શાહરૂખ ખાનની ‘પઠાણ’ વિશ્વભરમાં બોક્સ ઓફિસ પર ધમાકેદાર બિઝનેસ કરી રહી છે. પહેલા 7 દિવસમાં ફિલ્મે અન્ય દેશો સહિત ભારતમાં 634 કરોડ રૂપિયાની કમાણી કરી હતી. જો આપણે માત્ર ભારતની વાત કરીએ તો ફિલ્મે આઠ દિવસમાં 349.75 કરોડની કમાણી કરી છે. આઠમા દિવસે ફિલ્મનું કુલ કલેક્શન 665 કરોડને પાર કરી ગયું છે. ભારતની વાત કરીએ તો ‘પઠાણે’ 18 થી 19 કરોડ રૂપિયાનો બિઝનેસ કર્યો. આ ફિલ્મ સૌથી વધુ કમાણી કરનારી ફિલ્મોમાંની એક બની ગઈ છે.
જણાવી દઈએ કે ફિલ્મે એડવાન્સ બુકિંગથી જ 50 કરોડનું કલેક્શન કર્યું હતું. આ પછી પઠાણે 57 કરોડ સાથે ઓપનિંગ કર્યું. જે કોઈપણ ભારતીય ફિલ્મ માટે ગર્વની વાત છે. છેલ્લા ઘણા વર્ષોમાં બાહુબલી પછી, આ ફિલ્મ વિશ્વભરમાં 1000 કરોડનો આંકડો પાર કરનારી પ્રથમ ફિલ્મ બનવાની આશા છે.
પઠાણે માત્ર 8 દિવસમાં 665 કરોડની કમાણી કરી લીધી છે. આગામી દિવસોમાં પઠાણ આ રેકોર્ડ તોડી શકે તેવી આશા છે. અગાઉ નંબર વન પર આમિર ખાનની ફિલ્મ ‘દંગલ’ અને નંબર ટુ પર પ્રભાસની ‘બાહુબલી’ બેન્ચમાર્ક સેટિંગ ફિલ્મો હતી.
પઠાણ 25 જાન્યુઆરીએ વિશ્વભરના સિનેમાઘરોમાં રિલીઝ થઈ હતી. જે પહેલા દિવસથી બોક્સ ઓફિસ પર રાજ કરી રહી છે. પહેલા દિવસે 57.05 કરોડની કમાણી કર્યા બાદ ફિલ્મે બીજા દિવસે 70.05 કરોડનો બિઝનેસ કર્યો હતો. ફિલ્મે ત્રીજા દિવસે 39.25 કરોડ, ચોથા દિવસે 51 કરોડ, પાંચમા દિવસે 60.75 કરોડ, છઠ્ઠા દિવસે 25 કરોડ અને સાતમા દિવસે 20 થી 22 કરોડનો બિઝનેસ કર્યો હતો.
READ ALSO
- મોટા સમાચાર / રાજ્યમાં બિન હથિયારધારી 242 PSIને PI તરીકે અપાઈ બઢતી, જુઓ કોને અપાયું પ્રમોશન
- બોડકદેવ વિસ્તારમાં વાછરડાને વિખુટું પડતા બચાવવામાં આવ્યું, ખાખીએ ફરી માનવતા મહેકાવી
- સુરતમાં ફૂડ વિભાગ એક્શન મોડમાં : શહેરમાંથી 17 જગ્યાએથી ઘીના નમુના લઈને તપાસ અર્થે મોકલાયા
- આને કહેવાય માનવતા / સુરતમાં ટ્રાફિકમાં ફસાયેલી 108 એમ્બ્યુલન્સને તડકામાં દોઢ કિલોમીટર દોડીને યુવકે રસ્તો કરી આપ્યો
- મજબૂત માંગને કારણે ઓટો સેક્ટર ટોપ ગિયરમાં છે, આ શેરો આઉટપરફોર્મ કરી શકે છે