GSTV
Home » News » મોદીની શપથવિધીમાં ગુજરાતના 400 મહેમાનોને આમંત્રણ, જાણો કોને લાગી છે લોટરી

મોદીની શપથવિધીમાં ગુજરાતના 400 મહેમાનોને આમંત્રણ, જાણો કોને લાગી છે લોટરી

આવતીકાલે દિલ્હીમાં યોજાનારી પદનામિત પીએમ નરેન્દ્ર મોદીની શપથવિધિમાં ગુજરાતના 400 મહેમાનોને આમંત્રણ આપવામાં આવ્યું છે. સીએમ, ડેપ્યુટી સીએમ, પ્રધાનો ઉપરાંત વિવિધ નિગમોના ચેરમેન હાજર રહેશે. આ ઉપરાંત ગુજરાતના ભાજપના તમામ સાંસદો અને ધારાસભ્યોને આમંત્રણ આપવામાં આવ્યું છે. આ ઉપરાંત ભાજપ તમામ ટીમને પણ આમંત્રણ અપાયું છે. તમામ જીલ્લામાંથી ભાજપના જીલ્લા પ્રમુખ અને જીલ્લા મહામંત્રી પણ હાજરી આપશે.

દિલ્હીમાં આવતી કાલે દેશમાં નવી સરકારની તાજપોશી થવાની છે. ચૂંટણીમાં પ્રચંડ બહુમત બાદ નરેન્દ્ર મોદી બીજી વખત વડાપ્રધાન પદના શરથ ગ્રહણ કરશે. રાષ્ટ્રપતિ ભવનમાં આયોજિત કાર્યક્રમમાં દેશના તમામ રાજ્યના સીએમ અને રાજ્યપાલને આમંત્રણ આપવામાં આવ્યુ છે.

modi cabinet

આ ઉપરાંત વિપક્ષના નેતા, કોંગ્રેસ અધ્યક્ષ રાહુલ ગાંધી, ટીએમસી અધ્યક્ષ મમતા બેનર્જી, કર્ણાટકના સીએમ કુમાર સ્વામી અને દિલ્હીમાં આમ આદમી પાર્ટીના પ્રમુખ અરવિંદ કેજરીવાલ પણ શપથ ગ્રહણ સમારોહમાં સામેલ થવાના છે.

સૂત્રોના જણાવ્યા પ્રમાણે શપથ ગ્રહણ સમારોહમાં પૂર્વ પીએમ અને પૂર્વ રાષ્ટ્રપતિને પણ આમંત્રણ આપવામાં આવ્યુ છે. રાષ્ટ્રપતિ રામનાથ કોવિંદ રાષ્ટ્રપતિ ભવનમાં નરેન્દ્ર મોદીને સાંજે સાત વાગ્યે શપથ ગ્રહણ કરાવશે. આ ઉપરાંત નરેન્દ્ર મોદી સાથે નવા મંત્રીઓ પર શપથ ગ્રહણ કરશે.

PM મોદીના શપથ ગ્રહણમાં હાજર રહેશે મમતા બેનર્જી

ચૂંટણી દરમિયાન પ્રચાર રેલીઓમાં પશ્ચિમ બંગાળના મુખ્ય પ્રધાન મમતા બેનરજી અને નરેન્દ્ર મોદી વચ્ચે ભારે તકરાર જોવા મળી હતી. એક રેલીમાં મમતાએ કહ્યું હતું કે નરેન્દ્ર મોદીની વડા પ્રધાન તરીકેની એક્સ્પાયરી ડેટ પુરી થઇ ગઇ છે.

બાદમાં મોદીએ કહ્યું હતું કે મમતા મને વડા પ્રધાન તરીકે સ્વીકારવા જ તૈયાર નથી. હવે એવા અહેવાલો છે કે નરેન્દ્ર મોદી જ્યારે ૩૦મીએ શપથ ગ્રહણ કરવાના છે તેમાં દરેક પક્ષોને આમંત્રણ આપવામાં આવ્યું છે જેમાં મમતા બેનરજીનો પણ સમાવેશ થાય છે. મમતા બેનરજી પણ મોદીની શપથ વીધીમાં હાજર રહેશે. 

એવા અહેવાલો છે કે ૩૦મીએ મોદીની શપથવીધી છે ત્યારે મમતા બેનરજી એક દિવસ અગાઉ જ દિલ્હી પહોંચી જશે અને શપથવીધીમાં સામેલ પણ થશે. પશ્ચિમ બંગાલમાં ભાજપ પહેલી વખત ૧૮ બેઠક જીતી લાવ્યું છે જ્યારે મમતા અને અન્ય પક્ષોને ફટકો પડયો છે.

mamta PM modi

આ સ્થિતિ વચ્ચે હવે પશ્ચિમ બંગાળમાં ભાજપનું પણ કદ વધી ગયું છે. મમતા ઉપરાંત તમામ મુખ્ય પ્રધાનોને પણ મોદીની શપથવીધીમાં આમંત્રણ આપવામાં આવ્યું છે, સાથે રાજ્યપાલો અને નેતાઓ પણ હાજર રહે તેવી શક્યતાઓ છે. મમતા બેનરજીની સાથે પશ્ચિમ બંગાળના રાજ્યપાલ પણ જોડાશે. 

મમતાએ જણાવ્યું હતું કે મે અન્ય કેટલાક મુખ્ય પ્રધાનોની સાથે વાતચીત કરી છે અને હુ પણ શપથવીધીમાં જોડાઇશ. બીજી તરફ મમતા બેનરજીના પક્ષમાંથી બે ધારાસભ્યોએ રાજીનામા આપીને ભાજપમાં જોડાઇ ગયા છે, જેને પગલે આ અંગે નિવેદન આપતા ટીએમસીએ જણાવ્યું હતું કે જનતા આ પ્રકારના નેતાઓને જવાબ આપશે, જહાજમાં ભય જોઇને સૌથી પહેલા તેમાં શરણ લીધેલા ઉંદરો જ ભાગે છે. સારુ થયું કે તેઓ પક્ષમાંથી જતા રહ્યા.

Read Also

Related posts

મુખ્યમંત્રી વિજય રૂપાણી એ પાણી મુદ્દે જે કહ્યું તેનાથી તમે ખુશ થઈ જશો

Dharika Jansari

અમેઠીની એક મહિલા પ્રધાનને સંસદનો પ્રવાસ કરાવ્યો સ્મૃતિ ઇરાનીએ

NIsha Patel

આનંદીબેન પટેલ ઉત્તર પ્રદેશના નવા રાજ્યપાલ, આ 6 રાજ્યોના રાજ્યપાલ બદલાયા

Mayur
Do NOT follow this link or you will be banned from the site!