Government Advertisement

Related posts

185 કિમીની ઝડપે ગુજરાતના કાંઠે અથડાયું હતું ચક્રવાત, 410 લોકો દરિયામાં ફસાયા, વિનાશક વાવાઝોડાએ મચાવ્યું તોફાન!

pratik shah

તબીબો માથે ખતરો: કોરોનાની બીજી લહેરમાં 269 ડોક્ટર્સના ગયા જીવ, સૌથી વધુ આ રાજ્યના તબીબો ભોગ બન્યા

Harshad Patel

હાઈકોર્ટે ઉધડો લીધો: વિદેશી વેક્સિન બનાવતી કંપનીઓની જાણકારી માટે કરી અરજી, કોર્ટે 10,000નો દંડ ફટકારી બોલતી બંધ કરી

Bansari
Do NOT follow this link or you will be banned from the site!