GSTV

આર્ટિકલ 370 પર જીત બાદ નતમસ્તક થયા અમિત શાહ, PM મોદીએ થપથપાવી પીઠ

રાજ્યસભામાં જમ્મૂ-કાશ્મીર પુન:ગઠન બિલ પાસ કર્યા બાદ પ્રધાનમંત્રી નરેન્દ્ર મોદીએ પીઠ થપથપાવીને ગૃહમંત્રી અમિત શાહની પ્રસંશા કરી છે. રાજ્યસભામાં ગૃહમંત્રીએ સવાલોનાં જવાબ આપ્યા હતા અને બાદમાં બિલને પાસ કરી દીધુ હતુ. બિલ પાસ થયા બાદ રાજ્યસભાની કાર્યવાહી સ્થગિત કરી દેવામાં આવી હતી. કાર્યવાહી સ્થગિત થતા જ અમિત શાહ પીએમ મોદીનો હાથ પકડીને નતમસ્તક થયા હતા. ત્યારબાદ પીએમ મોદીએ અમિત શાહની પીઠ થપથપાવી હતી.

પીએમ મોદીએ ટ્વીટ કરીને અમિત શાહને અભિનંદન પાઠવ્યા હતા. પીએમએ લખ્યુ, ગૃહમંત્રી અમિત શાહનું રાજ્યસભામાં ભાષણ વ્યાપક અને વ્યવહારિક હતુ. તેમણે પોતાનાં ભાષણમાં અતીતનાં અન્યાયને ઉજાગર કર્યો હતો. અને જમ્મૂ-કાશ્મીરના ભાઈ-બહેનો માટે પોતાનાં વલણને પ્રસ્તુત કર્યુ હતુ.

જ્યારે પૂર્વ વિદેશ મંત્રી અને ભાજપના વરિષ્ઠ નેતા સુષમા સ્વરાજે પણ રાજ્યસભામાં ભાષણ માટે અમિત શાહને અભિનંદન પાઠવ્યા હતા. સુષ્મા સ્વરાજે ટ્વીટ કર્યુ, ગૃહમંત્રી અમિત શાહજીને ઉત્કૃષ્ટ ભાષણ માટે બહુજ અભિનંદન.

પૂર્વ નાણામંત્રી અરૂણ જેટલીએ પણ ટ્વીટ કર્યુકે, પ્રધાનમંત્રી નરેન્દ્ર મોદી અને ગૃહમંત્રી અમિતશાહને ઈતિહાસમાં એક જગ્યા અર્જિત કરી છે. આજે તેમણે જે સ્પષ્ટતા અને દ્રઢ સંકલ્પ દેખાડ્યો છે. તે સાબિત કરે છેકે, મોદી છે તો શક્ય છે. આખા દેશને અભિનંદન.

જ્યારે બીજેપીનાં કાર્યકારી અધ્યક્ષ જેપી નડ્ડાએ સંવિધાનના આર્ટિકલ 370 અને 35A નિરસ્ત કરવા માટે ઐતિહાસિક નિર્ણય માટે પ્રધાનમંત્રી મોદી અને ગૃહમંત્રી અમિત શાહનાં વખાણ કર્યા છે. જેપી નડ્ડાએ કહ્યુકે, આજનો દિવસ સ્વર્ણ અક્ષરોમાં અંકિત કરવામાં આવશે. જ્યારે ભારતની એકતા અને અખંડતાને પુનસ્થાપિત કરવા માટે સંવિધાનના આર્ટિકલ 370 અને 35Aને નિરસ્ત કરવાનો સંકલ્પ લાવીને કાશ્મીરને પૂર્ણરૂપે વિકાસની ધારાની સાથે જોડવાનો માર્ગ ચોખ્ખો કરાયો છે.

READ ALSO

Related posts

સ્થાનિક સ્વરાજની ચૂંટણી/ કોંગ્રેસને પક્ષપલ્ટાનો ડર, ‘પક્ષ છોડીને જઇશું નહીં’ તેવી બાંહેધરી બાદ જ વિપક્ષ ફાળવશે ટિકિટ

pratik shah

હવે ઘરે બેઠા જ ઉપાડી શકાશે પૈસા, આ સરકારી બેન્ક લઇને આવી છે Door Step Banking સુવિધા

Mansi Patel

હેવાનિયત/ કિશોરીનું અપહરણ કરી નરાધમોએ બે વાર ગુજાર્યો ગેંગરેપ, યુપીમાં પાંચ વર્ષની બાળકી પર દુષ્કર્મ

Bansari
Do NOT follow this link or you will be banned from the site!