GSTV
Gujarat Government Advertisement

મોદી સરકારની દિવાળી ભેટ: જૉબ અને ઘર ખરીદવા પર ટેક્સ છૂટ, આમ આદમી માટે રાહત પેકેજમાં થયા આ મોટા એલાન

રાહત

Last Updated on November 12, 2020 by Bansari

દિવાળી પહેલા જ ત્રીજા રાહત પેકેજની ઘોષણા સાથે સરકારે આમ આદમીને એક ખાસ ભેટ પણ આપી છે. સરકારની આ જાહેરાત અર્થતંત્રની ગતિ વધારવામાં પણ મદદ કરશે. નાણાં પ્રધાન નિર્મલા સીતારમણે આજના ‘આત્મનિર્ભર ભારત 3.0.’ ની ઘોષણામાં રોજગાર વધારવા પર વિશેષ ભાર મૂક્યો હતો. સરકારે કૃષિ ક્ષેત્ર અને ઘર ખરીદનારાઓ માટે પણ જાહેરાત કરી હતી. ચાલો જાણીએ આજની ઘોષણામાં સામાન્ય માણસ માટે શું ખાસ છે.

આત્મનિર્ભર ભારત રોજગાર યોજનાની ઘોષણા

રાહત

આ યોજના 1 ઓક્ટોબર 2020 થી લાગુ માનવામાં આવશે અને આગામી બે વર્ષ માટે રહેશે. જો કોઈ નવો કર્મચારી ઇપીએફઓ અંતર્ગત નોંધાયેલ સંસ્થામાં કામ કરવાનું શરૂ કરે છે અને તેનો પગાર 15,000 રૂપિયા કે તેથી ઓછો છે, તો તેને આ યોજનાનો લાભ મળશે. સાથે જ જેમણે 1 માર્ચ 2020 થી 30 સપ્ટેમ્બર 2020 સુધીમાં નોકરી ગુમાવી હતી અને તેઓને 1 ઓક્ટોબર પછી ફરીથી રોજગાર મળ્યો હશે, તેઓને આ સરકારી યોજનાનો લાભ મળશે. આવા કર્મચારીઓનો પગાર દર મહિને 15,000 રૂપિયા કરતા ઓછો હોવો જોઈએ.

પીએમ આવાસ યોજના (શહેરી) માટે રૂ. 18,000 કરોડની ઘોષણા:

હવે સરકારે 2020-21ના બજેટના અંદાજ ઉપરાંત પ્રધાનમંત્રી આવાસ યોજના (શહેરી) હેઠળ રૂ. 18,000 કરોડ આપવાની જાહેરાત કરી છે. આ વર્ષની શરૂઆતમાં આ યોજના હેઠળ રૂ .8,000 કરોડ જાહેર કરવામાં આવ્યા છે. સરકારની આ ઘોષણા સાથે 12 લાખ નવા મકાનો બનાવવાની શરૂઆત કરવામાં આવશે અને 18 લાખ મકાનોનું બાંધકામ પૂરુ કરવામાં આવશે. આ સિવાય સરકારને આશા છે કે 78 લાખ નવી રોજગારની તકો ઉભી થશે. તે જ સમયે, 25 લાખ મેટ્રિક ટન સ્ટીલ અને 131 લાખ મેટ્રિક ટન સિમેન્ટનો વપરાશ કરવામાં આવશે.

PMGKY માટે 10 હજાર કરોડ રૂપિયા આપવાની જાહેરાત:

સરકારે પ્રધાન ગરીબ કલ્યાણ યોજના હેઠળ વધારાના 10,000 કરોડ રૂપિયા આપવાની જાહેરાત કરી છે. આવકવેરા રાહત તરીકે સરકારે આની જાહેરાત કરી છે. આવાસના ક્ષેત્રમાં, બિલ્ડર અને ખરીદનાર બંનેને આ લાભ મળશે. જ્યારે મકાન વેચવામાં સર્કલ રેટ અને વેલ્યુ રેટમાં 10 ટકાનું ડિસ્કાઉન્ટ વધારીને 20 ટકા કરાયું છે. એટલે કે, ઘટતી મિલકત કિંમત હોવા છતાં, જો સર્કલ રેટને કારણે કોઈ મકાન વેચી શકાતું નથી, તો ત્યાં 20 ટકા છૂટ છે, જેથી ઘર વેચી શકાય અને લોકો રજિસ્ટ્રી કરાવી શકે. આ યોજના 30 જૂન 2021 સુધી લાગુ રહેશે.

ખાતર સબસિડીની જાહેરાત:

કિસાન

કૃષિ ક્ષેત્રને રાહત આપતી વખતે નાણાં પ્રધાને આજે ખાતર સબસિડીની જાહેરાત કરી છે. સરકારે કહ્યું કે તે ખાતરની સબસિડી તરીકે 65,000 કરોડ રૂપિયા આપશે. આનાથી ખેડુતોને ઓછા દરે ખાતર ઉપલબ્ધ થશે.

કોરોનાવાયરસ ક્ષેત્રે સંશોધન માટે 900 કરોડ રૂપિયા:

કોરોના વાયરસ ક્ષેત્રે સંશોધન કરતી કંપનીઓને પ્રોત્સાહિત કરવા 900 કરોડ રૂપિયાની જાહેરાત કરવામાં આવી છે. આ રકમ સંશોધન કરતી કંપનીઓને નહીં પરંતુ રસી ઉત્પાદકને આપવામાં આવશે. આનો લાભ બાયોટેકનોલોજી કંપનીઓને મળશે.

Read Also

Gujarat Government Advertisement

Related posts

અમદાવાદ રેલ્વે પોલીસને મળી સફળતા, 65 લાખના મોબાઈલ અને 47 બિયર પાર્સલમાંથી ઝડપી પડયા

pratik shah

વટવા જીઆઇડીસી ખાતે શરૂ કરાયો ફેન્ટમ કેટાલીટીક રીએક્ટર’ પ્લાન્ટ, 100% વેસ્ટ વોટરના નિકાલની પરિકલ્પના સિદ્ધ થશે

Pritesh Mehta

ખુલાસો / બીજે વાટલિંગ બાદ વધુ એક દિગ્ગજ ખેલાડીનું મોટું નિવેદન, જાણો ક્યારે લઇ શકે છે સંન્યાસ!

Dhruv Brahmbhatt
Do NOT follow this link or you will be banned from the site!