મહારાષ્ટ્ર અને હરિયાણા જ નહીં મોદીનો પેટા ચૂંટણીની બેઠક પર પણ નથી ચાલ્યો જાદુ, સરકારને મંદી નડી

18 રાજયોમાં કુલ 51 વિધાનસભા બેઠકો માટે યોજાયેલી પેટા ચૂંટણીમાં ભાજપ અને તેના સાથી પક્ષોનો 26 બેઠકો પર વિજય થયો છે. કોંગ્રેસનો 12 બેઠકો પર વિજય થયો છે. જ્યારે બિહારમાં અસદુદ્દીન ઔવેસીની એઆઇએમઆઇએમનો એક બેઠક પર વિજય થયો છે. સોમવારે લોકસભાની બે બેઠકો ઉપર પણ પેટા ચૂંટણી યોજવામાં આવી હતી. બિહારમાં સમસ્તિપુર લોકસભા બેઠક પર લોક જનશક્તિ પાર્ટીના પ્રિન્સ રાજનો વિજય થયો છે.  જ્યારે મહારાષ્ટ્રની સતારા લોકસભા બેઠક પર એનસીપીના શ્રીનિવાસન દાદાસાહેબ પાટીલનો વિજય થયો છે. 

ઉત્તર પ્રદેશમાં 11 વિધાનસભા બેઠકો માટે પેટા ચૂંટણી યોજવામાં આવી હતી. જેમાં  ભાજપને સાત, સપાને ત્રણ તથા ભાજપના સહયોગી અપના દળને એક બેઠક મળી છે. સપાએ ઝૈદપુર બેઠક ભાજપ અને જલાલપુર બેઠક બસપા પાસેથી આંચકી લીધી છે જ્યારે રામપુર બેઠક જાળવી રાખી છે.બિહારમાં પાંચ વિધાનસભા બેઠકો માટે યોજાયેલી પેટા ચૂંટણીમાં શાસક પક્ષ જદ(યુ)ને આંચકો લાગ્યો છે. જદ(યુ)નો ફક્ત એક જ બેઠક પર વિજય થયો છે. રાજદને બે, અપક્ષને એક અને એઆઇએમઆઇએમને એક બેઠક મળી છે.  તમિલનાડુમાં યોજાયેલી વિધાનસભાની બે બેઠકોની પેટાચૂંટણીમાં એઆઇડીએમકેનોિ વિજય થયો છે.

કેરળમાં પાંચ વિધાનસભા બેઠકો માટે પેટાચૂંટણી થઇ હતી.  જેમાં સીપીઆઇ(એમ)નો બે, કોંગ્રેસનો બે તથા ઇન્ડિયન યુનિયન મુસ્લિમ લીગનો એક બેઠક પર વિજય થયો છે. ગુજરાતમાં વિધાનસભાની છ બેઠકો પર પેટા ચૂંટણી યોજવામાં આવી હતી. જેમાં ત્રણ પર કોંગ્રેસ અને ત્રણ પર ભાજપનો વિજય થયો છે.

વિધાનસભાની પેટાચૂંટણીમાં ક્યા પક્ષને કેટલી બેઠકો મળી?

READ ALSO

• ફ્લોરલ કુર્તા તો ક્યારેક ફ્લોરલ સ્કર્ટમાં નજરે પડી કરિશમા, જુઓ તેનો અનોખો અંદાજ
• સલમાનખાન સાથે બોડિગાર્ડ શેરાએ પૂરા કર્યા 25 વર્ષ, સોશ્યલ મિડિયા પર ફોટો થયા વાયરલ
• આ દિગ્ગજ ટેલિકોમ કંપની દેવાળું ફૂંકે તેવી શક્યતા, 13 હજારથી વધુ કર્મચારીઓ નોકરી ગુમાવશે
• નેધરલેન્ડનો આ બાળક ફક્ત 9 વર્ષની ઉંમરે પ્રાપ્ત કરશે ગ્રેજ્યુએટની ડીગ્રી, આઈક્યુ લેવલ જાણશો તો….
• કમલેશ તિવારીની હત્યા બાદ વધુ એક હિન્દૂ નેતાને મળી ફોન પર ધમકી