GSTV

જી20 શિખર સંમેલન/ પીએમ મોદી પાંચ દિવસના ઇટલી-બ્રિટન પ્રવાસે, અફઘાન સંકટ સહિત ઉઠાવશે આ મુદ્દા

મોદી

Last Updated on October 25, 2021 by Bansari

વડાપ્રધાન નરેન્દ્ર મોદી પાંચ દિવસના યુરોપ પ્રવાસ દરમિયાન ઈટાલીમાં ૩૦મી ઑક્ટોબરથી શરૂ થઈ રહેલી બે દિવસની જી-૨૦ સમિટમાં કોરોના મહામારી અને ક્લાઈમેટ ચેન્જના પડકારો સામેની લડત, અફઘાનિસ્તાનમાં સ્થિતિનો સામનો કરવા સંયુક્ત વૈશ્વિક અભિગમ પર ભાર મૂકશે.

વડાપ્રધાન મોદી ૨૯ ઑક્ટો.થી બે નવે. સુધી ઈટાલી-બ્રિટનના પ્રવાસે

વડાપ્રધાન મોદીનો યુરોપ પ્રવાસ ૨૯મી ઑક્ટોબરથી શરૂ થશે અને બીજી નવેમ્બરે તેઓ સ્વદેશ પરત ફરશે. આ સમયમાં તેઓ ૧૬મી જી-૨૦ની બેઠક અને કોપ-૨૬ની વર્લ્ડ લીડર્સ સમિટમાં હાજરી આપશે તેમ વિદેશ મંત્રાલયે જણાવ્યું હતું. અમેરિકાના પ્રવાસની સફળતા પછી મોદીનો યુરોપ પ્રવાસ પણ સફળ રહેવાની શક્યતા છે.

સૂત્રોએ જણાવ્યું હતું કે, ઈટાલીના વડાપ્રધાન મારિઓ ડ્રેઘીના આમંત્રણથી વડાપ્રધાન મોદી ૩૦-૩૧ ઑક્ટોબરે ૧૬મી જી-૨૦ બેઠકમાં ભાગ લેશે. વિદેશ મંત્રાલયે જણાવ્યું હતું કે, ભારત સૌપ્રથમ વખત વર્ષ ૨૦૨૩માં જી-૨૦ સમિટનું આયોજન કરશે. જી-૨૦ સમિટમાં વૈશ્વિક નેતાઓ કોરોના મહામારીમાંથી બેઠા થવું, ક્લાઈમેટ ચેન્જ અને વૈશ્વિક ગરીબી અને વિશ્વના અનેક ભાગોમાં અસમાનતા જેવા પડકારજનક મુદ્દાઓ અને તેના ઉકેલો અંગે ચર્ચા કરશે. અફઘાનિસ્તાનમાં હાલમાં પ્રવર્તતી સ્થિતિ અંગે પણ આ બેઠકમાં ચર્ચા થવાની અપેક્ષા છે.

મોદી

જી-૨૦ સમિટમાં પીએમ મોદી કોરોના મહામારી, વૈશ્વિક ગરીબી, વિશ્વમાં અસમાનતા જેવા પડકારજનક મુદ્દાઓ પર ચર્ચા કરશે

વડાપ્રધાન મોદી વિશ્વ જે પડકારોનો સામનો કરી રહ્યું છે તેની સામે લડવાનો ભારતનો દૃષ્ટિકોણ રજૂ કરે તેવી શક્યતા છે અને તેઓ અફઘાનિસ્તાનમાં પ્રવર્તમાન સ્થિતિ તેમજ કોરોના મહામારી અને ક્લાઈમેટ ચેન્જનો સામનો કરવાની સ્થિતિ અંગે સંયુક્ત અભિગમ અપનાવવા હાકલ કરે તેવી અપેક્ષા છે. પીએમ મોદી આઠમી જી-૨૦ બેઠકમાં હાજરી આપશે.

જી-૨૦ આંતરરાષ્ટ્રીય આર્થિક સહકાર માટેનું અગ્રણી વૈશ્વિક ફોરમ તરીકે ઊભરી આવ્યું છે. કોરોના મહામારીમાંથી સુધારા અને વૈશ્વિક સ્વાસ્થ્ય ગવર્નન્સની મજબૂતાઈના ક્ષેત્રો પર ધ્યાન રાખીને આ વખતે જી-૨૦ સમિટની થીમ ‘પીપલ, પ્લેનેટ, પ્રોસ્પેરિટી’ (લોકો, પૃથ્વી, સમૃદ્ધિ) છે.

વિદેશ મંત્રાલયે જણાવ્યું હતું કે, વડાપ્રધાન મોદી યુરોપના આ પ્રવાસ દરમિયાન ઈટાલીમાં ડ્રિઘે અને બ્રિટનના વડાપ્રધાન બોરીસ જોન્સન સહિત કેટલાક દેશો સાથે દ્વિપક્ષીય બેઠકમાં પણ ભાગ લેશે. રોમથી મોદી પેરીસમાં ૩૧મી ઑક્ટોબરથી ૨ નવેમ્બર વચ્ચે ૨૬મી કોન્ફરન્સ ઓફ પાર્ટીસ (સીઓપી-૨૬)ની વર્લ્ડ લીડર્સ સમિટમાં ભાગ લેશે. સંયુક્ત રાષ્ટ્રની આ બેઠકમાં ૧૨૦ દેશોથી વધુની સરકારોના વડા ભાગ લેશે. આ વખતે વડાપ્રધાન નરેન્દ્ર મોદી સીઓપી-૨૬ દરમિયાન બ્રિટનના વડાપ્રધાન બોરિસ જોન્સન સહિત કેટલાક દેશોના વડાઓ સાથે દ્વિપક્ષીય બેઠક યોજશે. આ બેઠકમાં બંને દેશો વચ્ચે વેપાર વધારવા પર ભાર મુકાશે.

Read Also

Related posts

અમેરિકાએ કહ્યું- નવા વેરિઅન્ટની માહિતી ભેગી કરવામાં બે અઠવાડિયા લાગશે, પરંતુ જરૂરી છે બૂસ્ટર શોટ

Vishvesh Dave

શિયાળુ સત્ર / Bitcoinને લઈ નિર્મલા સિતારમણનું મોટું નિવેદન, કહ્યું- સરકાર બિટકોઈન લેવડ-દેવડ…

Zainul Ansari

મહત્વના સમાચાર / ઓમિક્રોન વેરિયન્ટને લઈને કેન્દ્ર સરકાર બની સતર્ક, નજીકના ભવિષ્યમાં થશે વેક્સિનને લઈને નવી પોલિસી લાગુ

Zainul Ansari
Do NOT follow this link or you will be banned from the site!