Last Updated on August 4, 2018 by Karan
મગફળીમાં માટી ભેળવવાના કૌભાંડનો જીએસટીવીએ પર્દાફાશ કર્યા બાદ હચમચી ગયેલી રાજ્ય સરકારે કૌભાંડ મામલે ધરપકડોનૌ દૌર શરૂ કર્યો છે. મગફળી કૌભાંડ મામલે મોટી ધણેજ સહકારી મંડળીના 18 સભ્યો સહિત 22 લોકોની ધરપકડ કરવામાં આવતા કૌભાંડીઓમાં ફફડાટ ફેલાયો છે. પોલીસ દ્વારા ઝડપાયેલા આરોપીઓમાં નાફેડ તેમજ ગુજકોટના 2-2 અધિકારીઓનો પણ સમાવેશ થાય છે. રાજકોટ ગ્રામ્ય પોલીસે તમામ લોકોની મોરબી તેમજ ટંકારાથી ધરપકડ કરી છે. કૌભાંડમાં સંડોવાયેલા 22 શખ્સોની પોલીસે ધરપકડ કરી છે. જેમાં નાફેડના ચેરમેન વાઘજી બોડાનો કૌટુંબિક ભત્રીજો રોહિત બોડા, સૌરાષ્ટ્ર વેરહાઉસના મેનેજર મગન જાલાવડિયા, ધણેજ સહકારી મંડળીના પ્રમુખ કાળુભાઇ, 4થી વધુ અધિકારીઓ અને સહકારી મંડળીના 15થી વધુ શખ્સોનો સમાવેશ થાય છે.
મહત્વનું છે કે મગફળી કૌભાંડ સામે લાવ્યા બાદ જીએસટીવી આ કૌભાંડમાં નાફેડ તેમજ સહકારી મંડળીઓના અધિકારીઓની મિલિભગત હોવાનું જણાવતું આવ્યું છે. ત્યારે પોલીસ દ્વારા મોટી ધણેજ સહકારી મંડળીના પ્રમુખ, ઉપપ્રમુખ અને મંત્રી સહિતના સભ્યોની સંડોવણી સામે આવતા જીએસટીવીના અહેવાલને સમર્થન મળ્યું છે. સૌથી મહત્વની વાત એ છે કે કૌભાંડ મુદ્દે ફરિયાદ દાખલ કરનાર ગુજકોટ વેરહાઉસના મેનેજર મગન ઝાલાવડીયા જ આરોપી નીકળ્યા છે. સરકાર તરફથી મગફળીકાંડ મુદ્દે ફરિયાદ દાખલ કરવાના આદેશ આપવામાં હોવા છતાં મગન ઝાલાવડીયાએ ફરિયાદ દાખલ કરાવવામાં નિષ્ક્રિયતા દાખવી હતી. જોકે પોલીસની તપાસમાં અને પૂછપરછમાં નાફેડ અને ગુજકોટના અધિકારીઓ જ મગફળી કૌભાંડમાં સામેલ હોવાનું બહાર આવતા પોલીસે તમામને જેલના સળિયા પાછળ ધકેલી દીધા છે.
રાજકોટ ગ્રામ્યના જિલ્લા પોલીસ વડા બલરાજ મીણાએ મગફળી કાંડ મુદ્દે પ્રેસ કોન્ફરન્સ કરી કૌભાંડ મુદ્દે માહિતી આપી હતી. એસપીએ જણાવ્યું હતું કે પોલીસ દ્વારા ઝડપાયેલા તમામ આરોપીઓની પૂછપરછ શરૂ કરવામાં આવી છે. આ કૌભાંડમાં હજુ પણ અનેક મોટા માથાઓની સંડોવણી હોય તેવી શક્યતા સેવાઇ રહી છે. ત્યારે એસપી બલરાજ મીણાએ જણાવ્યું હતું કે આરોપીઓની પૂછપરછ બાદ જે કોઇના પણ નામ સામે આવશે તેની સામે કડક કાર્યવાહી કરવામાં આવશે. કૌભાંડમાં સંડોવાયેલા લોકો સામે સરકારે કડક પગલાં ભરવાના આદેશ આપ્યા છે. આથી કૌભાંડમાં સામેલ એક પણ વ્યક્તિને છોડવામાં આવશે નહીં તેમ એસપીએ જણાવ્યું હતું.
મગફળી કૌભાંડમાં પોલીસે પકડેલા આરોપીઓ
કાળા જેઠવા પ્રમુખ, મોટી ધણેજ સહકારી મંડળી
સોનીંગ જુજીયા ઉપ પ્રમુખ, ધણેજ સહકારી મંડળી
કૌશલ જેઠવા મંત્રી, મોટી ધણેજ સહકારી મંડળી
મુળુ જુજીયા સભ્ય, મોટી ધણેજ સહકારી મંડળી
રામ જેઠવા સભ્ય, મોટી ધણેજ સહકારી મંડળી
ખુમાણ જેઠવા સભ્ય, મોટી ધણેજ સહકારી મંડળી
સોનિંગ જેઠવા સભ્ય, મોટી ધણેજ સહકારી મંડળી
ઓલીંગ જેઠવા સભ્ય, મોટી ધણેજ સહકારી મંડળી
વિરેન્દ્ર કાનાબાર ટેબલ કામ સંભાળનાર, મોટી ધણેજ સહકારી મંડળી
મોઈન મલેક વ્યવસ્થા સંભાળનાર, મોટી ધણેજ સહકારી
મંડળવિક્રમ લાખાણી વહીવટી સાથે જોડાયેલા, મોટી ધણેજ સહકારી મંડળી
જીતુભાઈ બચુભાઈ સ્થાનિક
મગન ઝાલાવાડિયા મેનેજર,ગુજકોટ વેરહાઉસ
વિનોદ ટિલવા મેનેજર, ગુજરાત વેરહાઉસ કોર્પોરેશન
જિજ્ઞેશ ઉજટિયા જુનિયર ફિલ્ડ કર્મચારી, નાફેડ
રોહિત બોડા જુનિયર ફિલ્ડ પ્રતિનિધિ, નાફેડ
કેયુર ચૌહાણ મંડળીના ખરીદી સ્થળ પરના સર્વેયર
કાળા જુજીયા સભ્ય, મોટી ધણેજ સહકારી મંડળી
Read Also
- ડ્રગ્સ મામલે મોટા ખુલાસા/ નશાનો વેપાર કરવા માટે અપનાવતા હતા આ તરીકે, 8 લોકોની ધરપકડ
- ભાલ પંથકમાં ભારે તબાહી / નદીઓ બની ગાંડીતૂર તો ગામોમાં જવાના રસ્તા થયા બંધ, રાહતની માંગ
- ભાલ પંથકમાં પણ વરસાદે વેરી તારાજી, સરકારનો એક નિર્ણય સર્જે છે દર વર્ષે તબાહીના દ્રશ્યો
- મોટા સમાચાર / સોનુ સુદ ગુજરાતમાં એક્ટિવ, આપ નેતાઓ સાથે અમદાવાદની ખાનગી હોટેલમાં બંધ બારણે કરી બેઠક
- મરતા મરતા ચીંધી ગયા નવી રાહ / સુરતના વેપારીએ મૃત્યુ બાદ આપ્યું 6 લોકોને નવજીવન