GSTV

દુનિયામાં પરમાણુ હથિયાર ઘટ્યાં પરંતુ ચીન અને પાક. સાથે મુકાબલા માટે ભારતે પણ વધારી તાકાત

Last Updated on June 15, 2021 by pratik shah

દુનિયામાં પરમાણુ હથિયાર ઘટી રહ્યાં છે પણ પરમાણુ શક્તિ સંપન્ન દેશ તેને વધુ ઘાતક બનાવી રહ્યાં છે. આ ખુલાસો સ્ટૉકહોમ આંતરરાષ્ટ્રીય શાંતિ અનુસંધાન સંસ્થાન(સિપ્રી)ના વાર્ષિક રિપોર્ટમાં થયો છે. સિપ્રી આંતરરાષ્ટ્રીય સ્તરે પરમાણુ હથિયારો પર નજર રાખનારી સંસ્થા છે. તે મુજબ ચીન-પાકિસ્તાન સાથે મુકાબલો કરવા ભારતે પણ હથિયારોનું ભંડાર વધારવાનું શરૂ કર્યું છે.

1 વર્ષમાં ચીને 30 અને પાકિસ્તાને 5 નવા પરમાણુ બોમ્બ બનાવ્યા

રિપોર્ટની માનીએ તો 1 વર્ષમાં ચીને 30 અને પાકિસ્તાને 5 નવા પરમાણુ બોમ્બ બનાવ્યા છે. જોકે ભારતે 6 નવા પરમાણુ બોમ્બ બનાવ્યા છે. ભારત પાસે કુલ પરમાણુ હથિયારોની સંખ્યા હવે વધીને 156 થઈ ચૂકી છે. બીજી બાજુ ઉ. કોરિયાએ ગત વર્ષની તુલનાએ 10 નવા પરમાણુ બોમ્બ બનાવ્યા છે. આ રીતે 2021માં પરમાણુ હથિયાર સંપન્ન રાષ્ટ્રો અમેરિકા, રશિયા, બ્રિટન, ફ્રાન્સ, ચીન, ભારત, પાકિસ્તાન, ઈઝરાયલ અને ઉ.કોરિયા પાસે કુલ 13,080 પરમાણુ બોમ્બ છે.

પરમાણુ બોમ્બની કુલ સંખ્યામાં ભલે ઘટાડો નોંધાયો

જોકે 2020માં આ આંકડો 13,400 હતો એટલે કે ચાલુ વર્ષે 320 ઓછા થયા છે. જોકે પરમાણુ બોમ્બની કુલ સંખ્યામાં ભલે ઘટાડો નોંધાયો હોય પણ તાત્કાલિક ઉપયોગ માટે સૈન્ય પાસે પરમાણુ હથિયારોની સંખ્યા વધી ગઈ છે. 2020માં 3,720 પરમાણુ બોમ્બ તહેનાત હતા. 2021માં 3,825 પરમાણુ હથિયાર ગમે ત્યારે હુમલા માટે એકદમ તૈયાર સ્થિતિમાં છે. તેમાં 2,000 પરમાણુ બોમ્બ રશિયા અને અમેરિકાના છે.

અમેરિકા-રશિયા હથિયારોને અત્યાધુનિક બનાવી રહ્યાં છે

સિપ્રી અનુસાર 1990ના દાયકામાં શરૂ થયેલ પરમાણુ બોમ્બ ઘટાડવાનો સિલસિલો થંભી ગયો છે. અમેરિકા અને રશિયા તેમના પરમાણુ હથિયારોને સતત અત્યાધુનિક બનાવી રહ્યાં છે. બંને દેશોઅે ગત વર્ષની તુલનાએ 50 અને પરમાણુ બોમ્બને એકદમ હુમલો કરવાની સ્થિતિમાં તહેનાત કરી દીધા છે. રશિયાએ તેના ભંડારમાં 180 બોમ્બ વધાર્યા છે.

READ ALSO

Related posts

દિલ્હી મુલાકાત / મુખ્યમંત્રી મમતા બેનર્જીએ વડાપ્રધાન મોદી સાથે કરી મુલાકાત, બુધવારે કોંગ્રેસ અધ્યક્ષ સોનિયા ગાંધી સાથે ‘ચાય પે ચર્ચા’

Zainul Ansari

2021ના અંત સુધીમાં ભારતને મળશે કુલ 35 રાફેલ, 2022માં સોલો ફાઇટર જેટ થશે સામેલ

Zainul Ansari

અફઘાનિસ્તાને કર્યુ સતર્ક: લશ્કરે તોઈબા તાલિબાનના વિસ્તારમાં બનાવી રહ્યું છે ઠેકાણું, ભારત વિરોધી ઘટનાઓને આપી શકે છે અંજામ

Zainul Ansari
Do NOT follow this link or you will be banned from the site!