GSTV

કેન્દ્ર સરકારે 50 લાખ ખેડૂતોના પૈસા રોકી દીધા: વડાપ્રધાનની યોજનાના જમા નહીં થાય રૂ.6000, ચેક કરી લો તમારું નામ તો નથી ને!

ખેડૂતો

વડાપ્રધાન કિસાન સન્માન નિધિ યોજનામાં રાજ્ય સરકારોએ આ યોજના હેઠળ 47,05,837 ખેડૂતોની ચુકવણી અટકાવી છે. ઘણાં રાજ્યોમાં આ યોજનાને લઈને અધિકારીઓએ કરેલા ભ્રષ્ટાચારના કેસ પણ સામે આવ્યા છે. આ ખેડૂતોનો રેકોર્ડ કાંતો શંકાસ્પદ છે અથવા આધાર અને બેંક ખાતાના નામના જોડણીમાં કોઈ ફરક છે. નામ, મોબાઇલ નંબર અને બેંક એકાઉન્ટ નંબરમાં મોટો ફેર છે. કેટલાક એકાઉન્ટ્સ નંબર અમાન્ય હોવાનું એક કારણ છે. આવકના રેકોર્ડ અને ખેડૂત પરિવારોને ઓળખવાની રાજ્યોની જવાબદારી છે. કેન્દ્ર સરકાર 6000 રૂપિયા આપે છે જેના રેકોર્ડ પર રાજ્ય સરકાર સ્ટેમ્પ્સ લગાવે છે.

રાજ્ય સરકારો તેમના ખેડૂતોના ડેટાની ચકાસણી કરે છે અને કેન્દ્રમાં મોકલે છે, ત્યારે પૈસા મોકલવામાં આવે છે. કેન્દ્ર સરકાર સીધો પૈસા મોકલતી નથી.તમિળનાડુમાં થયેલા કૌભાંડ બાદ, કેન્દ્રએ સ્પષ્ટ કર્યું છે કે, ખેડુતોની ઓળખ કરવી એ રાજ્યોનું કામ છે. તમિળનાડુની ક્રાઇમ બ્રાંચે કૌભાંડને લગતા કેસ નોંધ્યા છે અને આ કેસમાં 16 આરોપીની અટકાયત કરવામાં આવી છે. જિલ્લા અને બ્લોક કક્ષાના પીએમ કિસાન લોગિન આઈડી અક્ષમ કરવામાં આવી છે. આ કેસમાં અત્યાર સુધીમાં 47 કરોડની રકમ વસૂલવામાં આવી છે. એવા અહેવાલ મળ્યા છે કે કેટલાક કર્મચારીઓએ આ ભંડોળમાંથી ખોટી રીતે 110 કરોડ રૂપિયા બહાર કાઢ્યા હતા.

પૈસા કેવી રીતે મોકલવા

ખેડૂતોને મદદ કરવા માટે કેન્દ્ર સરકાર પ્રધાનમંત્રી કિસાન સન્માન નિધિ યોજના હેઠળ તેમના ખાતામાં વર્ષે 6000 રૂપિયા મોકલે છે. તે કેન્દ્ર સરકારની 100 ટકા ભંડોળવાળી યોજના છે. પરંતુ મહેસૂલના રેકોર્ડની ચકાસણી રાજ્યો દ્વારા કરવાની રહેશે કારણ કે તે રાજ્યનો વિષય છે. જ્યારે રાજ્ય સરકારો તેમના ખેડૂતોના ડેટાની ચકાસણી કરે છે અને કેન્દ્રમાં મોકલે છે, ત્યારે પૈસા મોકલવામાં આવે છે. કેન્દ્ર સરકાર સીધા પૈસા મોકલતી નથી. એવું કહેવામાં આવ્યું છે કે રાજ્યો દ્વારા મોકલેલા ડેટાના આધારે પૈસા પહેલા રાજ્યોના ખાતામાં જાય છે. તે પછી રાજ્યના ખાતામાંથી નાણાં ખેડૂતો સુધી પહોંચે છે.

Related posts

ઉંઝા ઉમિયા માતાજી સંસ્થાનને મળ્યું ઐતિહાસિક ભૂમિ દાન, 253 વીઘા જમીન મળી દાનમાં

Pravin Makwana

સુરત/ દારૂની રેઇડના પગલે કડોદરા GIDC પોલીસ સ્ટેશનના PIને DGPએ કર્યા સસ્પેન્ડ

Pravin Makwana

જખૌ ખાતેથી ચરસની દાણચોરી ઝડપાઈ, 1 કિલોના પાંચ પેકેટ મળી આવ્યા

Pravin Makwana
Do NOT follow this link or you will be banned from the site!