GSTV
Home » News » એક ગ્રામની માછલીને થયું ટ્યુમર, માલિકે કર્યો આટલા રૂપિયાનો ખર્ચ જાણશો તો રહી જશો દંગ!

એક ગ્રામની માછલીને થયું ટ્યુમર, માલિકે કર્યો આટલા રૂપિયાનો ખર્ચ જાણશો તો રહી જશો દંગ!

તમે આજ સુધી દુનિયાની બધી જ દુર્લભ સર્જરીઓ વિશે સાંભળ્યું હશે, પરંતુ આજે અમે તમને જે સર્જરી જણાવવા જઈ રહ્યા છીએ તે મનુષ્યની નહીં પણ માછલી છે. એટલું જ નહીં, આ માછલી દુનિયાની સૌથી નાનામાં નામી માછલીઓમાંની એક છે. જેનું વજન માત્ર એક ગ્રામ છે. ઇંગ્લેન્ડના બ્રિસ્ટસની વેટ્સ વેટરનરી હોસ્પિટલમાં ડોકટરોએ એક માછલી પર સર્જરી કરી હતી જેના પેટમાં ગાંઠ હતી. ડોક્ટરોએ માછલી પર શસ્ત્રક્રિયા કરી તેના શરીરમાંથી ગાંઠ કાઢી હતી.

માછલીનું ઓપરેશન કરવામાં ડોક્ટરોની ટીમને આશરે 40 મિનિટનો સમય લાગ્યો પરંતુ તેની સર્જરી કર્યા પછી ગાંઠ દૂર થઈ ગઈ હતી. આ સાથે આ માછલી સર્જરી કરનારી વિશ્વની સૌથી નાની દર્દી બની ગઈ હતી. ઉલ્લેખનીય છે કે જે માછલીની શસ્ત્રક્રિયા કરવામાં આવી છે તે છે મોલી જાતિની ગોલ્ડ માછલી છે. મીડિયા રિપોર્ટ્સ અનુસાર, આ નાની માછલીની કિંમત માત્ર 89 રૂપિયા છે, પરંતુ તેના ઓપરેશનમાં લગભગ 9000 રૂપિયા ખર્ચ થયો છે.

આ પહેલીવાર નથી જ્યારે આ હોસ્પિટલમાં કોઈ સરિસૃપનું ઓપરેશન કરવામાં આવ્યું હોય. આ પહેલા પણ સરિસૃપનું ઓપરેશન કરવામાં આવ્યું હતું જેમાં કાચીંડો, ગરોળી, સાપ અને મગર જેવા પ્રાણીઓ સમાવેશ થાય છે. હોસ્પિટલમાં નોકરી કરતી સોન્યા માઇલ્સના જણાવ્યા પ્રમાણે આ ગોલ્ડ માછલીની માલિકને તેના પાડોશીએ થોડા અઠવાડિયા પહેલા ભેટ આપી હતી. શરૂઆતમાં બધું બરાબર લાગતું હતું, પરંતુ થોડા દિવસ પછી માછલીની નીચેના ભાગમાં એક ગઠ્ઠો રચાય છે. આ પછી તેના માલિક તેને હોસ્પિટલમાં લઈ ગયા.

સોન્યા માઇલ્સએ જણાવ્યું કે માછલીને પહેલા કન્ટેનરમાં મૂકી હતી. તે પછી જ્યારે તે શાંત થઈ, ત્યાર પછી તેને ઓપરેશન થિયેટરમાં લઈ જવામાં આવી. આ પછી, તેના પેટમાંની ગાંઠ મોંની નળીમાંથી દૂર થઈ ગઈ. આ પછી, તેના પેટને વોટરપ્રૂફ પેસ્ટથી સીલ કરવામાં આવ્યું હતું અને થોડા સમય પછી તેને ઓક્સિજનયુક્ત પાણીમાં નાખવામાં આવી અને થોડા કલાકો પછી માછલીને હોસ્પિટલમાંથી રજા આપવામાં આવી હતી.

READ ALSO

Related posts

ભારતના ખેલાડીઓએ ક-મને પણ આ ટુર્નામેન્ટ રમવા જવું પડશે પાકિસ્તાન, ખેલાડીઓ નથી જવા રાજી

Arohi

ભયાનક અજગરે જ્યારે જકડી લીધી ગરદન તો ભારે મહેનત બાદ આવી રીતે બચ્યો જીવ, જુઓ VIDEO

Mansi Patel

એક વાઘણ માટે લડી પડ્યા બે વાઘ… લવ ટ્રાયંગલમાં આવ્યો રસપ્રદ ટ્વીસ્ટ, જુઓ VIDEO

Mansi Patel
Do NOT follow this link or you will be banned from the site!