GSTV
Home » News » પેટ્રોલ-ડીઝલના ભાવમાં થશે ભડકો, ક્રૂડ ઓઇલના ભાવ આસમાને

પેટ્રોલ-ડીઝલના ભાવમાં થશે ભડકો, ક્રૂડ ઓઇલના ભાવ આસમાને

ઈરાન સાથે પરમાણુ સંધિ રદ્દ કર્યા પછી ચીન અને ભારત જેવા દેશોને ઈરાનનું ક્રુડ તેલ ખરીદવાની છૂટ ઉપર હવે અમેરિકા પ્રતિબંધ લાદી શકે છે એવા અહેવાલો વચ્ચે ક્રુડ ઓઈલના ભાવ ત્રણ ટકા વધી ગયા છે. જે દેશ અમેરિકા આ છૂટ હટાવે પછી પણ ક્રુડ ઓઈલ ખરીદવાનું ચાલુ રાખશે તેના ઉપર પણ અમેરિકા આર્થિક પ્રતિબંધ લાદી શકે છે.

ક્રુડ ઓઈલના ભાવમાં વધારો એ ભારત માટે વધારે ચિંતાજનક છે. ભારત પોતાની જરૂરીયાતના ૮૦% ક્રુડ ઓઈલની આયાત કરે છે. આ સ્થિતિમાં ભાવ વધે તો ભારતમાં પેટ્રોલ, ડીઝલ અને અન્ય ઇંધણના ભાવ પણ વધશે. ભારતમાં મોંઘવારી વધશે અને રૂપિયો પણ નબળો પડશે. સોમવારે ભારતનો રૂપિયો એક ડોલર સામે ૪૧ પૈસા ઘટી ૬૯.૭૭ થઇ ગયો હતો.

અત્રે ઉલ્લેખનીય છે કે ભારતમાં લોકસભાની ચુંટણી ચાલી રહી છે ત્યારે પેટ્રોલ અને ડીઝલના ભાવમાં ઉછાળો આવે તો શાસક પક્ષ માટેની ચિતાઓમાં ઉમેરો થશે. ભારતમાં પેટ્રોલ અને ડીઝલના ભાવ દૈનિક ધોરણે કંપનીઓ જાહેર કરે છે.

વૈશ્વિક બજારમાં બ્રેન્ટ વાયદો ૩.૨% વધી રૂ.૭૪.૩૦ થઇ ગયો હતો જે નવેમ્બર મહિના પછીની સૌથી ઉંચી સપાટી છે. અમેરિકન ટેક્સાસ વાયદો ૨.૯% વધી ૬૫.૮૭ ડોલર થયો છે.

નવેમ્બર મહિનામાં અમેરિકાએ ઈરાન સાથેની પરમાણુ સંધિ તોડી નાખી હતી. આ પછી છ મહિના સુધી ઈરાન પાસેથી ક્રુડ ઓઈલ રીદવા માટે અમેરિકાએ છૂટ આપી હતી. છૂટ મળેલી એવા દેશોમાં ચીન, ભારત, જાપાન, દક્ષીણ કોરિયા, તાઈવાન, તુર્કી, ઇટાલી અને ગ્રીસનો સમાવેશ થાય છે.

તા. ૨ મે પછી અમેરિકા ઈરાન પાસેથી ક્રુડ ઓઈલ ખરીદનારા દેશોને આવી કોઈ છૂટ આપવા માંગતું નથી. ઈરાના ક્રુડ ઓઈલ ખરીદનારા સૌથી મોટા દેશોમાં ચીન અને ભારતનો સમાવેશ થાય છે. ઈરાન ભારતને ૧૦% ડિસ્કાઉન્ટ ઉપર ક્રુડ ઓઈલ વેચે છે. ભારતની આયાત બંધ થાય અને ભારત સહિતના દેશોએ આંતરરાષ્ટ્રીય બજારમાંથી ખરીદી કરવી પડે તો ક્રુડ ઓઈલના ભાવ વધી શકે છે.

Read Also

Related posts

VIDEO : ચોરી કરવા આવેલા ચોરોને ડોશા-ડોશીએ ચપ્પલે ચપ્પલે સબોડી નાખ્યા, વીડિયો જોઈ હસી હસીને થઈ જશો લોટપોટ

Nilesh Jethva

ચીફ સેક્રેટરી ડો. સિંઘને છોટા ઉદેપુરના પ્રવાસ બાદ વાયરલ ઇન્ફેક્શન, સીએમે પણ જતાવી ચિંતા

Mayur

આ વીડિયો જોઈ દુનિયાભરના લોકો રહી ગયા દંગ, જ્યારે અજગરે કૂતરાને આરોગી બહાર કાઢ્યો અને જોયું તો…

Nilesh Jethva
Do NOT follow this link or you will be banned from the site!