રાજકોટમાં વધુ એક ભૂવા ભારાડીનો વિજ્ઞાન જાથા દ્વારા પર્દાફાશ કરવામાં આવ્યો છે. રાજકોટના માલિયાસણ ગામે ખોડીયાર માતાજીના મંદિરે અરજણ નામનો ભૂવો છેતરપિંડી કરતો હોવાની માહિતી બાદ વિજ્ઞાન જાથાએ રેડ કરીને આ ભૂવાનો પર્દાફાશ કર્યો હતો. જેમાં વિજ્ઞાન જાથાની ટીમે આ ભૂવાને 21 હજારની રોકડ રકમ સાથે પોલીસને સોંપ્યો હતો. આ સમગ્ર ઘટનામાં ભાનુબેન ગોહિલ નામની એક મહિલાએ આ ભૂવા પર આક્ષેપ કર્યો હતો કે અરજણ ભૂવાએ તેના દુખ દર્દને દૂર કરવા માટે રૂપિયાની માંગ ણી કરી હતી. જે અંગે મહિલાએ ફોન રેકોર્ડીંગ પણ કર્યુ હતું. જે બાદ આ ભૂવાનો પર્દાફાસ કરવા જ્યારે વિજ્ઞાન જાથાની ટીમ પહોંચી ત્યારે તે પગે પડી ગયો હતો.
રાજકોટમાં ફરી એક વખત વિજ્ઞાન જાથા દ્વારા એક ભૂવાની તાંત્રીક છેતરપિંડી પર રોક લગાવી
