જો પેટ્રોલમાંથી ટેક્સ અને ડીલર્સનું કમિશન બાદ કરવામાં આવે તો દિલ્હી-એનસીઆરમાં એક લીટર પેટ્રોલ માટે એક સામાન્ય માણસે ફક્ત 34 રૂપિયા જ ચુકવવા પડે. લોકસભામાં કરવામાં આવેલા સવાલના જવાબમાં નાણા રાજ્ય મંત્રી શિવ પ્રચાપ શુક્લએ જણાવ્યું કે એક લીટર પેટ્રોલ પર ટેક્સ અને ડીલર કમિશન 96.9 ટકા પડે છે. તેવામાં ડીઝલ પર તે 60.3 ટકા છે. તમને જણાવી દઇએ કે પેટ્રોલ-ડીઝલની વધતી કિંમતોનો ઉકેલ લાવવા માટે સરકારે ઓક્ટોબરમાં ફ્યૂલની કિંમત પર એક્સાઇઝ ડ્યૂટી ઘટાડી હતી.
સરકારને થાય છે ઢગલો કમાણી
એક અન્ય સવાલના જવાબમાં નાણા મંત્રીએ જણાવ્યું કે કેન્દ્ર સરકારે ગત નાણાકીય વર્ષ દરમિયાન પેટ્રોલ પર 73,516.8 કરોડ રૂપિયા અને ડીઝલ પર 1.5 લાખ કરોડ રૂપિયાની એક્સાઇઝ ડ્યૂટી એકત્ર કરી છે. તમને જણાવી દઇએ કે પેટ્રોલ અને ડીઝલની કિંમતો, જે બજાર નિર્ધારિત છે, તે દૈનિક ધોરણે બદલાય છે.
આ રીતે સમજો
19 ડિસેમ્બરે પેટ્રોલનો રિટેલ ભાવ 70.63 રૂપિયા પ્રતિ લીટર હતો. તેમાં 17.98 રૂપિયા સેન્ટ્રલ એક્સાઇઝ ડ્યૂટી, 15.02 રાજ્ય વેટ અને ડીલરના 3.59 રૂપિયા કમિશન સામેલ હતુ.
આ જ રીતે ડીઝલની વાત કરીએ તો રિટેલ રેટ 64.54 રૂપિયા (13.83 રૂપિયા સેન્ટ્રલ એક્સાઇઝ ડ્યૂટી, 9.51 રૂપિયા સ્ટેટ વેટ અને 2.53 રૂપિયા ડીલર કમિશન) હતુ.
Read Also
- પાકિસ્તાનના લોકોની મુશ્કેલીનો અંત આવતો નથી, બીજી બાજુ મોંઘવારી કૂદકેને ભૂસકે વધી રહી છે
- અમદાવાદમાં મચ્છરોના બ્રીડિંગ મળી આવતા 16 હોસ્પિટલો સહિતના 36 એકમો દંડાયા
- એમેઝોને ભૂલથી ૧૩,૦૦૦ ડોલરનો કેમેરા લેન્સ માત્ર ૯૪ ડોલરમાં વેંચ્યો!
- દિલ્હીમાંથી રૂ. ૬૦૦ કરોડનું ૧૫૦ કિલો હેરોઇન જપ્ત : પાંચની ધરપકડ
- અમેરિકામાં માનવતસ્કરી કરનાર ગુજરાતી મહિલાને ત્રણ વર્ષની સજા અને લાખો ડોલર દંડ