GSTV
Home » News » VIDEO : ઓમ પ્રકાશને પોલીસે કેવો માર માર્યો તેનું પ્રત્યક્ષદર્શીએ કહ્યો આંખો દેખ્યો અહેવાલ

VIDEO : ઓમ પ્રકાશને પોલીસે કેવો માર માર્યો તેનું પ્રત્યક્ષદર્શીએ કહ્યો આંખો દેખ્યો અહેવાલ

ફિલ્મોમાં જોવા મળે છે કે આરોપીઓ સાથે જેલમાં કેવો વર્તાવ થાય છે. પોલીસકર્મીઓ ગુનો કબૂલ કરવા કેવીરીતે થર્ડ ડિગ્રીનો ઉપયોગ કરે છે. આવા ફિલ્મી સીન જોઈને રૂંવાડા ઉભા થઈ જાય. ત્યારે રીયલ લાઈફમાં પણ આવી ઘટનાઓ સામે આવે છે. તેનું ઉદાહરણ છે સુરતનું કસ્ટોડિયલ ડેથનો મામલો.

ફિલ્મોમાં પોલીસ જેમ આરોપીઓને રિમાન્ડ પર લઈને જે રીતે નિર્દયતાથી માર મારે છે તેવા વાસ્તવિક દ્રશ્યો સુરતમાં ખટોદરા પોલીસ સ્ટેશનમાં સર્જાયા હતા. અને તે એટલી હદ સુધી કે ઓમપ્રકાશ પાંડે નામના શકમંદ યુવકનું મોત થઈ ગયું. પોલીસકર્મીઓએ કસ્ટડી રૂમમાં ખાખીનો રોફ બતાવીને ત્રણ શકમંદ યુવકને એવો ઢોર માર માર્યો કે જોનારનું હૃદય કંપી જાય.

ઓમ પ્રકાશને કેવો બેરહેમીથી માર મારવામાં આવ્યો હતો તેનો પ્રત્યક્ષદર્શી સોનુ યાદવે ખુલાસો કર્યો છે. તેણે કહ્યું કે ત્રણ યુવાનને વાંસ સાથે બાંધીને ઉંધા લટકાવ્યા હતા. અને એક બાદ એક પોલીસકર્મીઓ પાઈપ અને પટ્ટાથી નિર્દયતાપૂર્વક માર મારતા હતા. શકમંદ યુવાનો ચીસો પાડતાં રહ્યા અને પોલીસકર્મીઓ બેરહેમીથી તેમને મારતા રહ્યા.

સોનુ યાદવને પણ પોલીસ ઉઠાવી ગઈ હતી. અને તેને પણ ખૂબ માર માર્યો હતો. ઓમ પ્રકાશ પાંડેને પોલીસ કસ્ટડીમાં માર મારતા સમયનો આ એકમાત્ર પ્રત્યક્ષદર્શી છે. ત્યારે સોનુ યાદવનું આ નિવેદન ઘણું મહત્વનું બની જાય છે.

READ ALSO

Related posts

ભાજપના ધારાસભ્યની અફવાના કારણે 200 મકાનનો હુરિયો બોલાવી દીધો

Ankita Trada

સુરત આગ : મનપા કમિશનરે કહ્યું, જવાબદારો સામે કરાશે દંડાત્મક કાર્યવાહી

Nilesh Jethva

ઓકલેન્ડ પહોંચી ભારતીય ક્રિકેટ ટીમ, વિરાટ કોહલીએ શેર કરી Selfie

pratik shah
Do NOT follow this link or you will be banned from the site!