GSTV
Home » News » વિશ્વની નજર ભારતનાં અવકાશ મિશન પર, ચંદ્રયાનનાં ઉતરાણથી મળશે આ માહિતી

વિશ્વની નજર ભારતનાં અવકાશ મિશન પર, ચંદ્રયાનનાં ઉતરાણથી મળશે આ માહિતી

ભારત જ નહિં પરંતુ દુનિયાના તમામ દેશોની નજર મિશન ચંદ્રયાન-2 પર છે. કેમકે જો આ અભિયાન સફળ થયું તો અંતરિક્ષ વિજ્ઞાન માટે નવા રસ્તાઓ ખુલશે. ચંદ્રયાન-2નું મુખ્ય કાર્ય તો ચંદ્રના દક્ષિણ ધ્રુવ પર પાણીની શોધ કરવાનું છે. પરંતુ આ ઉપરાંત ચંદ્રના અનેક અજાણ્યા પાસાઓ પણ પ્રકાશમાં આવી શકશે.

ચંદ્ર પર પાણીનાં સંકેતોની શોધ કરાશે

ચંદ્રના દક્ષિણ ધ્રુવ પર ચંદ્રયાન-2નું ઉતરાણ થયા બાદ ચંદ્ર વિશેની અનેક અજાણી માહિતીઓ મળી શકે તેમ છે. ચંદ્રયાન-2 દ્વારા અહીં મેગ્નેશિયમ, કેલ્શિયમ અને લોખંડ જેવા ખનીજોને શોધવાનો પ્રયાસ કરવામાં આવશે. ચંદ્રયાન-2 ચંદ્રના વાતાવરણ અને તેના ઈતિહાસ પર પણ માહિતી એકઠી કરશે. પરંતુ તેનું સૌથી મહત્વનું મિશન ત્યાં પાણી હોવાના સંકેતોની શોધ કરવાનું છે. જો ચંદ્રયાન-2 અહીં પાણી હોવાના પુરાવા શોધી શકે છે તો તે અંતરિક્ષ વિજ્ઞાન માટે સૌથી મોટી ઉપલબ્ધિ ગણાશે. કેમકે ત્યાર બાદ અંતરિક્ષમાં નવી શોધોનો રસ્તો ખુલી જશે.

અંતરિક્ષયાત્રીઓ લાંબો સમય રોકાશે

ચંદ્ર પર પાણી ન હોવાના કારણે અંતરિક્ષયાત્રી વધુ દિવસો માટે રોકાઈ શકતા નથી. પરંતુ બરફથી પીવાના પાણી અને ઓક્સિજનની વ્યવસ્થા કરી શકાશે. જેના કારણે અંતરિક્ષયાત્રીઓ માટે લાંબા સમય સુધી ચંદ્ર પર રોકાણ કરવું શક્ય બનશે. પાણી અને ઓક્સિજનની વ્યવસ્થા હશે તો ચંદ્ર પર બેઝ કેમ્પ પણ બનાવવામાં આવશે. જ્યાં ચંદ્ર સાથે જોડાયેલા સંશોધનની સાથે અંતરિક્ષ સાથે જોડાયેલા અન્ય મિશનની તૈયારી પણ કરવામાં આવશે.

ચંદ્રયાન-2 મિશનથી મળશે આ જાણકારી

વિવિધ અંતરિક્ષ એજન્સીઓ મંગળ ગ્રહ સુધી પહોંચવા માટે ચંદ્રનો લોન્ચપેડની જેમ ઉપયોગ કરી શકશે. પરિણામે ચંદ્રથી મંગળ ગ્રહ પર પહોંચવા માટે સમય પણ ઓછો લાગશે. આ જ પ્રકારે બાકીના ગ્રહો પર પહોંચવા માટે પણ સરળતા રહેશે. ચંદ્રયાન-2 મિશનના પગલે ચંદ્રનો ઈતિહાસ અને વાતાવરણ વિશે જાણકારી તો મળશે જ સાથે જ પૃથ્વીની ઉત્પત્તિ અને હજારો વર્ષ પહેલા અહીંના વાયુમંડળ અને વાતાવરણમાં થયેલા ફેરફારો વિશે પણ અગત્યની માહિતી મળી શકે છે.

બીજી તરફ દક્ષિણી ધ્રુવમાં થોડા ભાગ એવો પણ છે જે વધારે ઠંડો પણ નથી અને અંધારામાં પણ નથી. અહીંના શેકલટન ક્રેટર્સની પાસેના ભાગમાં સૂર્ય સતત 200 દિવસો સુધી ચમકતો રહે છે. આથી અહીં અંતરિક્ષ વૈજ્ઞાનિકોને સંશોધનકાર્યમાં મોટી મદદ મળી શકે છે. અહીં વૈજ્ઞાનિકો સૂર્યના કિરણોનો ઉપયોગ કરીને ઉર્જાની આપૂર્તિ કરી શકે છે જે મશીનો અને અન્ય શોધકાર્ય માટે ખૂબ જરૂરી છે.

READ ALSO

Related posts

સોનભદ્ર નરસંહારઃ 90 વિઘા જમીન મામલો, જેમાં બે જૂથ અથડામણમાં થઈ ગયા લાશોના ઢગલા

Arohi

દુનિયાના સૌથી મોટા ડ્રગ માફિયા અલ ચેપોને મળી મોત બાદ પણ 30 વર્ષની સજા

Bansari

Maruti WagonR ઇલેક્ટ્રિક કાર આવતા વર્ષે ઓટો એક્સપોમાં થશે લોન્ચ, 150 કિમીની મળશે માઈલેજ

Path Shah
Do NOT follow this link or you will be banned from the site!