GSTV

એક હજાર લોકોના બળજબરીથી ધર્માંતરણ, અનેક રાજ્યોમાં નેટવર્ક ફેલાયેલું હોવાનો પોલીસનો દાવો

ધર્માંતરણ

Last Updated on June 22, 2021 by Damini Patel

ઉત્તર પ્રદેશ એન્ટી ટેરેરિસ્ટ સ્ક્વોડ (એટીએસ)એ સોમવારે દાવો કર્યો હતો કે તેમણે રાષ્ટ્રીય સ્તરે ચાલતા સામૂહિક ધર્માંતરણ રેકેટનો પર્દાફાશ કર્યો છે. આ સાથે જ પોલીસે બે શખ્સોની ધરપકડ કરી છે. જેમના નામ ઉમર ગૌતમ અને જહાગીર આલમ છે. બન્ને દિલ્હીના જામિયા નગરના રહેવાસી છે.

પોલીસનો દાવો છે કે આ બન્ને શખ્સો આંતરરાષ્ટ્રીય સ્તરેથી ફંડ પણ મેળવી રહ્યા હતા. તેઓનો મુખ્ય ટાર્ગેટ દિવ્યાંગો, મુકબધીરો, બાળકો અને મહિલાઓ હતી. જેઓનું આ બન્ને શખ્સો ધર્માંતરણ કરાવી રહ્યા હતા. આરોપ છે કે આ બન્નેએ અત્યાર સુધી કુલ એક હજાર જેટલા લોકોનું ધર્માંતરણ કરાવ્યું છે. આ જાણકારી એડીજી પ્રશાંત કુમાર દ્વારા પ્રેસ કોન્ફરન્સ કરીને આપવામાં આવી હતી.

વિવિધ લાલચ આપીને કરાવે છે ધર્માંતરણ

એડીજીએ જણાવ્યું કે વિપુલ વિજયવર્ગીય અને આસિફની ધરપકડ થઇ હતી. જેમની પૂછપરછ બાદ અન્ય જાણકારી બહાર આવી હતી. આ બન્ને શખ્સો પાસેથી મળેલી માહિતીના આધારે એક મોટી ગેંગનો પર્દાફાશ થયો હતો કે જે ધર્માંતરણ કરાવવાનું કામ કરતી હતી. લોકોને વિવિધ પ્રકારની લાલચ આપીને તેમનું ધર્માંતરણ કરાવવાનું કામ આ ગેંગ કરે છે.

જેમાં મુખ્ય નામ ઉમર ગૌતમ અને જહાગીર આલમ છે. આ બન્ને શખ્સો જામિયાનગરના રહેવાસી છે. ગૌતમે પણ પોતાનું ધર્મ પરિવર્તન કરાવ્યું હતું. તેમની પાસેથી એક હજાર લોકોની યાદી મળી આવી છે કે જેઓનું લાલચ આપી ધર્માંતરણ કરાવવામાં આવ્યું હતું. આ શખ્સો નબળા વર્ગના લોકોને પૈસા વગેરેની લાલચ આપતા અને લલચાવીને ધર્માંતરણ કરાવતા હતા. આ માટે તેમને વિદેશી સંસ્થાઓ પાસેથી સહાય પણ મળતી હતી. નોઇડા, કાનપુર, મથુરા વગેરે સ્થળોએ તેમની ગેંગ સક્રિય છેે.

Read Also

Related posts

મેટ્રોમાં સફર કરવા વાળા માટે મોટી રાહત! હવે 100% ક્ષમતા સાથે ચાલશે, પેરંતુ આ લોકો પર પ્રતિબંધ

Damini Patel

પહેલો સગો પાડોશી: મુશ્કેલીના સમયમાં ભારતે કરી મદદ, 200 ટન ઓક્સિજન ભરેલી આખી ટ્રેન બાંગ્લાદેશ મોકલાવી

Pravin Makwana

ભારતીય સૈન્યની ચીની દળોને અંકુશમાં રાખવા પૂર્વ લદ્દાખ ક્ષેત્રમાં લગભગ 50,000 દળોને ગોઠવ્યા

Damini Patel
Do NOT follow this link or you will be banned from the site!