Post Office MIS scheme: જોબ સિવાય જો તમને રેગ્યુલર ઈન્કમનો અલગથી વિકલ્પ જોઈતો હોય તો પોસ્ટ ઓફિસ આવો. પોસ્ટ ઓફિસ MIS સ્કીમ તમારા માટે બેસ્ટ ઓપ્શન બની શકે છે. ખાસ કરીને એવા લોકો માટે કે જેઓ પતિ-પત્ની એકાઉન્ટ ખોલવા માંગે છે. આ સ્કીમ તમને હસબન્ડ-વાઇફને બમણો લાભ આપી શકે છે. પોસ્ટ ઓફિસ મંથલી ઈન્કમ સ્કીમમાં તમને દર મહિને કમાવાની તક મળે છે. જોઇન્ટ એકાઉન્ટ ખોલવામાં આવે ત્યારે આ સુવિધા ઉપલબ્ધ છે. યોજનામાં ડબલ નફો કેવી રીતે મેળવવો. ચાલો જાણીએ.
વાર્ષિક 59,400 રૂપિયા કમાઓ
Post Office MIS schemeમાં, તમને જોઇન્ટ એકાઉન્ટ દ્વારા બમણો લાભ મળે છે. આ સ્કીમ દ્વારા પતિ-પત્ની વાર્ષિક રૂ. 59,400 સુધીની કમાણી કરી શકે છે. દર મહિને તે 4950 રૂપિયા કમાશે.
શું છે Monthly Income Scheme?
MIS સ્કીમમાં ખોલવામાં આવેલ ખાતું સિંગલ અને જોઈન્ટ બંને મોડમાં ખોલી શકાય છે. ઇંડિવિજુએલ એકાઉન્ટ ખોલાવતી વખતે, તમે આ સ્કીમમાં ઓછામાં ઓછા રૂ. 1,000 અને વધુમાં વધુ રૂ. 4.5 લાખનું રોકાણ કરી શકો છો. જો કે, જોઇન્ટ એકાઉન્ટમાં વધુમાં વધુ 9 લાખ રૂપિયા જમા કરાવી શકાય છે. આ યોજના નિવૃત્ત કર્મચારીઓ અને વરિષ્ઠ નાગરિકો માટે ખૂબ જ ફાયદાકારક છે.
શું છે ફાયદા ?
MIS વિશે સારી વાત એ છે કે બે કે ત્રણ લોકો મળીને જોઈન્ટ એકાઉન્ટ ખોલાવી શકે છે. આ ખાતાના બદલામાં મળેલી આવક દરેક સભ્યને સમાનરૂપે આપવામાં આવે છે. તમે કોઈપણ સમયે જોઈન્ટ એકાઉન્ટને સિંગલ એકાઉન્ટમાં કન્વર્ટ કરી શકો છો. સિંગલ એકાઉન્ટને જોઈન્ટ એકાઉન્ટમાં પણ કન્વર્ટ કરી શકાય છે. ખાતામાં કોઈપણ ફેરફાર કરવા માટે, ખાતાના તમામ સભ્યો દ્વારા જોઇન્ટ એપ્લીકેશન આપવાની રહેશે.
કેવી રીતે કામ કરે છે આ સ્કીમ?
આ સ્કીમમાં અત્યારે તમને 6.6 ટકાના દરે વાર્ષિક વ્યાજ મળી રહ્યું છે. યોજના હેઠળ, તમારી કુલ થાપણો પર વાર્ષિક વ્યાજના આધારે રિટર્નની ગણતરી કરવામાં આવે છે. તેથી તેને દર મહિનાના હિસાબે 12 ભાગમાં વહેંચવામાં આવે છે. તમે દર મહિને તમારા ખાતામાં આ ભાગ માંગી શકો છો. જો તમને માસિક ધોરણે તેની જરૂર નથી, તો આ રકમને મૂળ રકમમાં ઉમેરીને, તમને તેના પર વ્યાજ મળે છે.
ઉદાહરણ દ્વારા સમજો કેવી રીતે થશે ઇનકમ?
પતિ-પત્નીએ પોસ્ટ ઓફિસ એમઆઈએસ સ્કીમમાં જોઇન્ટ એકાઉન્ટમાં રૂ. 9 લાખનું રોકાણ કર્યું છે. 9 લાખની થાપણ પર 6.6 ટકા વ્યાજ દરે વાર્ષિક રિટર્ન રૂ. 59,400 હશે. જો તેને 12 ભાગોમાં વહેંચવામાં આવે તો તે માસિક રૂ. 4,950 થશે. મતલબ કે તમે દર મહિને તમારા ખાતામાં 4950 રૂપિયા મેળવી શકો છો. તે જ સમયે, તમારી મૂળ રકમ સંપૂર્ણપણે સુરક્ષિત રહેશે. જો તમે ઇચ્છો તો, તમે 5 વર્ષ પછી અને 5-5 વર્ષ માટે સ્કીમને લંબાવી શકો છો.
Read Also
- “ધીરજ સાહુ ભાજપમાં જોડાય તો ક્લીનચીટ ન આપી દેતા”, સાંસદ પ્રિયંકા ચતુર્વેદીના ચાબખા
- અમેરિકા: રાષ્ટ્રપતિની ચૂંટણીના સર્વેમાં ડોનાલ્ડ ટ્રમ્પે હાલના રાષ્ટ્રપતિ બાઈડનને છોડી દીધા પાછળ
- જેલમાં બંધ નરગિસ વતી તેના બાળકો નોબેલ પ્રાઈઝ સ્વીકારશે, 31 વર્ષથી ઈરાનની જેલમાં છે નરગિસ
- Vishnu Deo Sai / જાણો છત્તીસગઢના નવા મુખ્યમંત્રી વિષ્ણુદેવ સાય વિશે
- વિષ્ણુદેવ સાય બનશે છત્તીસગઢના નવા મુખ્યમંત્રી, મોદી સરકારમાં રહી ચુક્યા છે મંત્રી